| ສະມາຄົມຊາວຍີ່ປຸ່ນຮັກຫວຽດນາມ ມອບຂອງຂວັນໃຫ້ຜູ້ປະສົບເຄາະຮ້າຍຈາກທາດພິດສີສົ້ມຢູ່ແຂວງ ນິງບິ່ງ | |
| EuroCham ຫວຽດນາມ ຈັດ “ເວທີປາໄສ ແລະ ງານວາງສະແດງເສດຖະກິດສີຂຽວ (GEFE) 2022” ໃນທ້າຍເດືອນ ພະຈິກ 2022 |
 |
| ວັນບຸນນັກຮົບດອກຝາງແດງ |
ວັນບຸນ “ນັກຮົບດອກຝາງແດງ” ປີ 2022 ຂັ້ນສູນກາງ ໄດ້ຈັດຂຶ້ນຢູ່ ຮ່າໂນ້ຍ, ເກີນເທີ, ຝູ້ອ່ຽນ. ຄຽງຂ້າງນັ້ນ, ແຕ່ລະແຂວງ, ຄະນະຊາວໜຸ່ມນະຄອນ ຕ້ອງຄັດເລືອກຫົວໜ່ວຍຈັດຕັ້ງຈຸດຂັ້ນແຂວງຢ່າງໜ້ອຍແມ່ນ 01 ຫົວໜ່ວຍ ເພື່ອໂຄສະນາເຜີຍແຜ່ຄວາມໝາຍຂອງວັນບຸນ.
ວັນບຸນເພື່ອແນໃສ່ເສີມຂະຫຍາຍຈິດໃຈປະຈັນບານ, ອາສາສະໝັກຂອງບັນດາສະມາຊິກ ເຊິ່ງແມ່ນຄູສອນໜຸ່ມ, ນັກຮຽນຂອງບັນດາໂຮງຮຽນມັດທະຍົມ, ສູນວິຊາອາຊີບ - ສູນການສຶກສາຕໍ່ເນື່ອງໃນການເຂົ້າຮ່ວມການພັດທະນາເສດຖະກິດ - ສັງຄົມ, ແກ້ໄຂບັນດາບັນຫາທີ່ສັງຄົມພວມມີຄວາມສົນໃຈ; ສ້າງຊົນນະບົດໃໝ່, ຕົວເມືອງສີວິໄລ; ຮັບປະກັນຄວາມສະຫງົບປອດໄພສັງຄົມ.
ພ້ອມກັນນັ້ນ, ກໍສ້າງສະພາບແວດລ້ອມໃຫ້ແກ່ສະມາຊິກ, ໄວໜຸ່ມໄດ້ຝຶກຝົນຫຼໍ່ຫຼອມ, ອຸທິດຕົນ ແລະ ເຕີບໃຫຍ່; ສຶກສາຄຸນສົມບັດ, ວິຖີຊີວິດດ້ານວັດທະນະທຳ, ປະກອບສ່ວນເຂົ້າໃນການສ້າງໃຫ້ລຸ້ນໜຸ່ມດຳລົງຊີວິດເປັນຢ່າງດີ, ມີຈັນຍາບັນ, ມີສະຕິປັນຍາ, ສຸຂະພາບດີ, ມີທັກສະປະຕິບັດຕໍ່ສັງຄົມ, ປະກອບສ່ວນເຂົ້າໃນພາລະກິດສ້າງສາ ແລະ ປົກປັກຮັກສາປະເທດຊາດ.
ໂດຍກ່າວຄຳເຫັນທີ່ວັນບຸນ, ທ່ານເລຂາສູນກາງຄະນະຊາວໜຸ່ມກອມມູນິດ ໂຮ່ຈີມິນ, ປະທານສະຫະພັນຊາວໜຸ່ມ ຫວຽດນາມ ຫງວຽນຫງອກເລືອງ ໃຫ້ຮູ້ວ່າ ເຊິ່ງນອນໃນບັ້ນຮົບຊາວໜຸ່ມອາສາສະໝັກລະດູຮ້ອນ, ປີ 2022, ບັ້ນຮົບອາສາສະໝັກດອກຝາງແດງ ຈະສືບຕໍ່ໄດ້ຜັນຂະຫຍາຍເຖິງບັນດາສະມາຊິກ, ຊາວໜຸ່ມທີ່ເປັນຄູສອນໜຸ່ມ, ນັກຮຽນຂອງບັນດາໂຮງຮຽນມັດທະຍົມ, ສູນວິຊາອາຊີບ, ສູນການສຶກສາຕໍ່ເນື່ອງ, ເພື່ອແນໃສ່ເສີມຂະຫຍາຍຈິດໃຈປະຈັນບານ, ອາສາສະໝັກໃນການເຂົ້າຮ່ວມການພັດທະນາເສດຖະກິດ - ສັງຄົມ; ສ້າງຊົນນະບົດໃໝ່, ຕົວເມືອງສີວິໄລ; ຮັບປະກັນຄວາມສະຫງົບປອດໄພສັງຄົມ. ຄະນະເລຂາຄະນະຊາວໜຸ່ມສູນກາງ ເຊື່ອໝັ້ນວ່າ ແຕ່ລະນັກຮົບດອກຝາງແດງ ຈະເສີມຂະຫຍາຍຈິດໃຈປະຈັນບານຢ່າງມີປະສິດທິຜົນ, ມີບັນຍາກາດ ແລະ ຈິດໃຈເມື່ອໃດກໍກຽມພ້ອມ ແລະ ເຕັມໄປດ້ວນຄວາມຟົດຟື້ນຂອງໄວໜຸ່ມ, ເຂົ້າຮ່ວມປະຕິບັດບັນດາໂຄງການແທດຈິງ ແລະ ວຽກງານທີ່ມີຄວາມໝາຍຢ່າງຕັ້ງໜ້າ, ສະແດງຄວາມຮັບຜິດຊອບຕໍ່ຊຸມຊົນ - ສັງຄົມ.
ຢູ່ຮ່າໂນ້ຍ, ໄດ້ດຳເນີນບັນດາການເຄື່ອນໄຫວຕອບສະໜອງວັນບຸນ ລວມມີ: ໂຄງການ “ແນະນຳເຄື່ອງດົນຕີຊົນເຜົ່າໃຫ້ບັນດາໂຮງຮຽນມັດທະຍົມ”; ຮູບແບບ "ຫ້ອງຮຽນເປັນມິດ"; ສະຫນາມຫຼິ້ນທ້າຍອາທິດສໍາລັບເດັກນ້ອຍ "ພາສາອັງກິດແມ່ນອະນາຄົດ"; ວາລະພິພາກສາຂອງສານແບບສົມມຸດຖານ “ສ້າງຄວາມຮັກແບບໝູ່ເພື່ອນທີ່ດີງາມ – ເວົ້າ “ບໍ່”ກັບການໃຊ້ຄວາມຮຸນແຮງໃນໂຮງຮຽນ”…
ຫອມມາລາ
