| ຄວາມຊົງຈຳໃນໄວເດັກ ຂອງນັກຈິດຕະກອນ ວັນເຢືອງແທັງ: ຂົວເຊື່ອມຕໍ່ທາງດ້ານຈິດໃຈ ລະຫວ່າງ ຫວຽດນາມ ແລະ ອີຕາລີ | |
| ສົ່ງເສີມການສອນ ແລະ ຮຽນພາສາ ຫວຽດ ຢູ່ອົດສະຕາລີ |
 |
| ເວທີປາໄສການຮ່ວມມືດ້ານເຕັກໂນໂລຊີໃນການດຳເນີນທຸລະກິດ ແລະ ການຄ້າລະຫວ່າງອົດສະຕາລີ ແລະ ຫວຽດນາມ (ພາບ: tuoitre.vn) |
ເວທີປາໄສແມ່ນໜຶ່ງໃນບັນດາການເຄື່ອນໄຫວພາຍໃຕ້ຂອບເຂດກອງທຶນໜຸນຊ່ວຍຄຳໝັ້ນສັນຍາສ້າງພື້ນຖານເສດຖະກິດອົດສະຕາລີ ແລະ ຫວຽດນາມ ປະຕິບັດໂດຍລັດຖະບານ ອົດສະຕາລີ ດ້ວຍຍອດຈຳນວນເງິນສະໜັບສະໜູນເກືອບ 2 ລ້ານ USD ໃຫ້ສຳລັບບັນດາວິສາຫະກິດທ້ອງຖິ່ນ, ເຊິ່ງໄດ້ຮັບການປະຕິບັດນັບແຕ່ກາງປີ 2021.
ກ່າວຄຳເຫັນທີ່ເວທີປາໄສ, ທ່ານ ບຸ່ຍເທ໊ຢຸຍ, ຮອງລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ໃຫ້ຮູ້ວ່າ: ປະຈຸບັນ ຫວຽດນາມ ໄດ້ກ້າວເຂົ້າສູ່ໄລຍະພັດທະນາເສດຖະກິດຕ້ອງມີການປະດິດສ້າງເພື່ອຫຼຸດພົ້ນອອກຈາກລະດັບລາຍຮັບປານກາງ, ຕ້ອງມີຫຼາຍການເຄື່ອນໄຫວໜູນຊ່ວຍວິສາຫະກິດ. ສອງປະເທດຊອກຫາກາລະໂອກາດຮ່ວມມື, ຖ່າຍທອດວິທີແກ້ໄຂ ແລະ ເຕັກໂນໂລຊີໃນຂົງເຂດພະລັງງານສະອາດ, ກະສິກຳເຕັກໂນໂລຊີສູງ ແລະ ການຫັນເປັນດິຈິຕອນ.
ທ່ານສາດສະດາຈານ Eryk Dutkiewicz (ມະຫາວິທະຍາໄລເຕັກໂນໂລຢີ Sydney) ໃຫ້ຮູ້ວ່າ, ບັນດາວິສາຫະກິດອຸດສາຫະກຳຢູ່ ຫວຽດນາມ ສ່ວນຫຼາຍມີຄວາມຈຳເປັນໃນການຮຽນຮູ້ ແລະ ເຂົ້າເຖິງເຕັກໂນໂລຢີໃໝ່ເພື່ອຍົກສູງສະມັດຕະພາບ, ເຂົ້າຮ່ວມຢ່າງເລິກເຊິ່ງກ້ວາງຂວາງໃນຕ່ອງໂສ້ການສະໜອງທົ່ວໂລກ, ສະໜອງຜະລິດຕະພັນ ແລະ ການບໍລິການດ້ວຍມູນຄ່າເສດຖະກິດທີ່ສູງກວ່າ.
ຕາມທ່ານສາດສະດາຈານ Eryk Dutkiewicz ແລ້ວ, ບັນດາວິສາຫະກິດຕ້ອງໄດ້ຮັບການໜູນຊ່ວຍ ແລະ ການຮ່ວມເດີນທາງຂອງບັນດາອົງການໜູນຊ່ວຍຂອງ 2 ປະເທດໃນຂະບວນການເຂົ້າເຖິງຂໍ້ມູນຂ່າວສານ ແລະ ເຕັກໂນໂລຢີທີ່ກ້າວໜ້າ. ສະນັ້ນ, ການຈັດຕັ້ງບັນດາໂຄງການຍົກສູງກຳລັງຄວາມສາມາດ, ຖ່າຍທອດເຕັກໂນໂລຢີ, ຊັບສິນທາງປັນຍາ, ແນະນຳວິຊາຊີບໃຫ້ບັນດາວິສາຫະກິດຂອງ 2 ປະເທດ ແມ່ນຈຳເປັນທີ່ສຸດ ແລະ ຄວນຈັດຕັ້ງເປັນປະຈຳ.
ທີ່ເວທີປາໄສ, ບັນດານັກຊ່ຽວຊານ, ວິສາຫະກິດໄດ້ແບ່ງປັນຂໍ້ມູນຂ່າວສານເພື່ອຊອກຫາການຮ່ວມມືໃນຫຼາຍຫົວຂໍ້ສະເພາະ, ເປັນຕົ້ນແມ່ນ: ການນຳໃຊ້ການຫັນເປັນດີຈີຕອນໃນການຄົ້ນຫາ ແລະ ກູ້ໄພ, ການຮັບມືກັບການປ່ຽນແປງຂອງດິນຟ້າອາກາດ, ສາທາລະນະສຸກ, ຕົວແບບທຸລະກິດແບ່ງປັນກໍາໄລໃນການລົງທຶນໂຄງການພະລັງງານ, ເຕັກໂນໂລຊີອົບແຫ້ງອາຫານທະເລດ້ວຍພະລັງງານແສງຕາເວັນ...
ຜູ້ຊ່ຽວຊານ ແລະ ວິສາຫະກິດ ກໍໄດ້ກ່າວເຖິງການສະຫມັກຂອງ blockchain ໃນການຕິດຕາມຜະລິດຕະພັນກະສິກໍາ, ການແກ້ໄຂກະສິກໍາທີ່ສະຫລາດ (IoT), ພະລັງງານສະອາດ (ພະລັງງານແສງຕາເວັນ/ພະລັງງານລົມ, ພະລັງງານຊີວະພາບ ແລະ ອາຍແກັສທົດແທນ). ການປຸງແຕ່ງສະບຽງອາຫານ, ການຫັນເປັນດິຈິຕອນ ແລະ ການຖ່າຍໂອນເຕັກໂນໂລຊີສໍາລັບ SMEs…
ບຸນຄົງ
