ເພື່ອແນໃສ່ສືບຕໍ່ປັບປຸງ ແລະຍົກສູງບົດບາດຂອງເຄືອຂ່າຍປັນຍາຊົນໜຸ່ມຫວຽດນາມ ທົ່ວໂລກ, ເພີ່ມທະວີການເຊື່ອມຕໍ່, ຮ່ວມມືພົບປະແລກປ່ຽນລະຫວ່າງຊາວໜຸ່ມ, ປັນຍາຊົນໜຸ່ມຫວຽດນາມ ພາຍໃນ ແລະຕ່າງປະເທດ, ສູນກາງຊາວໜຸ່ມກອມມູນິດ ໂຮ່ຈີມິນ ຈັດຕັ້ງເວທີປາໄສປັນຍາຊົນໜຸ່ມຫວຽດນາມ ທົ່ວໂລກ ຄັ້ງທີ V ໃນເດືອນ ພະຈິກ 2022. ເວທີປາໄສປີນີ້ມີຫົວຂໍ້ “ປັນຍາຊົນໜຸ່ມຊຸກຍູ້ການໝູນໃຊ້ວິທະຍາສາດ ແລະເຕັກໂນໂລຢີ, ປ່ຽນແປງໃໝ່ປະດິດສ້າງ, ປະກອບສ່ວນຟື້ນຟູພັດທະນາເສດຖະກິດປະເທດ ຫຼັງໂລກລະບາດ” ເພື່ອແນໃສ່ປັບປຸງ ແລະຍົກສູງບົດບາດຂອງເຄືອຂ່າຍປັນຍາຊົນໜຸ່ມຫວຽດນາມ ທົ່ວໂລກ; ເພີ່ມທະວີການເຊື່ອມຕໍ່, ຮ່ວມມືພົບປະແລກປ່ຽນລະຫວ່າງຊາວໜຸ່ມ, ປັນຍາຊົນໜຸ່ມຫວຽດນາມ ຢູ່ພາຍໃນ ແລະຕ່າງປະເທດ.
 |
| ຜູ້ແທນກົດປຸ່ມເປີດເວທີປາໄສປັນຍາຊົນໜຸ່ມຫວຽດນາມ ທົ່ວໂລກ ຄັ້ງທີ IV ປີ 2021. ພາບ: vovworld.vn |
ເວທີປາໄສມີການເຂົ້າຮ່ວມຂອງຜູ້ແທນປັນຍາຊົນໜຸ່ມພາຍໃນ ແລະຕ່າງປະເທດຈໍານວນ 200 ຄົນ. ບັນດາຜູ້ແທນຈະສຸມໃສ່ປຶກສາຫາລື 4 ກຸ່ມຫົວຂໍ້: ສະເໜີຮູບແບບເຕີບໂຕ, ຕິດພັນກັບການສ້າງໂຄງປະກອບພື້ນຖານເສດຖະກິດຄືນໃໝ່, ຊຸກຍູ້ການເຕີບໂຕໄວ ແລະຍືນຍົງ; ການວາງແຜນຜັງ ແລະມາດຕະການນໍາໃຊ້ບັນດາແຜນຜັງທ້ອງຖິ່ນ, ເຂດ, ປະເທດຢ່າງມີປະສິດທິຜົນ, ຄົບຊຸດ; ເສີມຂະຫຍາຍບົດບາດຂອງປັນຍາຊົນໜຸ່ມຫວຽດນາມ ໃນການກໍ່ສ້າງພື້ນຖານວັດທະນະທໍາຫວຽດນາມ ທີ່ກ້າວໜ້າ, ເຂັ້ມຂຸ້ນໄປດ້ວຍສີສັນຊາດ, ເປັນເຈົ້າການ, ຕັ້ງໜ້າເຊື່ອມໂຍງເຂົ້າກັບສາກົນ; ຍົກສູງກໍາລັງຄວາມສາມາດສະກັດກັ້ນ ແລະຕ້ານໂລກລະບາດ, ຕິດພັນກັບການປ່ຽນແປງໃໝ່ລະບົບສາທາລະນະສຸກ.
ແຕ່ເດືອນ ກັນຍາ ຫາ ເດືອນ ຕຸລາ 2022, ຄະນະຈັດຕັ້ງຈະຜັນຂະຫຍາຍກອງປະຊຸມສໍາມະນາສາຂາທີ່ກ່ຽວຂ້ອງເຖິງບັນດາກຸ່ມຫົວຂໍ້ນີ້ແບບທາງໄກ.
ກອງທັບ
