| ໄຂຕະຫຼາດນັດຜະລິດຕະພັນກະເສດ ແຂວງ ແຄ໋ງຮ່ວາ ປີ 2022 | |
| Festival ເຫ້ວ ກັບຄືນມາ, ຄາດວ່າຈະໄດ້ຕ້ອນຮັບແຂກທ່ອງທ່ຽວ 200.000 ຄົນ |
 |
| Festival Namaste ຫວຽດນາມ 2022 ຢູ່ແຂວງ ແຄ໋ງຮ່ວາ (ພາບ: TTXVN) |
ຫວ່າງແລ້ວນີ້, ງານບຸນ Namaste ຫວຽດນາມ 2022 ໄດ້ໄຂຂຶ້ນຢູ່ສະໜາມຫຼວງ 2 ເມສາ, ນະຄອນ ຍາຈາງ, ແຂວງ ແຄ໊ງຮ່ວາ. ເຫດການໂດຍກົງສູນໃຫຍ່ ອິນເດຍ ປະຈຳນະຄອນ ໂຮ່ຈີມິນ ສົມທົບກັບຄະນະກຳມະການປະຊາຊົນແຂວງ ແຄ໋ງຮ່ວາ ຈັດຕັ້ງ.
ງານບຸນ Namaste ຫວຽດນາມ 2022 ດຳເນີນແຕ່ວັນທີ 17 – 20 ສິງຫາ, ແມ່ນສ່ວນໜຶ່ງຂອງບັນດາການເຄື່ອນໄຫວເພື່ອສະເຫຼີມສະຫຼອງ 75 ປີແຫ່ງວັນປະກາດເອກະລາດຂອງ ອິນເດຍ ແລະ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ອິນເດຍ.
ເຂົ້າຮ່ວມພິທີເປີດມີຄະນະການທູດອິນເດຍ, ນັກວິສາຫະກິດອິນເດຍ, ຄະນະສິລະປະ ແລະ ຜູ້ທີ່ມີຊື່ສຽງຂອງແິນເດຍ. ຝ່າຍຫວຽດນາມ, ມີຜູ້ຕາງໜ້າບັນດາກະຊວງ, ຂະແໜງການສູນກາງ ແລະ ຜູ້ຕາງໜ້າບັນດາແຂວງ ບິ່ງດິງ, ຝູອຽນ, ນິງທ້ວນ, ບິ່ງທ້ວນ, ບັນດາແຂວງຢູ່ເຂດໄຕງວຽນ ແລະ ປະຊາຊົນແຂວງ ແຄ໋ງຮ່ວາ ພ້ອມກັບແຂກທ່ອງທ່ຽວເປັນຈໍານວນຫຼວງຫຼາຍ.
ທີ່ພິທີເປີດ, ຜູ້ແທນ, ປະຊາຊົນ, ນັກທ່ອງທ່ຽວໄດ້ຊົມການສະແດງສິລະປະພື້ນເມືອງ ແລະ ຍຸກສະໄໝຂອງ ອິນເດຍ ແລະ ຫວຽດນາມ; ໃນເວລາດຽວກັນ, ປະຊາຊົນສາມາດພົບປະໂດຍກົງກັບນັກສະແດງອິນເດຍທີ່ມີຊື່ສຽງ.
ພິເສດແມ່ນພິທີຈູດໂຄມໄຟຕາມຮີດຄອງປະເພນີຂອງອິນເດຍທີ່ມີຄວາມໝາຍເພື່ອປຸກພະລັງທາງບວກ, ພ້ອມກັນນັ້ນກໍ່ປຸກລະດົມຄວາມມຸ່ງມາດປາດຖະໜາຢາກຈຸດແສງສະຫວ່າງໃຫ້ຜູ້ຄົນ, ເປັນໂອກາດອະທິຖານເພື່ອສັນຕິພາບ, ປາດຖະໜາຢາກມີພະລັງແຮງອັນບໍລິສຸດເພື່ອຂັບໄລ່ຄວາມມືດມົວ ແລະ ຄວາມທຸກຍາກ, ນໍາມາເຊິ່ງຊີວິດທີ່ຈະອີ່ມໜຳສຳລານ ແລະ ມີຄວາມຜາສຸກ.
ກ່າວຄຳເຫັນທີ່ພິທີເປີດ, ທ່ານ ເລຮືວຮ່ວາງ, ຮອງປະທານຄະນະກຳມະການປະຊາຊົນແຂວງ ແຄ໋ງຮ່ວາ ໃຫ້ຮູ້ວ່າ, ໃນຂອບເຂດງານບຸນ Namaste, 2 ຝ່າຍຈະມີຫຼາຍກິດຈະກຳສົ່ງເສີມການທ່ອງທ່ຽວ, ລາຍການ Famtrip ແລະ ອື່ນໆ, ລາຍການແລກປ່ຽນສິລະປະ ແລະ ວັດທະນະທຳ. ບັນດາການເຄື່ອນໄຫວທີ່ກ່າວມານີ້ຈະປະກອບສ່ວນສ້າງເປັນງານບຸນທີ່ພິເສດ.
ທ່ານຮອງລັດຖະມົນຕີຜູ້ປະຈຳການກະຊວງການຕ່າງປະເທດ ຫງວຽນແມ້ງວູ ເນັ້ນໜັກວ່າ: ການພົບປະແລກປ່ຽນວັດທະນະທຳລະຫວ່າງ ຫວຽດນາມ ແລະ ອິນເດຍ ໄດ້ດຳເນີນໃນຕະຫຼອດໄລຍະຜ່ານມາ. ໃນຕະຫຼອດໄລຍະ 50 ປີທີ່ຜ່ານມາ, ສອງປະເທດໄດ້ມີການພົວພັນຍຸດທະສາດທີ່ດີງາມທີ່ສຸດ. Festival Namaste ຫວຽດນາມ 2022 ຢູ່ ແຄ໋ງຮ່ວາ ໄດ້ຮັບການຕ້ອນຮັບຢ່າງອົບອຸ່ນຈາກປະຊາຊົນ.
ບຸນຄົງ
