| Agritechnica Asia Live 2022 ຈະຈັດຂຶ້ນຢູ່ ເກິນເທີ ແຕ່ວັນທີ 24 ຫາ 26 ສິງຫາ | |
| ເສີມຂະຫຍາຍຄຸນຄ່າອາຫານການກິນພື້ນເມືອງໃນການພັດທະນາການທ່ອງທ່ຽວຢູ່ ເກິນເທີ |
 |
| ທ່ານ ວິໄລວົງ ບຸດດາຄຳ, ເລຂາພັກແຂວງ, ເຈົ້າແຂວງໆ ຈຳປາສັກ ກ່າວຄຳເຫັນທີ່ການເຮັດວຽກ |
ຫວ່າງແລ້ວນີ້, ຄະນະຜູ້ແທນຂັ້ນສູງແຂວງ ຈຳປາສັກ, ແຫ່ງ ສປປ ລາວ ນຳໂດຍທ່ານ ວິໄລວົງ ບຸດດາຄຳ, ເລຂາພັກແຂວງ, ເຈົ້າແຂວງໆ ຈຳປາສັກ ໄດ້ມາຢ້ຽມຢາມ, ເຮັດວຽກກັບການນຳນະຄອນ ເກິນເທີ. ທີ່ການຕ້ອນຮັບ, ທ່ານ ວິໄລວົງ ບຸດດາຄຳ, ເລຂາພັກແຂວງ, ເຈົ້າແຂວງໆ ຈຳປາສັກ, ໃຫ້ຮູ້ວ່າ: ການພົວພັນລະຫວ່າງແຂວງ ຈຳປາສັກ ແລະ ນະຄອນ ເກິນເທີ ໃນໄລຍະ 2022 – 2026 ຈະສຸມໃສ່ 3 ເນື້ອໃນຕົ້ນຕໍຄື: ບຳລຸງສ້າງແຫຼ່ງຊັບພະຍາກອນມະນຸດ, ການລົງທຶນພັດທະນາເສດຖະກິດ, ການຮ່ວມມືມິດຕະພາບ ແລະ ການໜູນຊ່ວຍສັງຄົມ. ທ່ານ ວິໄລວົງ ບຸດດາຄຳ ຫວັງວ່າ: ຝ່າຍ ເກິນເທີ ຈະໜູນຊ່ວຍແຂວງຈຳປາສັກ ບຳລຸງສ້າງ ແຕ່ 5 – 10 ຄາດໝາຍ/ປີສຳລັບຂັ້ນມະຫາວິທະຍາໄລ ແລະ ເຫຼືອມະຫາວິທະຍາໄລ, ຈັດຕັ້ງບັນດາຊຸດຝຶກອົບຮົບ, ບຳລຸງສ້າງບາງຂະແໜງການໃຫ້ແກ່ພະນັກງານຂອງແຂວງຈຳປາສັກ. ຝ່າຍລາວ ຈະບຳລຸງສ້າງດ້ານພາສາລາວ ໃຫ້ແກ່ເກິນເທີ, ບັນລຸມາດຖານ 2 ຄົນ/ປີ. ຄຽງຄູ່ກັນນັ້ນ, ສອງຝ່າຍໃຫ້ຄຳໝັ້ນສັນຍາໜູນຊ່ວຍ, ສ້າງເງື່ອນໄຂອຳນວຍຄວາມສະດວກໃຫ້ບັນດານັກລົງທຶນດຳເນີນທຸລະກິດໃນຂົງເຂດ: ຜະລິດ, ປຸງແຕ່ງຜະລິດຕະພັນກະເສດ, ເຄື່ອງປ່າຂອງດົງ, ຂຸດຄົ້ນຊັບພະຍາກອນທຳມະຊາດ, ຄົມມະນາຄົມ, ການທ່ອງທ່ຽວ.
ທ່ານ ເລກວາງແມ້ງ, ເລຂາພັກນະຄອນ ເກິນເທີ, ເນັ້ນໜັກວ່າ: ເກິນເທີ ຈະເພີ່ມທະວີການຮ່ວມມື, ສົ່ງເສີມ ເປີດກ້ວາງການຮ່ວມມືລົງທຶນ, ການຄ້າ ໂດຍອີງໃສ່ຄວາມຮຽກຮ້ອງຕ້ອງການ ແລະ ທ່າແຮງລະຫວ່າງນະຄອນກັບບັນດາທ້ອງຖິ່ນຂອງລາວ. ເກິນເທີ ຈະສ້າງທຸກເງືື່ອນໄຂອຳນວຍຄວາມສະດວກເພື່ອໃຫ້ບັນດາວິສາຫະກິດສອງຝ່າຍແລກປ່ຽນຂໍ້ມູນຂ່າວສານ, ຄົ້ນຄ້ວາຕະຫຼາດ, ເປີດກ້ວາງການພົວພັນຮ່ວມມືລົງທຶນດຳເນີນທຸລະກິດ. ໃນຂົງເຂດຄົມມະນາຄົມຂົນສົ່ງ ແລະ ການທ່ອງທ່ຽວ, ເກິນເທີ ຈະມານະພະຍາຍາມສົ່ງເສີມເປີດສາຍການບິນ ເກິນເທີ - ວຽງຈັນ, ປະກອບສ່ວນພັດທະນາການທ່ອງທ່ຽວ, ໂຄສະນາພາບພົດຂອງປະເທດຊາດ, ປະຊາຊົນເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ຢູ່ລາວ.
ວີໂອວີ
