| Festival ເຫ້ວ 2022: ກຽມພ້ອມໃຫ້ແກ່ ລາຍການສະແດງ ວັດທະນະທຳ | |
| ຄວາມສາມາດບົ່ມຊ້ອນອັນໃຫຍ່ຫຼວງຂອງຢາສະໝຸນໄພຫວຽດນາມ ຢູ່ຕະຫຼາດຍີ່ປຸ່ນ |
 |
| ທ່ານນາງເອກອັກຄະລັດຖະທູດ ຫງວຽນເຟືອງງາ ກ່າວຄຳເຫັນທີ່ການພົບປະ |
ເຂົ້າຮ່ວມກອງປະຊຸມ ມີທ່ານຮອງປະທານ VUFO ຫງວຽນວັນແຢວງ ພ້ອມດ້ວຍບັນດາການນຳ, ບັນດານັກຂ່າວ, ພະນັກງານຂອງວາລະສານ ຍຸກສະໄໝ.
ທ່ານນາງເອກອັກຄະລັດຖະທູດ ຫງວຽນເຟືອງງາ ໄດ້ສົ່ງຄຳອວຍພອນອັນດີງາມເຖິງບັນດາການນຳ, ບັນນາທິການ, ນັກຂ່າວ, ພະນັກງານ ແລະ ພາລະກອນຂອງວາລະສານ. ທ່ານນາງເອກອັກຄະລັດຖະທູດ ໄດ້ຕີລາຄາສູງບັນດາຄວາມມານະພະຍາຍາມຜ່ານຜ່າຄວາມຫຍຸ້ງຍາກ, ໄປຄຽງຄູ່ກັບບັນດາຜົນງານທີ່ໝູ່ຄະນະວາລະສານ ຍຸກສະໄໝ ບັນລຸໄດ້ໃນໄລຍະຜ່ານມາ.
ທ່ານນາງເອກອັກຄະລັດຖະທູດ ຫງວຽນເຟືອງງາ ຢືນຢັນວ່າ ບັນດາການນຳ VUFO ຍາມໃດກໍ່ເອົາໃຈໃສ່ເປັນພິເສດເຖິງວາລະສານ. ສະນັ້ນ, ທ່ານນາງເອກອັກຄະລັດຖະທູດຫວັງວ່າ ໃນໄລຍະຈະມາເຖິງ, ວາລະສານ ຍຸກສະໄໝ ຈະ ນັບມື້ນັບພັດທະນາ, ປະຕິບັດໜ້າທີ່ການເມືອງເປັນຢ່າງດີ, ປະກອບສ່ວນໂຄສະນາເຜີຍແຜ່ຂໍ້ມູນຂ່າວສານ ແລະ ນະໂຍບາຍການຕ່າງປະເທດຂອງພັກ, ລັດ.
ພິເສດ, ທ່ານນາງເອກອັກຄະລັດຖະທູດ ຫງວຽນເຟືອງງາ ເນັ້ນໜັກວ່າ, ບັນດາການນຳ, ນັກຂ່າວ, ພະນັກງານຂອງວາລະສານ ຍຸກສະໄໝ ຕ້ອງມານະພະຍາຍາມກວ່າອີກ ເພື່ອນຳໜ້າໃນການປະຕິບັດໜ້າທີ່ສຳຄັນ ປະກອບສ່ວນໂຄສະນາເຜີຍແຜ່ບັນດາຂໍ້ມູນຂ່າວສານກ່ຽວກັບການທູດປະຊາຊົນໄປຍັງມະຫາຊົນ, ປະຊາຊົນ ແລະ ວິສາຫະກິດເວົ້າສະເພາະ ທັງໃນແລະຕ່າງປະເທດ.
ຕາມທ່ານເອກອັກຄະລັດຖະທູດແລ້ວ, ໃນສະພາບການພັດທະນາຂອງເຕັກໂນໂລຊີດີຈີຕອນໃນປະຈຸບັນ, ວາລະສານຕ້ອງກຳແໜ້ນທ່າອ່ຽງ, ຫັນເປັນດີຈີຕອນຢ່າງສຳເລັດຜົນໃນການພັດທະນາສື່ເອເລັກໂຕນິກ ແລະ ໜ້າເວັບພາສາຕ່າງປະເທດໃຫ້ເໝາະສົມກັບຄວາມຕ້ອງການຂໍ້ມູນຂ່າວສານການຕ່າງປະເທດເວົ້າລວມ ແລະ ການຕ່າງປະເທດປະຊາຊົນ ເວົ້າສະເພາະ ໃຫ້ຜູ້ອ່ານ. ທ່ານນາງເອກອັກຄະລັດຖະທູດ ໄດ້ສະເໜີໃຫ້, ຄະນະການນຳ, ນັກຂ່າວ, ພະນັກງານຂອງວາລະສານແລກປ່ຽນ, ເຊື່ອມຕໍ່ກັບບັນດາອົງການຂຶ້ນກັບສະຫະພັນບັນດາອົງການຈັດຕັ້ງມິດຕະພາບ ຫວຽດນາມ, ບັນດາສະມາຄົມມິດຕະພາບຂຶ້ນກັບລະບົບຂອງ VUFO…ຢ່າງເປັນປະຈຳ ເພື່ອຈາກນັ້ນຈະມີແນວຄວາມຄິດໃໝ່, ປະກອບສ່ວນຮັບໃຊ້ວຽກງານລົງຂ່າວ ການຕ່າງປະເທດໃຫ້ເປັນຢ່າງດີ. ທ່ານນາງເອກອັກຄະລັດຖະທູດ ຫງວຽນເຟືອງງາເນັ້ນໜັກວ່າ:
“ຂ້າພະເຈົ້າຫວັງວ່າການນຳຂອງວາລະສານຈະເອົາໃຈໃສ່, ສຶກສານັກຂ່າວລຸ້ນຕໍ່ໄປ ທັງດ້ານການຄຸ້ມຄອງ ແລະ ບັນນາທິການ. ຜ່ານນັ້ນພວກເພື່ອນຈະເຕີບໂຕໂດຍໄວ ແລະ ມີການສະໜິດຕິດພັນກັບວາລະສານຢ່າງຍາວນານ”.
ຕາງໜ້າການນຳ, ນັກຂ່າວ, ພະນັກງານວາລະສານຍຸກສະໄໝ, ທ່ານ ເລກວາງທ້ຽນ ບັນນາທິການໃຫຍ່ ໄດ້ສະແດງຄວາມຂອບອົບຂອບໃຈຕໍ່ຄວາມເອົາໃຈໃສ່ຂອງການນຳ VUFO, ບັນດາໜ່ວຍງານຂອງ VUFO ແລະ ສ່ວນຕົວທ່ານນາງເອກອັກຄະລັດຖະທູດ ຫງວຽນເຟືອງງາ. ໂດຍຮັບຮູ້ບັນດາຄຳເຫັນຊີ້ນຳຂອງທ່ານນາງເອກອັກຄະລັດຖະທູດ, ທ່ານເລກວາງທ້ຽວ ຢັ້ງຢືນວ່າ ໃນໄລຍະຈະມາເຖິງ ໝູ່ຄະນະວາລະສານຈະຮັກສາຈິດໃຈສະໜິດຕິດພັນ, ປັບປຸງທີ່ຕັ້ງຂອງວາລະສານ ເປັນວາລະສານສະເພາະກ່ຽວກັບບັນດາບັນຫາການຕ່າງປະເທດເວົ້າລວມ ແລະ ການທູດປະຊາຊົນເວົ້າສະເພາະ, ຈາກນັ້ນແຜ່ກະຈາຍຂໍ້ມູນບັນດາແຜນນະໂຍບາຍ, ແນວທາງ, ນະໂຍບາຍຂອງຫວຽດນາມ ໄປຍັງທ່ານຜູ້ອ່ານທັງຢູ່ພາຍໃນ ແລະຕ່າງປະເທດ.
ທ່ານບັນນາທິການໃຫຍ່ ວາລະສານຍຸກສະໄໝ ໄດ້ສະແດງຄວາມຫວັງຢາກສືບຕໍ່ໄດ້ຮັບການຊີ້ນຳ, ກຳນົດທິດ, ເອົາໃຈໃສ່, ຊ່ວຍເຫຼືອຂອງຄະນະການນຳ VUFO, ກໍ່ຄືສ່ວນຕົວທ່ານນາງເອກອັກຄະລັດຖະທູດ ຫງວຽນເຟືອງງາເພື່ອໃຫ້ວາລະສານນັບມື້ນັບພັດທະນາກ່ວາອີກ.
ບຸນຄົງ
