| ວິສາຫະກິດ ຫວຽດນາມ - ອິນເດຍ ພົບປະ ແລະ ຊອກຫາກາລະໂອກາດດຳເນີນທຸລະກິດ | |
| ເຊື່ອມຕໍ່ການຮ່ວມມືວິສາຫະກິດການຢາ, ການແພດລະຫວ່າງຫວຽດນາມ ແລະອິນເດຍ |
ກ່າວຄຳເຫັນທີ່ລາຍການ, ທ່ານຮອງຫົວໜ້າພະແນກການຕ່າງປະເທດແຂວງ ດັກລັກ ເຈົ່າຖິຮົ່ງມາຍ ໃຫ້ຮູ້ວ່າ: ການພົວພັນມິດຕະພາບທີ່ເປັນມູນເຊື້ອລະຫວ່າງ 2 ປະເທດ ຫວຽດນາມ - ອິນເດຍ ແມ່ນເລີ່ມມາຈາກການແລກປ່ຽນດ້ານວັດທະນະທຳ, ສາສະໜາ ແລະ ການຄ້າລະຫວ່າງປະຊາຊົນ. ສອງປະເທດ ໄດ້ແບ່ງປັນບັນດາຄຸນຄ່າລວມກ່ຽວກັບນ້ຳໃຈຮັກຊາດ, ມູນເຊື້ອມະນຸດສະທຳ, ຮັກຫອມສັນຕິພາບ ແລະ ຕິດພັນອຸດົມການຕໍ່ສູ້ປົດປ່ອຍຊາດຢ່າງແໜ້ນແຟ້ນ. ການພົວພັນມິດຕະພາບທີ່ເປັນມູນເຊື້ອ ໂດຍປະທານໂຮ່ຈີມິນ ແລະ ທ່ານນາຍົກລັດຖະມົນຕີ Jawaharlal Nehru ສ້າງພື້ນຖານ ກໍໄດ້ຮັບການເພີ່ມພູນຄູນສ້າງຈາກການນຳລຸ້ນຕ່າງໆ ແລະ ປະຊາຊົນສອງປະເທດ ແລະ ນັບມື້ນັບແຕກດອກອອກຜົນ. ໃນ 50 ປີທີ່ຜ່ານມາ, ສອງປະເທດໄດ້ສະໜັບສະໜູນເຊິ່ງກັນ ແລະ ກັນຢ່າງຕັ້ງໜ້າ ໃນການຕໍ່ສູ້ຍາດເອົາເອກະລາດແຫ່ງຊາດ, ສ້າງສາ ແລະ ປົກປັກຮັກສາປະເທດຊາດ.
 |
| ແລກປ່ຽນການເຕັ້ນແບບບູຮານ ODISSI ອິນເດຍ ຢູ່ດັກລັກ. (ພາບ: daklak.gov.vn/) |
ອິນເດຍ ຍາມໃດກໍ່ແມ່ນເພື່ອນມິດທີ່ໄວ້ເນື້ອເຊື່ອໃຈ, ສະໜິດສະໜົມ ແລະ ຈົງຮັກພັກດີ, ໜູນຊ່ວຍ ຫວຽດນາມ ຢ່າງສຸດຈິດສຸດໃຈໃຫ້ຜ່ານຜ່າໄລຍະຫຍຸ້ງຍາກ ແລະ ສິ່ງທ້າທາຍ. ພິເສດ, ນັບແຕ່ສ້າງຕັ້ງການພົວພັນຄູ່ຮ່ວມມືຍຸດທະສາດປີ 2007 ແລະ ຍົກລະດັບຂຶ້ນເປັນຄູ່ຮ່ວມມືຍຸດທະສາດຮອບດ້ານໃນປີ 2016, ການຮ່ວມມືລະຫວ່າງ 2 ປະເທດນັບມື້ນັບແທດຈິງ ແລະ ມີປະສິດທິຜົນບົນພື້ນຖານທັງ 5 ເສົາຄ້ຳຄື ການເມືອງ - ການທູດ, ປ້ອງກັບຊາດ - ປ້ອງກັນຄວາມສະຫງົບ, ເສດຖະກິດ - ການຄ້າ, ວິທະຍາສາດ - ເຕັກໂນໂລຊີ, ການສຶກສາ - ບຳລຸງສ້າງ ແລະ ວັດທະນະທໍາ - ການທູດປະຊາຊົນ.
ໃນໄລຍະຈະມາເຖິງ, ກົມການຕ່າງປະເທດແຂວງ ດັກລັກ ຫວັງວ່າສະຖານກົງສຸນອິນເດຍ ປະຈຳນະຄອນ ໂຮ່ຈີມິນ ແລະ ບັນດາອົງການ ຈະສືບຕໍ່ເອົາໃຈໃສ່ ແລະ ເພີ່ມທະວີການພົວພັນແລກປ່ຽນປະຊາຊົນ ແລະ ເຊື່ອມຕໍ່ປະຊາຄົມວິສາຫຳກິດ. , ຊຸກຍູ້ການຮ່ວມມືຮອບດ້ານລະຫວ່າງແຂວງ ດັກລັກ ແລະ ຄູ່ຮ່ວມມືອິນເດຍ, ປະກອບສ່ວນຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ - ອິນເດຍ.
ໂຄງການດັ່ງກ່າວແມ່ນໂອກາດເພື່ອໃຫ້ແຂວງ ດັກລັກ ໄດ້ພົບປະ ແລະ ເຂົ້າໃຈຕື່ມອີກກ່ຽວກັບການເຕັ້ນ ODISSI - ແມ່ນໜຶ່ງໃນບັນດາຈັງຫວະເຕັ້ນທີ່ເກົ່າແກ່ທີ່ສຸດທີ່ສ້າງເປັນຈຸດວັດທະນະທຳພື້ນເມືອງຂອງອິນເດຍ. ນີ້ແມ່ນການເຄື່ອນໄຫວທີ່ມີຄວາມໝາຍ, ປະກອບສ່ວນຮັດແໜ້ນ ແລະ ພັດທະນາສາຍພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງ 2 ປະເທດ.
ຄຳຮຸ່ງ
