| ຮັດແໜ້ນສາຍພົວພັນລະຫວ່າງແຂວງກວ້າງນາມ (ຫວຽດນາມ) ແລະແຂວງເຊກອງ (ລາວ) | |
| ເພີ່ມທະວີ ແລະ ຮັດແໜ້ນການພົວພັນຮ່ວມມືລະຫວ່າງ 2 ຝ່າຍຫວຽດນາມ - ກູບາ |
 |
| ບັນຍາກາດທີ່ການຕ້ອນຮັບ. ພາບ: ສໍານັກຂ່າວສານຫວຽດນາມ. |
ທີ່ການຕ້ອນຮັບ, ທ່ານ ຟານວຽດເກື່ອງ ໄດ້ສະແດງຄວາມປິຕິຊົມຊື່ນເມື່ອໄດ້ຕ້ອນຮັບຄະນະປະຕິບັດງານ ແລະໃຫ້ຮູ້ວ່າ ປີ 2022 ເປັນຂີດໝາຍພິເສດສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ ແລະ 45 ປີແຫ່ງວັນເຊັນສົນທິສັນຍາມິດຕະພາບ ແລະການຮ່ວມມືລະຫວ່າງຫວຽດນາມ-ລາວ.
ໃນ 2 ປີຜ່ານມາ, ແຂວງກວ້າງນາມ ແລະແຂວງເຊກອງ ລ້ວນແຕ່ຖືກຜົນສະທ້ອນຈາກພະຍາດໂຄວິດ-19 ແຕ່ດ້ວຍນໍ້າໃຈສາມັກຄີ, ສອງຝ່າຍໄດ້ມີຫຼາຍກິດຈະກໍາເຄື່ອນໄຫວໜູນຊ່ວຍເຊິ່ງກັນ ແລະກັນ. ຄາດວ່າ ໃນເດືອນກັນຍາ ຈະມາເຖິງ, ຄະນະປະຕິບັດງານແຂວງກວ້າງນາມ ຈະໄປຢ້ຽມຢາມ, ເຮັດວຽກ ແລະລົງນາມບັນດາບົດບັນທຶກຊ່ວຍຈຳວ່າດ້ວຍການຮ່ວມມືພັດທະນາເສດຖະກິດກັບແຂວງເຊກອງ.
ສ່ວນທ່ານ ເຫຼັກໄຫຼ ສີວິໄລ ກໍສະແດງຄວາມຂອບອົກຂອບໃຈຕໍ່ການຕ້ອນຮັບຢ່າງອົບອຸ່ນເຊິ່ງແຂວງກວ້າງນາມ ໄດ້ສະຫງວນໃຫ້ຄະນະ, ພ້ອມທັງສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ການນໍາລຸ້ນຕ່າງໆ ແລະປະຊາຊົນແຂວງກວ້າງນາມ ທີ່ຍາມໃດກໍ່ຮ່ວມເດີນທາງຊ່ວຍເຫຼືອແຂວງເຊກອງ. ສອງທ້ອງຖິ່ນຈະສືບຕໍ່ສົມທົບກັນຢ່າງແໜ້ນແຟ້ນ, ເພີ່ມທະວີການປົກປັກຮັກສາເສັ້ນຊາຍແດນ ແລະຊຸກຍູ້ການຮ່ວມມືພັດທະນາເສດຖະກິດຢ່າງຮອບດ້ານ, ຮັດແໜ້ນສາຍພົວພັນໃຫ້ສະໜິດຕິດພັນກວ່າອີກ.
ກອງທັບ
