| ເພີ່ມທະວີການປະສານງານລະຫວ່າງສະຫະພັນແມ່ຍິງຫວຽດນາມ ແລະ ອົງການວິໄສທັດໂລກ | |
| ຮາກຖານການສຶກສາຂັ້ນມະຫາວິທະຍາໄລ ຫວຽດນາມ 7 ແຫ່ງມີໜ້າໃນຕາຕະລາງຈັດອັນດັບ THE Impact Rankings |
 |
| ທ່ານນາຍົກລັດຖະມົນຕີ Hun Sen ແລະ ທ່ານນາຍົກລັດຖະມົນຕີ ຟ້າມມິງຈິງ (ພາບ: qdnd.vn) |
ຂະບວນການປົດປ່ອຍກຳປູເຈຍ ຫຼຸດພົ້ນອອກຈາກການດັບສູນເຊື້ອຊາດແມ່ນການເດີນທາງທີ່ຍາວນານ ເຕັມໄປດ້ວຍຄວາມຫຍຸ້ງຍາກ. ແຕ່ໂຊກດີ, ໃນຊ່ວງເວລາທີ່ຫຍຸ້ງຍາກທີ່ສຸດ, ກຳປູເຈຍກໍປະກົດມີລູກຫຼານທີ່ມີຄວາມເກັ່ງກ້າສາມາດ. ໃນນັ້ນ ມີທ່ານນາຍົກລັດຖະມົນຕີ Hun Sen ໂດຍເປັນຄົນທີ່ກ່ອນນີ້ 45 ປີ ຄືໃນວັນທີ 20 ມິຖຸນາ 1977, ໄດ້ຕັດສິນໃຈປ່ຽນແປງຊະຕາກຳ ແລະ ຈຸດໝາຍປາຍທາງຂອງປະເທດຊາດ ເມື່ອນຳພາເພື່ອນຮ່ວມກົມກອງຜ່ານປ່າ, ເດີນເຮືອ, ຂ້າມຫ້ວຍນ້ຳລຳເຊຜ່ານການການຂັບໄລ່ຂອງສັດຕູເພື່ອສະແຫວງຫາການຊ່ວຍເຫຼືອຈາກຫວຽດນາມ. ຍ້ອນແນວນັ້ນ, ກຳປູເຈຍຈິ່ງໄດ້ຫຼຸດພົ້ນອອກຈາກການດັບສູນເຊື້ອຊາດ, ຟື້ນຟູ ແລະ ຮຸ່ງເຮືອງຄືດັ່ງໃນທຸກວັນນີ້.
ເນື່ອງໃນໂອກາດເຂົ້າຮ່ວມງານສະເຫລີມສະຫລອງວັນຄົບຮອບ 40 ປີຂອງ “ເສັ້ນທາງໂຄ່ນລົ້ມລະບອບດັບສູນເຊື້ອຊາດ Pol Pot” (20 ມິຖຸນາ 1977/20 ມິຖຸນາ 2017) ແລະ ກັບຄືນສູ່ເສັ້ນທາງໃນເມື່ອກ່ອນທີ່ເພິ່ນພ້ອມດ້ວຍເພື່ອນຮ່ວມກົມກອງໄດ້ຜ່ານຜ່າກຳປູເຈຍຂ້າມຊາຍແດນມາຫວຽດນາມ. ທ່ານນາຍົກລັດຖະມົນຕີ Hun Sen ກ່າວວ່າ:
ໃນເວລານັ້ນ, ເພາະວ່າເຂດຊາຍແດນລະຫວ່າງສອງປະເທດພວມເກີດການປະທະກັນດ້ວຍກຳລັງອາວຸດ, ດັ່ງນັ້ນ ຍາກທີ່ຫວຽດນາມຈະຈຳແນກໄດ້ວ່າ ຝ່າຍຕົນ ກັບພວກຂະເໝນແດງດ້ວຍເຈດຕະນາຢາກສອດແນມ. ໂດຍຖືເອົາເລື່ອງນີ້, ທ່ານໄດ້ຕັດສິນຊີ້ນຳພຽງ 4 ຄົນເພື່ອຫຼີກລ້ຽງຄວາມເຂົ້າໃຈຜິດ ແລະ ການໂຈມຕີທີ່ອາດເກີດຂຶ້ນຈາກຝ່າຍຫວຽດນາມ. ໃນຄືນນັ້ນ, ຝົນຕົກໜັກ ແລະ ຟ້າຜ່າລົງມາເຕັມຟ້າ.
Hun Sen ສັ່ງໃຫ້ຢຸດພັກ ແລະ ລໍຖ້າຕອນເຊົ້າທີ່ຈະແຈ້ງເພື່ອມຸ່ງໄປເຖິງການເດີນທາງຕໍ່ໄປໃນຄວາມອຶດຫິວທ້ອງຮ້ອງ, ອາກາດໜາວຈັດຂອງຝົນຕົກໄດ້ຊຶມເຂົ້າສູ່ລຳໄສ້ ແລະ ຕັບ. ຍ້ອນວ່າເຂົາເຈົ້າບໍ່ມີເຂັມຊີ້ທິດ, ດັ່ງນັ້ນເຂົາເຈົ້າຕ້ອງລໍຖ້າຮອດເວລາປະມານ 8 ໂມງເຊົ້າ ເມື່ອທ້ອງຟ້າແຈ້ງ ເພື່ອມຸ່ງໜ້າໄປທາງທິດຕາເວັນອອກເພື່ອຈະເດີນທາງຕໍ່ໄປຫວຽດນາມ.
ເວລາ 14 ໂມງຂອງວັນທີ 21 ມິຖຸນາ 1977, ກຸ່ມຂອງທ່ານໄດ້ໄປຮອດໝູ່ບ້ານຮ່ວາລື ຂອງຫວຽດນາມ, ຫ່າງຈາກຊາຍແດນກຳປູເຈຍປະມານ 20 ກິໂລແມັດ. ຢູ່ທີ່ນີ້, ກຸ່ມຂອງທ່ານໄດ້ພົບປະກັບຊາວຫວຽດນາມຄັ້ງທຳອິດ ແລະ ຊາວໝູ່ບ້ານ ຮ່ວາລື ໄດ້ໜຶ້ງເຂົ້າໃສ່ຫມໍ້ເບີ 10 (ປົກກະຕິໃຫ້ 10 ຄົນກິນ) ໃຫ້ກຸ່ມຂອງທ່ານ 05 ຄົນກິນຈົນອີ່ມ. ນີ້ເປັນຄວາມຊົງຈຳທີ່ຕື້ນຕັນໃຈສຳລັບທ່ານ ແລະ ເພື່ອນຮ່ວມກົມກອງ, ເນື່ອງຈາກນີ້ແມ່ນຄັ້ງທຳອິດພາຍຫຼັງກວ່າ 1 ປີທີ່ເຂົາເຈົ້າໄດ້ກິນເຂົ້າ, ເພາະວ່າຢູ່ກຳປູເຈຍ ອາຫານປະຈຳວັນຂອງເຂົາເຈົ້າມີພຽງແຕ່ເຂົ້າປຽກເຂົ້າເທົ່ານັ້ນ. ຕອນຄ່ຳວັນທີ 21 ມິຖຸນາ 1977, ກຸ່ມຂອງທ່ານ Hun Sen ໄດ້ຖືກນຳໄປຮອດເມືອງ ລົກນິງ ແລະ ມື້ຕໍ່ມາໄດ້ຍ້າຍໄປກອງບັນຊາການທະຫານແຂວງ ຊົງແບ່...
ວັນທີ 21 ມິຖຸນາ 2017, ໃນໄລຍະເດີນທາງໄປຢ້ຽມຢາມຈຸດທີ່ມາຫວຽດນາມຄັ້ງທຳອິດເມື່ອ 40 ປີກ່ອນ (ໝູ່ບ້ານ ແທງບຽນ, ຕາແສງ ລົກແທ່ງ, ເມືອງ ລົກນິງ, ແຂວງ ບິ່ງເຟືອກ). ຢູ່ທີ່ນີ້, ທ່ານນາຍົກລັດຖະມົນຕີ Hun Sen ໄດ້ແບ່ງປັນຢ່າງສຸດໃຈວ່າ: “ວັນນີ້, ຂ້າພະເຈົ້າກັບຄືນສູ່ບ່ອນທີ່ເມື່ອ 40 ປີກ່ອນ ພໍ່ແມ່ປະຊາຊົນໄດ້ອຸ້ມຊູຊ່ວຍເຫຼືອຂ້າພະເຈົ້າ. 40 ປີກ່ອນ, ຫຼັງຈາກໄດ້ເຊື່ອງອາວຸດ, ຂ້າພະເຈົ້າໄດ້ມາທີ່ນີ້. ຂ້າພະເຈົ້າລົມນ້ຳອ້າຍນ້ອງວ່າ ຖ້າຊາວຫວຽດນາມຈັບເຮົາກໍ່ໃຫ້ເຂົາຈັບ, ປະຕິບັດຕາມ... ຂ້າພະເຈົ້າເບິ່ງໂມງຂອງຂ້າພະເຈົ້າ ແລະ ຄິດວ່າ ຄົງຈະຖືກຍຶດແນ່ນອນ. ແຕ່ວ່າ, ທະຫານຫວຽດນາມບໍ່ພຽງແຕ່ບໍ່ເອົາໂມງຂອງຂ້າພະເຈົ້າ, ບໍ່ສືບສວນ, ບໍ່ມັດເທົ່ານັ້ນ ຫາກຍັງໃຫ້ພວກຂ້າພະເຈົ້າກິນອີ່ມ, ທະຫານຫວຽດນາມບໍ່ໄດ້ເຮັດຫຍັງກັບພວກຂ້າພະເຈົ້າເລີຍ, ພວກຂ້າພະເຈົ້າຮູ້ສຶກໂຊກດີເພາະວ່າພວກຂ້າພະເຈົ້າໄດ້ພົບກັບຄົນທີ່ມີຈິດໃຈດີ. ພວກຂ້າພະເຈົ້າຂ້າມຊາຍແດນຢ່າງຜິດກົດໝາຍ ໃນເວລາທີ່ກຸ່ມ Pol Pot ໄດ້ບຸກໂຈມຕີບາງເຂດຊາຍແດນຂອງ ຫວຽດນາມ, ຍາກທີ່ຫວຽດນາມ ຈະຈຳແນກຄົນກຳປູເຈຍລີ້ໄພ ກັບພວກມາສອບແນມຂອງ Pol Pot. ບັນຫານີ້ແມ່ນຄວາມຫຍຸ້ງຍາກແທ້ໆ… ຂ້າພະເຈົ້າມີຄວາມເຄົາລົບນັບຖືຕໍ່ການປະພຶດຂອງ ຫວຽດນາມ ໃນເມື່ອນັ້ນ.
ບຸນຄົງ
