ວັນທີ 3 ສິງຫາ, ຄະນະຜູ້ແທນສະມາຄົມມິດຕະພາບຫວຽດນາມ - ກໍາປູເຈຍ ນໍາໂດຍທ່ານນາງ ຫງວຽນທິແທງ ປະທານສະມາຄົມມິດຕະພາບຫວຽດນາມ - ກໍາປູເຈຍ ໄປຢ້ຽມຢາມສະມາຄົມຂະແມ-ຫວຽດນາມ ແຂວງ Siem Reap.
ໃນເວລາຢ້ຽມຢາມສະມາຄົມຂະແມ-ຫວຽດນາມ ແຂວງ Siem Reap, ຜູ້ຄະນະຜູ້ແທນໄດ້ຢ້ຽມຢາມຖາມຂ່າວ, ສົ່ງຄໍາອວຍພອນອັນດີງາມ ເຖິງຜູ້ແທນເຂົ້າຮ່ວມການພົບປະ, ຊາວຫວຽດນາມ ອາໄສຢູ່ກໍາປູເຈຍ.
 |
| ຄະນະຜູ້ແທນສະມາຄົມມິດຕະພາບຫວຽດນາມ - ກໍາປູເຈຍ ຢ້ຽມຢາມ ສະມາຄົມຂະແມ-ຫວຽດນາມ ແຂວງ Siem Reap. ພາບ: thoidai.com.vn |
ພ້ອມກັນນັ້ນ, ຄະນະປະຕິບັດງານໄດ້ແຈ້ງບາງຂໍ້ມູນເນື້ອໃນກ່ຽວກັບ ສະພາບການພັດທະນາເສດຖະກິດ-ສັງຄົມຫວຽດນາມ.
ຄະນະຜູ້ແທນຍັງໄດ້ນໍາສະເຫນີກິດຈະກໍາຂອງສະມາຄົມໃນໄລຍະຜ່ານມາ, ໃນນັ້ນມີຫຼາຍຜົນງານປະກອບສ່ວນໃຫ້ວິວັດການພັດທະນາສາຍພົວພັນສອງຝ່າຍ, ໂດຍສະເພາະແມ່ນໃນສະພາບການປີ 2022 ແມ່ນປີມິດຕະພາບຫວຽດນາມ- ກໍາປູເຈຍ ແລະ ສອງປະເທດສະເຫຼີມສະຫຼອງ 55 ປີແຫ່ງວັນສ້າງຕັ້ງການພົວພັນທາງການທູດ.
ໃນລະຫວ່າງການຢ້ຽມຢາມປະເທດກໍາປູເຈຍຄັ້ງນີ້, ສະມາຄົມມິດຕະພາບ ຫວຽດນາມ - ກໍາປູເຈຍ ແລະ ສະມາຄົມມິດຕະພາບກໍາປູເຈຍ - ຫວຽດນາມ ໄດ້ແລກປ່ຽນທິດທາງຮ່ວມມືໃນໄລຍະຈະມາເຖິງ, ລົງນາມໃນບົດບັນທຶກ ຊ່ວຍຈໍາກ່ຽວກັບການສົມທົບກັນເຄື່ອນໄຫວ ໃນໄລຍະປີ 2022 - 2027 ລະຫວ່າງສອງສະມາຄົມ.
ບູນມີ
