 |
| ພິທີປ່ອຍແນວພັນສິນໃນນ້ຳ (ພາບ: baotainguyenmoitruong.vn) |
ຕາມໜັງສືພິມຕຽນຟອງແລ້ວ, ການປ່ອຍແນວພັນ ສ້າງແຫຼ່ງສິນໃນນ້ຳຄືນໃໝ່ຢູ່ເຂດອ່າວພາກເໜືອ ປີ 2022 ແມ່ນການເຄື່ອນໄຫວນອນໃນຂອບເຂດປະຕິບັດບົດບັນທຶກຊ່ວຍຈຳກ່ຽວກັບການຜັນຂະຫຍາຍການຮ່ວມມືປ່ອຍແນວພັນ ແລະ ປົກປ້ອງແຫຼ່ງສິນໃນນ້ຳ ຢູ່ອ່າວພາກເໜືອ ໂດຍໄດ້ຮັບການລົງນາມ ລະຫວ່າງ ລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ຫວຽດນາມ ແລະ ລັດຖະມົນຕີກະຊວງກະສິກຳ - ຊົນນະບົດ ຈີນ ເນື່ອງໃນໂອກາດໄປຢ້ຽມຢາມຈີນຂອງທ່ານ ເລຂາທິການໃຫຍ່ ຫງວຽນຝູຈ້ອງໃນປີ 2017.
ທີ່ພິທີ, ທ່ານ ຟ້າມວັນແທງ - ຮອງປະທານຄະນະກຳມະການແຂວງ ກ໋ວາງນິງ ກ່າວຄຳເຫັນວ່າ: ແຂວງກ໋ວາງນິງກຳນົດທິດພັດທະນາສິນໃນນ້ຳ ແມ່ນຂະແໜງເສດຖະກິດສຳຄັນໃນຍຸດທະສາດພັດທະນາເສດຖະກິດ - ສັງຄົມ ຂອງແຂວງ. ເປົ້າໝາຍຮອດປີ 2030, ສິນໃນນ້ຳຈະກວມເອົາປະມານ 2% GRDP ທົ່ວແຂວງ ແລະ 60% GRDP ທົ່ວຂະແໜງກະສິກຳຂອງແຂວງ. ມູນຄ່າການຜະລິດສິນໃນນ້ຳຕາມລາຄາກຳນົດບັນລຸກ່ວາ 10.700 ຕື້ດົ່ງ, ກວມເອົາປະມານ 60% ທົ່ວຂະແໜງກະສິກຳ, ໄລ່ສະເລ່ຍມີການເຕີບໂຕ 6,3%/ປີ, ສ້າງວຽກເຮັດງານທຳໃຫ້ແກ່ຜູ້ອອກແຮງງານ 50.000 ຄົນ.
ກ໋ວາງນິງຈະຕັ້ງໜ້າເສີມຂະຫຍາຍບັນດາໝາກຜົນທີ່ບັນລຸໄດ້, ຍູ້ແຮງບັນດາມາດຕະການຜັນຂະຫຍາຍການພັດທະນາສິນໃນນ້ຳເວົ້າລວມ ແລະ ວຽກງານປົກປ້ອງແຫຼ່ງສິນໃນນ້ຳເວົ້າສະເພາະ. ໃນນັ້ນ ການປົກປ້ອງແຫຼ່ງສິນໃນນ້ຳ ຈະຜັນຂະຫຍາຍດ້ວຍການກະທຳຢ່າງລະອຽດ, ປະຈຳປີ ແມ່ນການປ່ອຍແນວພັນສິນໃນນ້ຳ ອອກສູ່ສິ່ງແວດລ້ອມ ເພື່ອສືບຕໍ່ຫັນປ່ຽນຄວາມຄິດ ແລະ ການກະທຳຂອງປະຊາຊົນ, ປະກອບສ່ວນປົກປັກຮັກສາສິ່ງແວດລ້ອມ, ແຫຼ່ງສິນໃນນ້ຳ, ສະກັດກັ້ນການກະທຳທຳລາຍແຫຼ່ງສິນໃນນ້ຳໃນໄລຍະຈະມາເຖິງ.
ແນວພັນສິນໃນນ້ຳກ່ວາ 8 ລ້ານໂຕ ມີມູນຄ່າເສດຖະກິດ ທີ່ບັນດາຜູ້ແທນປ່ອຍທີ່ພິທີ ລວມມີ: ກຸ້ງກ້າມ, ປູດຳ, ປາພອນ, ປາທີ່ຢູ່ປາກນຳ້ ໂດຍໄດ້ຮັບການກະກຽມຈາກງົບປະມານຂອງກອງທຶນຮ່ວມມືຈີນ - ອາຊີ ຢູ່ເຂດແຄມທະເລອ່າວພາກເໜືອ.
ນີ້ແມ່ນໜຶ່ງໃນບັນດາການເຄື່ອນໄຫວປະກອບສ່ວນຟື້ນຕົວ, ຟື້ນຟູແຫຼ່ງສິນໃນນ້ຳ ແລະ ພັດທະນາອາຊີບຫາປາຢູ່ເຂດອ່າວພາກເໜືອ, ພ້ອມທັງຮັດແໜ້ນການພົວພັນຮ່ວມມືມິດຕະພາບ, ທີ່ເປັນມູນເຊື້ອອັນດີງາມລະຫວ່າງສອງກະຊວງ ແລະ ປະຊາຊົນສອງປະເທດ.
ບຸນຄົງ
