| ນາຍົກລັດຖະມົນຕີ ຟ້າມມິງຈິງ: ຫວຽດນາມ ຍູ້ແຮງການຫັນເປັນດີຈີຕອນຢ່າງວ່ອງໄວ, ມີປະສິດທິຜົນ ແລະ ແທດຈິງ | |
| ຊຸກຍູ້ການພົວພັນຮ່ວມມືດ້ານປ້ອງກັນປະເທດ ຫວຽດນາມ - ອິດສະຣາແອນ ພັດທະນາຢ່າງແທດຈິງ ແລະ ມີປະສິດທິຜົນ |
ຄວາມສາມັກຄີ, ນໍ້າໃຈຮັກແພງຊ່ວຍເຫຼືອເຊິ່ງກັນ ແລະ ກັນ ເພື່ອຜ່ານຜ່າໂລກລະບາດ
ໃນປີ 2021, ໃນຊຸມມື້ທີ່ໂລກລະບາດໂຄວິດ-19 ມີຄວາມເຄັ່ງຕຶງ, ນ້ຳໃຈຮັກແພງຊ່ວຍເຫຼືອເຊິ່ງກັນ ແລະ ກັນ, ຄວາມສາມັກຄີຂອງຊາດ ຍິ່ງໄດ້ເສີມຂະຫຍາຍຢ່າງສູງສູ ຢູ່ໃນສະມາຄົມຊາວ ຫວຽດນາມ ຢູ່ນະຄອນຫຼວງວຽງຈັນ.
ທ່ານ ຄຳໝ້ວຍ ແກ້ວມະນີ (ເລວັນມຸ່ຍ) - ກຳມະການຄະນະປະຈຳສູນກາງສະມາຄົມມິດຕະພາບ ລາວ-ຫວຽດນາມ, ທີ່ປຶກສາໃຫ້ບໍລິສັດ Taio ລາວ, ປະທານສະມາຄົມຊາວ ຫວຽດນາມ ຢູ່ນະຄອນຫຼວງວຽງຈັນ ໃຫ້ຮູ້ວ່າ “ມີໄລຍະຈໍານວນຄົນຫວຽດຢູ່ລາວຕິດໂຄວິດແມ່ນ 68 ຄົນ ແລະ ໃນບໍລິເວນທີ່ເຂົາເຈົ້າອາໄສຢູ່ຍັງມີ 100 ກວ່າຄອບຄົວ. ໂດຍອີງໃສ່ບົດຮຽນໃນການປ້ອງກັນ ແລະ ຕ້ານໂລກລະບາດ ຢູ່ ຫວຽດນາມ, ສະມາຄົມຊາວ ຫວຽດນາມ ຢູ່ ນະຄອນຫຼວງວຽງຈັນ ຮຽກຮ້ອງປະຊາຊົນປະຕິບັດການແຍກຫ່າງສັງຄົມ “ໃຜຢູ່ໃສ, ກໍຢູ່ຫັ້ນ”, ຄອບຄົວກັກຕົວກັບຄອບຄົວເປັນເວລາ 21 ວັນ. ເພື່ອໃຫ້ປະຊາຊົນມີຄວາມອຸ່ນອ່ຽນໃຈໃນການກັກຕົວ, ເຮືອນຄົວ 0 ຫວຽດນາມດົ່ງ ຂອງສະມາຄົມຊາວ ຫວຽດນາມ ຢູ່ນະຄອນຫຼວງວຽງຈັນ ໄດ້ກຳເນີດເກີດຂຶ້ນ, ເພື່ອສະໜອງກ່ອງເຂົ້າຮ້ອນໆ ແລະ ສົ່ງຟຣີ ໃຫ້ປະຊາຊົນຢູ່ບໍລິເວນກັກຕົວ.
 |
| ທ່ານ ຄຳໝ້ວຍ ແກ້ວມະນີ ປະທານສະມາຄົມຊາວ ຫວຽດນາມ ຢູ່ ນະຄອນຫຼວງວຽງຈັນ ໄດ້ຕີລະຄັງຢູ່ທີ່ເຂດຮ່ອງຮອຍແຫ່ງຊາດພິເສດ ATK ດີ້ງຫວາ. (ພາບ: ຫງວຽນຕຸ່ງ). |
“ບັນດາຄົນທີ່ມີສຸຂະພາບແຂງແຮງຢູ່ນະຄອນຫຼວງວຽງຈັນ ໄດ້ສະໝັກໃຈມາໜູນຊ່ວຍສະມາຄົມຄື ຕອນເຊົ້າໄປຕະຫຼາດ, ແລ້ວກັບເມືອແຕ່ງກິນ, ໄປສົ່ງເຂົ້າໃຫ້ແຕ່ລະຄອບຄົວ 3 ຄາບຕໍ່ມື້. ສະນັ້ນ, ເຮືອນຄົວເມື່ອໃດກໍດັງໄຟໃນຕະຫຼອດໄລຍະທີ່ບັນດາຄອບຄົວຖືກກັກຕົວ ເພື່ອເປັນການແບ່ງປັນກັບພີ່ນ້ອງ", ທ່ານ ຄໍາໝ້ວຍ ແກ້ວມະນີ ໃຫ້ຮູ້.
ການກະທໍາຂອງສະມາຄົມໄດ້ຮັບການຕີລາຄາສູງຈາກຄະນະກຳມະການປ້ອງກັນ ແລະ ຄວບຄຸມພະຍາດ ໂຄວິດ-19 ລາວ. ເມື່ອພະຍາດລະບາດຢ່າງສັບສົນ ຢູ່ ຄຳມ່ວນ, ພາຍຫຼັງໄດ້ຮັບອະນຸຍາດແລ້ວ, ສະມາຄົມຊາວ ຫວຽດນາມ ຢູ່ ນະຄອນຫຼວງວຽງຈັນ ກໍໄດ້ສົ່ງຄະນະປະຕິບັດງານທີ່ມີປະສົບການໃນວຽກງານປ້ອງກັນ ແລະ ຕ້ານພະຍາດໂຄວິດ-19 ໄປໜູນຊ່ວຍ, ແນະນຳໃຫ້ສະມາຄົມຊາວຫວຽດນາມ ຢູ່ ຄຳມ່ວນ.
ໃນໄລຍະທີ່ຫຍຸ້ງຍາກ, ນໍ້າໃຈປະເທດຊາດ ແລະ ນໍ້າໃຈຂອງພີ່ນ້ອງຮ່ວມຊາດຍິ່ງຮຸ່ງເຮືອງເຫຼືອງເຫຼື້ອມ. ເດືອນເມສາ 2021, ໂລກລະບາດຖືກແຜ່ລະບາດໄປເກືອບທຸກທ້ອງຖິ່ນຂອງລາວ, ໃນນັ້ນ ນະຄອນຫຼວງວຽງຈັນ ມີຈຳນວນຜູ້ທີ່ຖືກຕິດເຊື້ອຫຼາຍທີ່ສຸດ. ໂດຍການຕອບສະໜອງຄຳຮຽກຮ້ອງຂອງສະຫະສະມາຄົມຊາວ ຫວຽດນາມ ຢູ່ ລາວ, ສະມາຄົມຊາວ ຫວຽດນາມ ຢູ່ນະຄອນຫຼວງ ວຽງຈັນ, ບັນດາອົງການຈັດຕັ້ງ, ບຸກຄົນ, ປະຊາຄົມຊາວ ຫວຽດນາມ ຢູ່ ນະຄອນຫຼວງວຽງຈັນ ໄດ້ຮ່ວມມືໃນການໜູນຊ່ວຍດ້ານຈິດໃຈ ແລະ ອຸປະກອນຕ່າງໆເພື່ອປະກອບສ່ວນເຂົ້າໃນການຊ່ວຍເຫຼືອ ລາວ ຜ່ານຜ່າໄລຍະຫຍຸ້ງຍາກທີ່ຖືກຜົນສະທ້ອນຈາກໂລກລະບາດ.
ຮອດເດືອນມິຖຸນາ 2021, ເມື່ອສະພາບການຂອງໂລກລະບາດໂຄວິດ-19 ຢູ່ ຫວຽດນາມ ກໍມີຄວາມສັບສົນ, ບັນດາຜູ້ໃຈບຸນ, ບຸກຄົນ, ວິສາຫະກິດ ແລະ ປະຊາຄົມຊາວ ຫວຽດນາມ ກໍາລັງອາໄສ ແລະ ເຮັດວຽກຢູ່ ລາວ ກໍໄດ້ເຂົ້າຮ່ວມການບໍລິຈາກ, ໜູນຊ່ວຍບັນດາແຫຼ່ງກຳລັງໃຫ້ບັນດາແຂວງຢູ່ຫວຽດນາມ ເພື່ອປ້ອງກັນ ແລະ ຕ້ານໂລກລະບາດ.
ທ່ານປະທານສະມາຄົມຊາວ ຫວຽດນາມ ຢູ່ ນະຄອນຫຼວງວຽງຈັນ ຢືນຢັນວ່າ ຄວາມສາມັກຄີ ແລະ ການຄຽງບ່າຄຽງໄຫຼ່ຂອງປະຊາຄົມຊາວ ຫວຽດນາມ ຢູ່ ລາວ ໃນການຕໍ່ສູ້ຕ້ານ “ສັດຕູ Covid-19” ບໍ່ພຽງແຕ່ປະກອບສ່ວນເຂົ້າໃນການຊ່ວຍເຫຼືອປະຊາຊົນໄດ້ຜ່ານຜ່າຄວາມຫຍຸ້ງຍາກຂອງໂລກລະບາດເທົ່ານັ້ນ, ຫາກຍັງເຮັດໃຫ້ພາບພົດຂອງຊາວ ຫວຽດນາມ ໃນສາຍຕາເພື່ອນມິດ ລາວ ມີຄວາມເລິກເຊິ່ງກວ່າອີກ, ປະກອບສ່ວນເຂົ້າໃນການປັບປຸງການພົວພັນທີ່ເປັນມູນເຊື້ອພິເສດ, ອັນຍິ່ງໃຫຍ່ລະຫວ່າງ ຫວຽດນາມ ແລະ ລາວ ກວ່າອີກ.
ພາສາຫວຽດ - ຂົວຕໍ່ທີ່ໝັ້ນຄົງເພື່ອເຊື່ອມຕໍ່ສາຍພົວພັນ ຫວຽດນາມ - ລາວ
ເປັນເວລາເກືອບ 20 ປີນີ້, ໂຮງຮຽນສອງພາສາ ລາວ-ຫວຽດນາມ ຫງວຽນຢູ (ບ້ານດົງປາເລບ, ເມືອງຈັນທະບູລີ, ນະຄອນຫຼວງວຽງຈັນ, ລາວ) ໂດຍສະມາຄົມ ຫວຽດນາມ ນະຄອນຫຼວງວຽງຈັນຄຸ້ມຄອງ ພາຍໃຕ້ການຊີ້ນຳຢ່າງໂດຍກົງຂອງສະຖານທູດ ຫວຽດນາມ ປະຈຳ ລາວ ແລະ ການຊີ້ນໍາທາງດ້ານວິຊາການຂອງກະຊວງສຶກສາທິການ ແລະ ກິລາ ລາວ ໄດ້ມອບໝາຍພາລະກໍາຄືຊ່ວຍໃຫ້ບັນດາລຸ້ນລູກຫຼານສະມາຄົມຊາວ ຫວຽດນາມ ທີ່ ພວມເຮັດວຽກ ແລະ ດຳລົງຊີວິດ ຢູ່ ລາວ ໄດ້ຮັກສາຄໍາເວົ້າ ແລະ ໜັງສື, ພ້ອມກັນນັ້ນ ກໍປົກປັກຮັກສາ ແລະ ເສີມຂະຫຍາຍວັດທະນະທຳອັນເປັນມູນເຊື້ອຂອງປະເທດຊາດ ແລະ ປະກອບສ່ວນເຂົ້າໃນການເພີ່ມພູນຄູນສ້າງສາຍພົວພັນລະຫວ່າງສອງປະເທດ.
ປະຈຸບັນ, ໂຮງຮຽນມີຄູສອນທີ່ເປັນຄົນຫວຽດນາມປະມານ 20 ຄົນ ແລະ ມີນັກຮຽນກ່ວາ 1.000 ຄົນໃນແຕ່ລະຊັ້ນ ແຕ່ອະນຸບານ ຈົນຮອດ ຊັ້ນ ມ.7, ເປັນຕົ້ນແມ່ນລູກຫຼານຂອງຄົນຫວຽດ ຢູ່ລາວ ແລະ ຄົນ ລາວ ຢູ່ ນະຄອນຫຼວງວຽງຈັນ.
ຫຼັກສູດການສອນຂອງໂຮງຮຽນແມ່ນໄດ້ສ້າງຂຶ້ນໂດຍອີງໃສ່ໂຄງຮ່າງຫຼັກສູດຂອງກະຊວງສຶກສາທິການ ແລະ ກິລາ ລາວ. ແຕ່ວ່າ, ຕາມທ່ານ ຄຳໝ້ວຍ ແກ້ວມະນີ ແລ້ວ, ຈຸດພິເສດແມ່ນ ແທນທີ່ຈະສອນແຕ່ພາສາຫວຽດໃນວັນສຸກໂດຍຕາມການກຳນົດໄວ້, ແຕ່ໂຮງຮຽນຈະສະຫຼັບພາສາຫວຽດເຂົ້າໃນບັນດາຊົ່ວໂມງຮຽນຂອງແຕ່ລະມື້ ເພື່ອໃຫ້ນັກຮຽນທໍາຄວາມລຶ້ງເຄີຍ. ບັນດານັກຮຽນຂອງໂຮງຮຽນຍັງໄດ້ຮັບການແນະນຳຢ່າງລະອຽດກ່ຽວກັບມູນເຊື້ອ, ວັດທະນະທຳ ຫວຽດນາມ ເພື່ອເຂົ້າໃຈພາສາທີ່ຕົນເອງກໍາລັງຮຽນກວ່າອີກ. ດ້ວຍຄວາມມານະພະຍາຍາມດັ່ງກ່າວ, ທ່ານປະທານສະມາຄົມຊາວ ຫວຽດນາມ ປະຈຳນະຄອນຫຼວງວຽງຈັນ ຢືນຢັນວ່າ “ບໍ່ຢ້ານວ່າລຸ້ນລູກຫຼານຂອງປະຊາຄົມຊາວ ຫວຽດນາມ ທີ່ພວມອາໄສ, ທໍາມະຫາກິນ ຢູ່ ລາວ ບໍ່ຮູ້ພາສາຫວຽດ”.
ໃນ 2-3 ປີມໍ່ໆມານີ້, ໂຮງຮຽນສອງພາສາ ລາວ-ຫວຽດນາມ ຫງວຽນຢູ ໄດ້ຮັບທຶນການສຶກສາຈາກມະຫາວິທະຍາໄລ ຫວຽດນາມ ນັບມື້ນັບຫຼາຍຂຶ້ນ. ເດືອນກຸມພາ 2022, ນັກຮຽນ 10 ຄົນທີ່ມີຜົນການຮຽນດີໃນສົກຮຽນ 2020-2021 ຂອງໂຮງຮຽນສອງພາສາ ລາວ-ຫວຽດນາມ ຫງວຽນຢູ ໄດ້ຮັບທຶນການສຶກສາຈາກມະຫາວິທະຍາໄລ ໂຕນດຶກທັ໋ງ (ນະຄອນ ໂຮ່ຈິມີນ). ກ່ອນໜ້ານັ້ນ, ໃນປີ 2020, ມີນັກຮຽນດີເດັ່ນ 20 ຄົນຂອງໂຮງຮຽນສອງພາສາ ລາວ-ຫວຽດນາມ ຫງວຽນຢູ ກໍໄດ້ຮັບທຶນການສຶກສາ 100% ຈາກມະຫາວິທະຍາໄລຊັ້ນນຳຂອງຫວຽດນາມ.
“ລຸ້ນລູກຫຼານຂອງຄົນຫວຽດນາມ ຢູ່ ລາວ ແມ່ນແກ່ນສານເພື່ອສືບຕໍ່ຮັກສາ ແລະ ເພີ່ມພູນຄູນສ້າງສາຍພົວພັນອັນຍິ່ງໃຫຍ່ລະຫວ່າງ ລາວ - ຫວຽດນາມ ໃຫ້ນັບມື້ນັບແໜ້ນແຟ້ນ”, ທ່ານ ຄຳໝ້ວຍ ແກ້ວມະນີ ໃຫ້ຮູ້.
ຫອມມາລາ
