 |
| ພາບປະກອບ |
ໂດຍລາຍງານຕໍ່ຄະນະປະຕິບັດງານ, ທ່ານ ຟຸ່ງກົງຢູງ, ຫົວໜ້າຄະນະກຳມະການກ່ຽວກັບຊາວຫວຽດນາມ ອາໄສຢູ່ຕ່າງປະເທດ (UBNVNONN) ນະຄອນ ໂຮ່ຈິມິນ ໃຫ້ຮູ້ວ່າ: ປະຊາຄົມຊາວ ຫວຽດນາມ ຂອງນະຄອນ ໂຮ່ຈີມິນ ຢູ່ຕ່າງປະເທດ ປະຈຸບັນມີປະມານ 2 ກວ່າລ້ານຄົນ, ກວມປະມານ 40% ຈຳນວນທັງໝົດຊາວຫວຽດນາມອາໄສຢູ່ຕ່າງປະເທດ ເຊິ່ງກໍາລັງດຳລົງຊີວິດ ແລະ ເຮັດວຽກຢູ່ 130 ປະເທດ ແລະ ເຂດແຄ້ວນ, ໃນນັ້ນ ຫຼາຍກວ່າ 80% ແມ່ນຢູ່ບັນດາປະເທດພັດທະນາ.
ສ່ວນຫຼາຍປະຊາຊົນມີສະຖານະພາບທາງດ້ານກົດຫມາຍ ແລະ ຊີວິດແບບຫມັ້ນຄົງ, ມີການເຊື່ອມຕົວຢ່າງເລິກເຊິ່ງເຂົ້າໃນສັງຄົມຂອງປະເທດປະຈໍາຖິ່ນ. ປະຈຸບັນ ມີປະມານ 500 ສະມາຄົມຊາວຫວຽດນາມ ອາໄສຢູ່ຕ່າງປະເທດ ໃນທົ່ວໂລກ, ລວມມີສະມາຄົມຊາວຫວຽດນາມ, ສະມາຄົມນັກທຸລະກິດ, ປັນຍາຊົນ, ນັກສຶກສາ, ສະມາຄົມຂອງຄົນບ້ານເກີດດຽວກັນ, ສະມາຄົມຕາມວິຊາອາຊີບ.
ຕາມບົດລາຍງານຂອງທະນາຄານແຫ່ງລັດ, ໃນ 10 ປີ ມານີ້, ຈຳນວນເງິນສົ່ງກັບປະເທດໄດ້ເພີ່ມຂຶ້ນ ສະເລ່ຍ 10 – 15%/ປີ. ນະຄອນໂຮ່ຈິມິນ ແມ່ນທ້ອງຖິ່ນທີ່ມີຈໍານວນເງິນສົ່ງກັບປະເທດໃນແຕ່ລະປີ ກວມເກືອບ 50% ຍອດຈຳນວນເງິນສົ່ງກັບປະເທດໃນທົ່ວປະເທດ; ປີ 2021, ຈໍານວນເງິນສົ່ງກັບນະຄອນໂຮ່ຈິມິນ ບັນລຸ 6,6 ຕື້ USD, ເພີ່ມຂຶ້ນ 9% ເມື່ອທຽບໃສ່ປີກາຍ.
ທ່ານ ຟຸ່ງແຄັງຕ່າຍ ຕີລາຄາວ່າ ຜ່ານການເຮັດວຽກ, ຄະນະວຽກປະຕິບັດງານ ເກັບກໍາໄດ້ບັນດາຂໍ້ມູນ ແລະ ໄດ້ແບ່ງປັນບົດຮຽນອັນລ້ຳຄ່າກ່ຽວກັບວຽກງານຊາວຫວຽດນາມ ອາໄສຢູ່ຕ່າງປະເທດ, ໃນນັ້ນມີຫຼາຍເນື້ອໃນທີ່ພົ້ນເດັ່ນຄື: ການຈັດຕັ້ງໃຫ້ຊາວຫວຽດນາມ ອາໄສຢູ່ຕ່າງປະເທດ ໄດ້ສະເຫຼີມສະຫຼອງບຸນເຕັດຢູ່ບ້ານເກີດເມືອງນອນ; ປະສານສົມທົບຕິດຕາມກວດກາ ແລະ ຕີລາຄາຄຸນນະພາບກ່ຽວກັບວຽກງານຊາວຫວຽດນາມ ອາໄສຢູ່ຕ່າງປະເທດ; ສົມທົບກັບຊາວຫວຽດນາມ ອາໄສຢູ່ຕ່າງປະເທດໃນການປະຕິບັດສະຫວັດດີການສັງຄົມຢູ່ພາຍໃນ ແລະ ຕ່າງປະເທດ; ໜູນຊ່ວຍຊາວຫວຽດນາມ ອາໄສຢູ່ຕ່າງປະເທດທີ່ປະສົບກັບຄວາມຫຍຸ້ງຍາກ; ໜູນຊ່ວຍການເຮັດລະບຽບການບໍລິຫານ ແລະ ທາງດ້ານກົດໝາຍ ໃຫ້ແກ່ຊາວຫວຽດນາມ ອາໄສຢູ່ຕ່າງປະເທດ.
ຫອມມາລາ
