ເນື່ອງໃນໂອກາດສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ສ.ເກົາຫຼີ ແລະ ຫວຽດນາມ (ວັນທີ 22 ທັນວາ 1992 – ວັນທີ 22 ທັນວາ 2022), ວັນທີ 12 ພຶດສະພາ, ຢູ່ນະຄອນກຸຍເຍິນ (ແຂວງບິ່ງດິ້ງ), ກະຊວງການຕ່າງປະເທດ, ສະຖານທູດ ສ.ເກົາຫຼີ ປະຈຳ ຫວຽດນາມ ແລະ ຄະນະກຳມະການປະຊາຊົນແຂວງ ບິ່ງດິ້ງ ໄດ້ຈັດຕັ້ງບັນດາເຫດການ “ພົບປະ ສ.ເກົາຫຼີ - ບິ່ງດິ້ງ 2022”.
 |
| ບັນຍາກາດການໂອ້ລົມສົນທະນາ “ພົບປະ ສ.ເກົາຫຼີ - ບິ່ງດິ້ງ 2022”. |
ທ່ານ Park Noh-wan, ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສ.ເກົາຫຼີ ປະຈຳ ຫວຽດນາມ ໃຫ້ຮູ້ວ່າ, ລາຍການ ພົບປະກັບ ສ.ເກົາຫຼີ - ບິ່ງດິ້ງ 2022 ໄດ້ປຶກສາຫາລືບັນດາມາດຕະການ ແລະ ວິໄສທັດ ເພື່ອ ເພີ່ມທະວີບັນດາການເຄື່ອນໄຫວຮ່ວມມືຫຼາຍຮູບຫຼາຍແບບລະຫວ່າງທ້ອງຖິ່ນໃນການພັດທະນບົດບາດໃຈກາງໃນການພັດທະນາເຂດທິດໃຕ້ພາກກາງ ເຊິ່ງແມ່ນແຂວງ ບິ່ງດິ້ງ ກັບຝ່າຍ ສ.ເກົາຫຼີ. ການພົວພັນຮ່ວມມືລະຫວ່າງນະຄອນກຸຍເຍິນ ແລະ ເມືອງ Yongsan ຂອງ ສ.ເກົາຫຼີ ໄດ້ຮັບການເພີ່ມພູນຄູນສ້າງແຕ່ປີ 1996 ມາຮອດປະຈຸບັນ ຈະສືບຕໍ່ກາຍເປັນແບບຢ່າງໃນການຮ່ວມມືທ້ອງຖິ່ນຂອງ 2 ປະເທດ.
ເນື່ອງໃນໂອກາດນີ້, ອົງການສົ່ງເສີມການຄ້າ ແລະ ການລົງທຶນ ສ.ເກົາຫຼີ ປະຈຳນະຄອນ ໂຮ່ຈີມິນ - KOTRA ໄດ້ລົງນາມໃນບົດບັນທຶກຊ່ວຍຈຳວ່າດ້ວຍການຮ່ວມມືດ້ານການລົງທຶນກັບຄະນະກຳມະການປະຊາຊົນແຂວງ ບິ່ງດິ້ງ; ສະມາຄົມການຄ້າ ແລະ ອຸດສາຫະກຳ ສ.ເກົາຫຼີ ຢູ່ທິດໃຕ້ພາກກາງຫວຽດນາມ - KOCHAM ໄດ້ລົງນາມໃນບົດບັນທຶກຊ່ວຍຈຳວ່າດ້ວຍການຮ່ວມມືດ້ານການລົງທຶນກັບກຸ່ມບໍລິສັດ Becamex IDC.
ບູນມີ
