| ໂຮນລັງ ແລະ UNDP ຮ່ວມມືຊຸກຍູ້ການຫັນເປັນເສດຖະກິດໝູນວຽນຢູ່ຫວຽດນາມ | |
| ຊຸກຍູ້ການຮ່ວມມືດ້ານເສດຖະກິດ, ການລົງທຶນລະຫວ່າງຫວຽດນາມ ແລະລາວ |
 |
| ພາບປະກອບ (ພາບ: congan.com.vn) |
ລະອຽດ, ອັດຕາການເຕີບໂຕເສດຖະກິດໃນໄຕມາດ 2 ປີ 2022 ຂອງ ນະຄອນໂຮ່ຈິມິນ ຄາດວ່າເພີ່ມຂຶ້ນ 5,73% ແລະ ຄາດວ່າໃນທັງ 2 ໄຕມາດຕົ້ນປີກໍເພີ່ມຂຶ້ນ 3,85%.
5 ເດືອນຜ່ານມາ, ມູນຄ່າການຜະລິດອຸດສາຫະກຳຂອງນະຄອນໂຮ່ຈິມິນ ເພີ່ມຂຶ້ນ 2,6% ເມື່ອທຽບໃສ່ໄລຍະດຽວກັນ. ໃນນັ້ນ, 4 ກຸ່ມອຸດສາຫະກຳຕົ້ນຕໍແມ່ນເອເລັກໂຕຼນິກ; ການຢາ; ທັນຍາຫານ ແລະ ສະບຽງອາຫານ, ເຄື່ອງດື່ມ ແລະ ກົນຈັກ ເພີ່ມຂຶ້ນ 5,6% ເມື່ອທຽບໃສ່ໄລຍະດຽວກັນຂອງປີກາຍ.
ວົງເງິນສົ່ງອອກສິນຄ້າຂອງນະຄອນໃນ 5 ເດືອນ ບັນລຸໄດ້ 20,7 ຕື້ USD, ເພີ່ມຂຶ້ນ 7,9% ເມື່ອທຽບໃສ່ໄລຍະດຽວກັນ. ໜ້າສົນໃຈແມ່ນ ຍອດວົງເງິນຂາຍຍ່ອຍສິນຄ້າ ແລະ ການບໍລິການຂອງນະຄອນບັນລຸໄດ້ 456.000 ກວ່າຕື້ດົງ, ເພີ່ມຂຶ້ນ 0,6% ເມື່ອທຽບໃສ່ໄລຍະດຽວກັນ. ຕາມທ່ານ ບູຍຕ໋າຮ່ວາງຫວູ, ຜູ້ອໍານວຍການພະແນກອຸດສາຫະກຳ ແລະ ການຄ້ານະຄອນໂຮ່ຈິມິນແລ້ວ, ກຳລັງຊື້ໄດ້ຟື້ນຟູ, ແຕ່ຍັງຕ່ຳກວ່າກ່ອນເກີດໂລກລະບາດ. ນະຄອນຈະສືບຕໍ່ຜັນຂະຫຍາຍບັນດາວິທີການແກ້ໄຂກະຕຸກຊຸກຍູ້ຄວາມຕ້ອງການເພື່ອເພີ່ມກຳລັງການຊື້.
ຫອມມາລາ
