| ໄຂ Festival ທະເລ - ໂຮ້ຍອານ ຍາມລະດູຮ້ອນ | |
| Festival ຜະລິດຕະພັນກະເສດ, ຜະລິດຕະພັນ OCOP ຕິດພັນກັບການທ່ອງທ່ຽວ ຮ່າໂນ້ຍ ປີ 2022 |
 |
| Festival ເຫ້ວ 2018 ( ພາບ: ຮ່ວາງຫາຍ) |
ສັບປະດາ Festival ເຫ້ວ ດ້ວຍຫົວຂໍ້ “ມໍລະດົກວັດທະນະທຳ ກັບການເຊື່ອມໂຍງ ແລະ ການພັດທະນາ” ໄດ້ດຳເນີນໄປແຕ່ວັນທີ 25 – 30 ມິຖຸນາ ດ້ວຍ 8 ລາຍການຕົ້ນຕໍ ແລະ ຫຼາຍກິດຈະກຳເພື່ອຕອບສະໜອງປິ່ນອ້ອມງານບຸນ.
Festival ເຫ້ວ 2022 ໄດ້ຮັບການໃຫ້ຂໍ້ສັງເກດວ່າ ແມ່ນໂອກາດເພື່ອໃຫ້ຂະແໜງການທ່ອງທ່ຽວ ເທື່ອທຽນ - ເຫ້ວ ສາມາດຟື້ນຕົວຄືນ ພາຍຫຼັງ 2 ປີ ທີ່ຖືກຜົນກະທົບຢ່າງໜັກໜ່ວງຈາກໂລກລະບາດໂຄວິດ-19.
Festival ເຫ້ວ 2022 ມີຫຍັງພິເສດ?
ທ່ານ ຮວິ່ງຕ໋ຽນດາດ, ຜູ້ອຳນວຍການສູນ Festival ເຫ້ວ, ໃຫ້ຮູ້ວ່າ ເຫດການປີນີ້ ໄດ້ຈັດຂຶ້ນໃນສະພາບທີ່ນະຄອນ ເຫ້ວ ມີການເປີດກວ້າງເຂດແດນການບໍລິຫານ, ທົ່ວແຂວງສູ້ຊົນມາຮອດປີ 2025 ກໍ່ສ້າງ ແລະ ພັດທະນາ ເທື່ອທຽນ-ເຫ້ວ ໃຫ້ກາຍເປັນຕົວເມືອງຂຶ້ນກັບສູນກາງໂດຍກົງ.
ຕາມຜູ້ຕາງໜ້າຂອງຄະນະຈັດຕັ້ງແລ້ວ, ຈຸດພົ້ນເດັ່ນໃນສັບປະດາແມ່ນລາຍການສິລະປະເປີດສາກດຳເນີນໃນເວລາ 8 ໂມງຄໍ່າ ວັນທີ 25 ມິຖຸນານ ຢູ່ສະໜາມຫຼວງຫງໍ້ມົນ.
“ລາຍການໄດ້ຈັດສ້າງຢ່າງພິຖິພິຖັນ, ສົມທົບກັບສຽງດົນຕີ, ເຕັກໂນໂລຊີດ້ານແສງສະຫວ່າງແບບທັນສະໄໝ ແລະ ບັ້ງໄຟດອກແບບມີສິລະປະ ທີ່ໄດ້ຄອງຫວັງຈະນຳມາເຊິ່ງຄວາມຮູ້ສຶກທີ່ລືມຍາກໃຫ້ແກ່ແຂກທ່ອງທ່ຽວ”, ທ່ານດາດແບ່ງປັນ.
ນອກຈາກລາຍການສິລະປະທີ່ໄຂໃນຕອນຄໍ່າວັນທີ 25 ມິຖຸນາ ຢູ່ຫງໍ້ມົນ, Festival ເຫ້ວ ປີ 2022 ຍັງມີບັນດາຄະນະສິລະປະພາຍໃນ ແລະ ຕ່າງປະເທດມາສະແດງທຸກໆຄືນຢູ່ບັນດາເວທີຂອງ ກວ໋ກຕືຢາມ, ສີລາຈາລຶກກວັກຫອກ, ໂກນຢ໊າວຽນ, ສວນສາທາລະນະ 3 ກຸມພາ, ຖະໜົນຄົນຍ່າງ ຫງວຽນດິງຈ໊ຽວ ແລະ ຂົວ ໂງ໊ລິມ.
“ຜ່ານຫົວຂໍ້ທີ່ຊອດທະລຸຂອງຄ່ຳຄືນໄຂງານ ຈະແນະນຳໃຫ້ນັກທ່ອງທ່ຽວຢູ່ໃກ້ ແລະ ໄກຮູ້ເຖິງ ເທື່ອທຽນ - ເຫ້ວ ເຊິ່ງເປັນເຂດທີ່ເມື່ອໃດກໍສວຍງາມ ແລະ ໃໝ່, ສະແດງຄວາມມຸ່ງມາດປາດຖະໜາຢາກພັດທະນາຂຶ້ນເລື້ອຍໆ”, ທ່ານ ຫງວຽນແທັງບິງ, ຮອງປະທານ ຄະນະກໍາມະການປະຊາຊົນແຂວງ ເທື່ອທຽນ -ເຫ້ວ ກ່າວ.
ຄາດວ່າຈະມີແຂກທ່ອງທ່ຽວ 200.000 ເທື່ອຄົນ ມາ ເຫ້ວ
ພາຍຫຼັງ 10 ຄັ້ງ ທີ່ໄດ້ຈັດຕັ້ງ, Festival ເຫ້ວ ໄດ້ກາຍເປັນເຄື່ອງໝາຍການຄ້າສາກົນ ດ້ວຍຂອບຂະໜາດ ແລະ ຄຸນນະພາບສິລະປະສູງ. ກ່ອນໜ້ານັ້ນ, Festival Hue 2018 ໄດ້ດຶງດູດນັກທ່ອງທ່ຽວກວ່າ 1.200.000 ເທື່ອຄົນ.
ເນື່ອງຈາກຖືກຜົນສະທ້ອນຈາກການແຜ່ລະບາດຂອງພະຍາດໂຄວິດ-19, ເທື່ອທຽນ -ເຫ້ວ ຕ້ອງໂຈະການຈັັດຕັ້ງ Festival 2020 ແລະ ເລື່ອນມາປີ 2022. ຕະຫຼາດນັກທ່ອງທ່ຽວສາກົນຫຼາຍແຫ່ງຍັງຟື້ນຟູຊ້າ ພາຍຫຼັງພະຍາດລະບາດ, ສະນັ້ນ ຂະແໜງການທ່ອງທ່ຽວທ້ອງຖິ່ນນີ້ ຄາດວ່າຈຳນວນນັກທ່ອງທ່ຽວທີ່ເຂົ້າຮ່ວມໃນຄັ້ງນີ້ຈະມີໜ້ອຍລົງ.
ຕາມນັ້ນແລ້ວ, ພະແນກທ່ອງທ່ຽວແຂວງ ເທື່ອທຽນ - ເຫ້ວ ຄາດວ່າ ຈະມີນັກທ່ອງທ່ຽວປະມານ 200.000 ເທື່ອຄົນ ເຂົ້າຮ່ວມບັນດາເຫດການຢູ່ ສັບປະດາ Festival ເຫ້ວ 2022.
ເພື່ອແນໃສ່ຕ້ອນຮັບນັກທ່ອງທ່ຽວທີ່ເຂົ້າຮ່ວມງານບຸນຢ່າງລອບຄອບ, ພະແນກທ່ອງທ່ຽວ ໄດ້ຊີ້ນຳ ແລະ ແນະນໍາບັນດາວິສາຫະກິດເຮັດທຸລະກິດບໍລິການ - ທ່ອງທ່ຽວ, ບັນດາສະຖານທີ່ພັກເຊົາຕ້ອງໄດ້ປັບແປງຕົກແຕ່ງໃຫ້ດີ, ຍົກລະດັບພື້ນຖານໂຄງລ່າງ, ອຸປະກອນ, ເພີ່ມທະວີການບໍລິການຊ່ວຍເຫຼືອ, ສະໜອງຂໍ້ມູນ, ສ້າງເງື່ອນໄຂສະດວກໃຫ້ແຂກທ່ອງທ່ຽວ.
ນອກຈາກນັ້ນ, ທ້ອງຖິ່ນຍັງໄດ້ຂົນຂວາຍບັນດາວິສາຫະກິດທ່ອງທ່ຽວສ້າງບັນດາຜະລິດຕະພັນ tour ທີ່ຕິດພັນກັບບັນດາການເຄື່ອນໄຫວ, ເຫດການຂອງ Festival ເຫ້ວ; ມີແຜນການ ຮັບສະໝັກໃໝ່ ແລະ ຝຶກອົບຮົມວິຊາສະເພາະໃຫ້ແຫຼ່ງຊັບພະຍາກອນມະນຸດຂອງບັນດາຫົວໜ່ວຍເພື່ອຮັບໃຊ້ນັກທ່ອງທ່ຽວໃຫ້ດີທີ່ສຸດ.
ພະແນກທ່ອງທ່ຽວກໍໄດ້ຈັດຕັ້ງຫຼາຍຊຸດອົບຮົມໃຫ້ພະນັກງານແຮງງານໃນຂະແໜງການທ່ອງທ່ຽວເຊັ່ນ ຜູ້ນຳທ່ຽວ, ຄົນຂັບລົດ, ກຸ່ມທ່ອງທ່ຽວຊຸມຊົນຢູ່ໃນບໍລິເວນ, ຮັບປະກັນສະພາບແວດລ້ອມແຫ່ງການທ່ອງທ່ຽວອາລະຍະທຳ, ປອດໄພ, ຮັບໃຊ້ບັນດາຂະບວນນັກທ່ອງທ່ຽວພາຍໃນ ແລະ ຕ່າງປະເທດໃນຕະຫຼອດເວລາທີ່ດໍາເນີນງານບຸນ.
ທ່ານ ຫງວຽນວັນຟຸກ, ຫົວໜ້າພະແນກທ່ອງທ່ຽວ ເທື່ອທຽນ - ເຫ້ວ, ໃຫ້ຮູ້ວ່າ ຫົວໜ່ວຍໄດ້ເປັນເຈົ້າການໃນການສ້າງແຜນການເພີ່ມທະວີວຽກງານກວດກາ, ປັບປຸງບັນດາການເຄື່ອນໄຫວເຮັດທຸລະກິດບໍລິການຢູ່ບໍລິເວນ, ຮຽກຮ້ອງບັນດາວິສາຫະກິດຂຶ້ນທະບຽນລາຄາ, ຕິດແຈ້ງລາຄາ ແລະ ບໍ່ໃຫ້ເພີ່ມລາຄາເອງ ຫຼື ກົດລາຄາ ເພື່ອຮັກສາລາຄາບໍລິການທີ່ເປັນປົກກະຕິ ແລະ ຮັກສາຄຸນນະພາບການບໍລິການ.
ຫອມມາລາ
