ແມ່ຍິງລາວ ໄດ້ຮັບລາງວັນ ນະວັດຕະກໍາ ແລະ ແນວຄວາມຄິດລິເລີ່ມ ທີ່ອັງກິດ

ໂດຍ ມະໂນລີ ສີສະຫວັນໂພສຜ່ານເຟດບຸກສ່ວນໂຕວ່າ ຂ້າພະເຈົ້າຮູ້ສຶກພາກພູມໃຈ ແລະ ເປັນກຽດ ທີ່ໄດ້ຮັບການຄັດເລືອກ ເປັນໜຶ່ງໃນສາມຄົນ ທີ່ໄດ້ຮັບລາງວັນ 2019 Mary Robinson Climate Justice Award ໃນຄັ້ງນີ້.

ນາງ ມະໂນລີ ສີສະຫວັນ.(ພາບ:www.soupsipupdate.com)

ລາງວັນນີ້ ແມ່ນລາງວັນ ເພື່ອສະໜັບສະໜູນຜູ້ນໍາໄວໜຸ່ມ ກ່ຽວກັບນະວັດຕະກໍາ ແລະ ແນວຄວາມຄິດລິເລີ້ມທີ່ເປັນທໍາ ທີ່ມີຜົນ ຕໍ່ກັບການຫຼຸດຜ່ອນ ການປ່ຽນແປງດິນຟ້າອາກາດ ໃນການປົກປັກຮັກສາໂລກ ເພື່ອອະນາຄົດຂອງສິ່ງມີຊີວິດ ຮຸ່ນຕໍ່ໄປ.

ຄວາມເປັນທໍາ ທາງດ້ານການຫຼຸດຜ່ອນການປ່ຽນແປງດິນຟ້າອາກາດ (Climate Justice) ເຊື່ອມໂຍງເຖິງ ສິດທິມະນຸດ ແລະ ການພັດທະນາ ເພື່ອຕອບສະໜອງວິທີທາງ ຄວາມຕ້ອງການທີ່ມີຄົນເປັນສູນກາງ, ການປົກປັກຮັກສາ ສິດ ຂອງສິ່ງທີ່ມີຊີວິດ ທີ່ບອບບາງທີ່ສຸດ ແລະ ແບ່ງປັນ ປັນຫາ ແລະ ຜົນປະໂຫຍດ ຈາກການຫຼຸດຜ່ອນ ການປ່ຽນແປງດິນຟ້າອາກາດ ພ້ອມທັງແນວທາງ ໃນການແກ້ໄຂປັນຫາ ທີ່ເທົ່າທຽມກັນ.

ພາບການປະກາດລາງວັນ 2019 Mary Robinson Climate Justice Award. (ພາບ:www.soupsipupdate.com)

ວິທະຍາສາດ ໄດ້ຊີ້ໃຫ້ພວກເຮົາເຫັນໄດ້ ເຖິງ ການຫຼຸດສະພາວະໂລກຮ້ອນ ດ້ວຍຄວາມເປັນທໍາ, ຊຶ່ງມີຄວາມຕ້ອງການ ວິທະຍາສາດ ແລະ ຄວາມຮູ້ ຂອງຜູ້ພິທັກໂລກ ທີ່ກ່ຽວພັນກັບຊັບພະຍາກອນທີ່ມີທັງໝົດໃນໂລກ.

ລາງວັນນີ້ແມ່ນໄດ້ທຶນທີ່ໄດ້ຮັບມູນຄ່າ £3,000 ສະກຸນເງິນອັງກິດ, ໂດຍມະໂນລີ ຈະນໍາໃຊ້ ເຂົ້າໃນການ ຍົກລະດັບ ສະຖານະ ແລະ ຄວາມອາດສາມາດ ຂອງເຈົ້າໜ້າທີ່ຮັກສາອຸທະຍານແຫ່ງຊາດ ນໍ້າແອດ ພູເລີຍ ຂອງ ສປປ ລາວ ເພື່ອຊຸກຍູ້ ສົ່ງເສີມເຂົາເຈົ້າ ເຂົ້າໃນວຽກງານ ຕໍ່ຕ້ານ ອາດຊະຍາກໍາທາງດ້ານສິ່ງແວດລ້ອມ.

ຖືເປັນແນວຄິດທີ່ດີສຸດຍອດເລີຍ …

（ແຫຼ່ງ​ຂໍ້​ມູນ​： www.soupsipupdate.com）