| ໂວດໃຫ້ການທ່ອງທ່ຽວຫວຽດນາມ ທີ່ລາຍການລາງວັນ World Travel Awards 2022 | |
| ຫວຽດນາມ ຈັດຕັ້ງກອງປະຊຸມບັນດາສູນຮັກສາສັນຕິພາບ ຢ່າງສໍາເລັດຜົນ |
 |
| ທ່ານລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ດາວຫງອກຢຸງ (ພາບ: Molisa) |
ທ່ານລັດຖະມົນຕີ ດາວຫງອກຢຸງ ໄດ້ສະແດງຄວາມຊົມເຊີຍ ແລະ ເຫັນດີເປັນເອກະພາບກັບຫົວຂໍ້ຂອງກອງປະຊຸມ, ພ້ອມກັນນັ້ນ ກໍສະໜັບສະໜູນບັນດາຫົວຄິດປະດິດສ້າງ, ການກະທຳຂອງອົງການຈັດຕັ້ງແຮງງານສາກົນ ເພື່ອແນໃສ່ຊຸກຍູ້ ວຽກງານທີ່ແທດເໝາະ ແລະ ພື້ນຖານເສດຖະກິດສາມັກຄີ.
ທ່ານກ່າວວ່າ: “ຫວຽດນາມ ຍາມໃດກໍສະເໝີຕົ້ນສະເໝີປາຍກັບທັດສະນະພັດທະນາຢ່າງຮອບດ້ານ, ກວມລວມ ແລະ ຫມັ້ນຄົງເພື່ອມະນຸດ; ຖືມະນຸດເປັນໃຈກາງຂອງວິວັດການພັດທະນາ, ບໍ່ຈໍາແນກເພດ, ອາຍຸ, ຊົນເຜົ່າ, ສາສະໜາ, ພາກສ່ວນ, ຊົນຊັ້ນ ແລະ ສະຖານະຕໍາແໜ່ງທາງສັງຄົມ. ຫວຽດນາມ ສະໜັບສະໜູນ ILO ຊຸກຍູ້ພື້ນຖານເສດຖະກິດສາມັກຄີ, ພັດທະນາແບບຍືນຍົງ ແລະ ພິເສດແມ່ນເຫັນດີເຫັນເປັນເອກະພາບກ່ຽວກັບກອງປະຊຸມປຶກສາຫາລືເພື່ອຍົກອອກບັນດາເງື່ອນໄຂກ່ຽວກັບຄວາມປອດໄພ, ອະນາໄມແຮງງານເຂົ້າໃນຖະແຫຼງການປີ 1998 ວ່າດ້ວຍບັນດາຫຼັກການ ແລະ ສິດພື້ນຖານທີ່ບ່ອນເຮັດວຽກ.
ຫວຽດນາມ ໃຫ້ຄຳໝັ້ນສັນຍາວ່າ ຈະຮ່ວມແຮງຮ່ວມໃຈກັບບັນດາປະເທດສະມາຊິກເພື່ອແກ້ໄຂບັນດາສິ່ງທ້າທາຍຂອງວຽກເຮັດງານທຳໃນອະນາຄົດ, ພ້ອມກັນນັ້ນ ກໍຫວັງວ່າ ILO ຈະສືບຕໍ່ໜູນຊ່ວຍ ຫວຽດນາມ ຮັບປະກັນວຽກເຮັດງານທຳໃຫ້ແທດເໝາະໃນສະພາບການໂລກທີ່ມີຫຼາຍການຜັນແປ.”
ຫອມມາລາ
