ເດືອນພຶດສະພາຜ່ານມາ, ຢູ່ເມືອງ ເທື່ອງຊວນ, ອົງການ World Vision ຫວຽດນາມ ໄດ້ສົມທົບກັບກຸ່ມບໍລິສັດ Mavin ໜູນຊ່ວຍອາຫານສັດໃຫ້ຄອບຄົວລ້ຽງເປັດທີ່ມີອາຍຸແຕ່ 22-30 ວັນ ຈຳນວນ 19.760 ກິໂລ, ລວມມູນຄ່າເກືອບ 242,2 ລ້ານດົ່ງ.
 |
| ໜູນຊ່ວຍການລ້ຽງສັດໃຫ້ແກ່ຄອບຄົວຢູ່ເມືອງ ເທື່ອງຊວນ, ແຂວງ ແທງຮວ໋າ. ພາບ: thoidai.com.vn |
ຄຽງຄູ່ກັບການໜູນຊ່ວຍອາຫານສັດ, ອົງການ World Vision ຫວຽດນາມ, ກຸ່ມບໍລິສັດ Mavin ແລະ ບັນດາຄູ່ຮ່ວມມືຢູ່ທ້ອງຖິ່ນຍັງດຳເນີນການກວດກາ ແລະ ຊີ້ນຳປະຊາຊົນນຳໃຊ້ຢາບາງຊະນິດເພື່ອປ້ອງກັນພະຍາດເປັດ. ພາຍຫຼັງລ້ຽງເປັດໄດ້ 15 ວັນ, ນ້ຳໜັກສະເລ່ຍຂອງເປັດໃນບັນດາຕາແສງບັນລຸ 900-950 ກຣາມ/ໂຕ.
ການເຄື່ອນໄຫວນີ້ແມ່ນຢູ່ໃນຂອບເຂດໂຄງການໜູນຊ່ວຍຊີວິດການເປັນຢູ່ຂອງ ບັນດາຄອບຄົວທຸກຍາກ, ດ້ວຍມູນຄ່າກວ່າ 2,29 ຕື້ດົ່ງ, ໂດຍອົງການ World Vision ຫວຽດນາມ ແລະ ກຸ່ມບໍລິສັດ Mavin ສົມທົບກັນປະຕິບັດໃນໄລຍະ ໄລຍະ 2022 – 2024.
ໃນປີ 2022 ນີ້, ໂຄງການຈະສະໜອງຊຸດໜູນຊ່ວຍລວມມີ ເປັດ 12.000 ໂຕ, ອາຫານສັດກວ່າ 40 ໂຕນ ພ້ອມດ້ວຍຢາສັດຕະວະແພດ ແລະ ຝຶກອົບຮົມການຖ່າຍທອດເຕັກໂນໂລຊີໃຫ້ 120 ຄອບຄົວທຸກຍາກຢູ່ທ້ອງຖິ່ນ.
ບູນມີ
