ກ່າວຄຳເຫັນທີ່ກອງປະຊຸມ, ທ່ານນາງຮອງປະທານສະຫະພັນບັນດາອົງການມິດຕະພາບນະຄອນຮ່າໂນ້ຍ ເຈີ່ນຖິເຟຶອງ ໄດ້ຕີລາຄາສູງການເຄື່ອນໄຫວຂອງສະມາຄົມມິດຕະພາບ ຫວຽດນາມ - ປາແລັດສະຕິນ ໃນໄລຍະຜ່ານມາມ ແລະ ພ້ອມກັນນັ້ນ ກໍສະເໜີບາງການເຄື່ອນໄຫວສຳຄັນໃນໄລຍະຈະມາເຖິງ. ຕາມນັ້ນແລ້ວ, ສະມາຄົມຄວນໂຄສະນາເຜີຍແຜ່ ກ່ຽວກັບການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືລະຫວ່າງ ຫວຽດນາມ ແລະ ປາແລັດສະຕິນ ໃນວົງການສື່ມວນຊົນ, ຊ່ວຍປະຊາຊົນສອງປະເທດ ເພີ່ມທະວີຄວາມເຂົ້າໃຈເຊິ່ງກັນ ແລະ ກັນ; ຮັກສາການພົວພັນກັບສະຖານທູດ ປາແລັດສະຕິນ ໃນການສົມທົບກັນຈັດຕັ້ງບັນດາການເຄື່ອນໄຫວສັນຕິພາບ ແລະ ມິດຕະພາບ, ເພີ່ມທະວີການພົວພັນຮ່ວມມື ກັບບັນດາອົງການປະຊາຊົນ ແລະ ບັນດາອົງການມິດຕະພາບຢູ່ ປາແລັດສະຕີນ; ຕັ້ງໜ້າຊຸກຍູ້ການພົບປະແລກປ່ຽນ ແລະ ການຮ່ວມມືໃນຂົງເຂດເສດຖະກິດ, ວັດທະນະທຳ, ການສຶກສາ, ການທ່ອງທ່ຽວ...
 |
| ທ່ານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງລັດ ປາແລັດສະຕິນ ປະຈຳ ຫວຽດນາມ Saadi Salama (ພາບ: TTXVN) |
ທີ່ກອງປະຊຸມ, ທ່ານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງລັດ ປາແລັດສະຕິນ ປະຈຳ ຫວຽດນາມ Saadi Salama ຢືນຢັນວ່າ ປະຊາຊົນ ປາແລັດສະຕິນ ຖືເປັນສຳຄັນ ແລະ ຕີລາຄາສູງນ້ຳໃຈສາມັກຄີ, ມິດຕະພາບກັບປະຊາຊົນ ຫວຽດນາມ. ນີ້ແມ່ນກຳລັງຊຸກຍູ້ໃຫ້ປາແລັດສະຕິນ ເຊື່ອໝັ້ນໃນອະນາຄົດ ແລະ ສືບຕໍ່ສູ້ຊົນພັດທະນາ.
ທ່ານເອກອັກຄະລັດຖະທູດ ກໍ່ໄດ້ສະແດງຄວາມຂອບອົກຂອບໃຈ ຕໍ່ສະຫະພັນບັນດາອົງການມິດຕະພາບນະຄອນ ຮ່າໂນ້ຍ ແລະ ສະມາຄົມມິດຕະພາບ ຫວຽດນາມ - ປາແລັດສະຕິນ ນະຄອນ ຮ່າໂນ້ຍ ທີ່ໄດ້ມີການເຄື່ອນໄຫວຢ່າງສຸດຈິດສຸດໃຈ ແລະ ມີຄວາມໝາຍ, ຊ່ວຍເພີ່ມທະສີການຊຸກຍູ້ຄວາມເຂົ້າໃຈລະຫວ່າງປະຊາຊົນສອງປະເທດ; ຢືນຢັນວ່າ, ສະຖານທູດ ປາແລັດສະຕິນ ຈະຮ່ວມເດີນທາງ ໃນການປະຕິບັດບັນດາການເຄື່ອນໄຫວແລກປ່ຽນວັດທະນະທຳ, ການພົບປະແລກປ່ຽນປະຊາຊົນ, ຮັດແໜ້ນສາຍພົວພັນມິດຕະພາບທີ່ເປັນມູນເຊື້ອລະຫວ່າງ 2 ປະເທດໃນໄລຍະຈະມາເຖິງ.
ຄຳຮຸ່ງ
