| ກອງປະຊຸມຄັ້ງທີ 44 ຄະນະກຳມະການຮ່ວມມືພາຄີລະຫວ່າງລັດຖະບານ ຫວຽດນາມ - ລາວ | |
| FDI ໃນ 9 ເດືອນທີ່ຜ່ານມາເພີ່ມຂຶ້ນ 4,4% ເມື່ອທຽບໃສ່ໄລຍະດຽວກັນຂອງປີກາຍ |
 |
| ພາບປະກອບ (ພາບ: VOV) |
ເພື່ອໜູນຊ່ວຍບັນດາທ້ອງຖິ່ນ, ວິສາຫະກິດ, ສະຫະກອນທີ່ສະໜອງບັນດາຜະລິດຕະພັນສິນໃນນນໍ້າຂອງຫວຽດນາມ ໄດ້ໝູນໃຊ້ບັນດາບູລິມະສິດຂອງສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ເພື່ອເພີ່ມທະວີການຊອກຫາຄູ່ຮ່ວມມື, ເຊື່ອມຕໍ່ໂອກາດເຮັດທຸລະກິດ ແລະ ສົ່ງອອກໄປຍັງຕະຫຼາດບັນດາປະເທດສະມາຊິກ RCEP; ໃນສອງວັນ 30 – 31 ພຶດສະພາ, ກົມສົ່ງເສີມການຄ້າ (ກະຊວງອຸດສາຫະກຳການຄ້າ ຫວຽດນາມ) ໄດ້ສົມທົບກັບບັນດາອົງການການຄ້າ - ສະຖານທູດ ຫວຽດນາມ ປະຈຳບັນດາປະເທດສະມາຊິກ (RCEP) ຈັດກອງປະຊຸມແລກປ່ຽນການຄ້າສິນໃນນ້ຳ ຫວຽດນາມ ກັບບັນດາຕະຫຼາດ RCEP 2022 ແບບທາງໄກ.
ທີ່ກອງປະຊຸມຄົບຄະນະວາລະນີ້ ບັນດານັກຊ່ຽວຊານ, ນັກນຳເຂົ້າ, ຜູ້ຕາງໜ້າອົງການການຄ້າ ຫວຽດນາມ ປະຈຳບາງປະເທດສະມາຊິກ RCEP (ຈີນ, ຍີ່ປຸ່ນ, ອົດສະຕາລີ) ຈະແນະນຳກ່ຽວກັບຄວາມສາມາດບົ່ມຊ້ອນ, ຄວາມຕ້ອງການ ແລະ ກາລະໂອກາດສຳລັບບັນດາຜະລິດສະພັນສິນໃນນ້ຳຂອງ ຫວຽດນາມ ຢູ່ບັນດາຕະຫຼາດ RCEP.
ພາຍຫຼັງກອງປະຊຸມຄົບຄະນະ ຈະດຳເນີນວາລະແລກປ່ຽນການຄ້າທາງອອນລາຍລະຫວ່າງບັນດາວິສາຫະກິດ ຫວຽດນາມ ແລະ ວິສາຫະກິດທີ່ມາຈາກບັນດາປະເທດ RCEP. ນີ້ກໍແມ່ນກາລະໂອກາດທີ່ດີເພື່ອໃຫ້ບັນດາວິສາຫະກິດສິນໃນນ້ຳຂອງ ຫວຽດນາມ ແນະນຳ ແລະ ໂຄສະນາກ່ຽວກັບບັນດາວິສາຫະກິດ ແລະ ຜະລິດຕະພັນ, ພັດທະນາລູກຄ້າທີ່ມີທ່າແຮງບົ່ມຊ້ອນ ຈາກຕະຫຼາດ RCEP ຕື່ມອີກ.
ທ່ານນາງ ຫງວຽນທິທູຖຸຍ, ຮອງຜູ້ອໍານວຍການສູນໜູນຊ່ວຍການສົ່ງອອກ (ກົມສົ່ງເສີມການຄ້າ, ກະຊວງອຸດສາຫະກຳການຄ້າ ຫວຽດນາມ) ໃຫ້ຮູ້ວ່າ ກອງປະຊຸມແລກປ່ຽນການຄ້າທາງອອນລາຍກ່ຽວກັບ ສິນໃນນໍ້າ ຫວຽດນາມ ກັບບັນດາຕະຫຼາດ RCEP 2022 ນອກຈາກການສ້າງເວທີປາໄສເພື່ອຊ່ວຍໃຫ້ບັນດາວິສາຫະກິດສິນໃນນໍ້າ ຫວຽດນາມ ຊອກຫາຄູ່ຮ່ວມມືທີ່ຕະຫຼາດ RCEP ແລ້ວ ກໍຍັງເປັນໂອກາດເພື່ອໃຫ້ບັນດາວິສາຫະກິດໄດ້ຊອກຮູ້ຢ່າງລະອຍດກວ່າ ກ່ຽວກັບຄວາມຕ້ອງການຂອງຕະຫຼາດ, ຮົ້ວກີດຊວາງດ້ານເຕັກນິກຂອງບັນດາປະເທດ RCEP.
ຫອມມາລາ
