| ຕ້ອງມີແຜນການຕ້ອນຮັບຄົນງານ ເພື່ອຟື້ນຟູການຜະລິດ | |
| ໃນຕົ້ນເດືອນກໍລະກົດ ຈະຜັນຂະຫຍາຍການໜູນຊ່ວຍຄົນງານ ແລະ ວິສາຫະກິດທີ່ໄດ້ຮັບຜົນກະທົບຈາກພະຍາດ COVID-19 |
 |
| ຄົນງານຕ່າງປະເທດຫຼາຍຄົນມີຄວາມສົນໃຈຫຼາຍຕໍ່ໂອກາດເຮັດວຽກຢູ່ຫວຽດນາມ ( ພາບ: PV/Vietnam+) |
ລະດັບເງິນເດືອນສູງສຸດທີ່ຜູ້ສະໝັກສະໝັກເປັນບຸກຄະລາກອນບໍລິຫານຂັ້ນກາງ ແລະ ຂັ້ນສູງໄດ້ຮັບໃນໄຕມາດ 1 /2022 ແມ່ນຂຶ້ນເຖິງເກືອບ 800 ລ້ານດົງ/ເດືອນ.
ນີ້ແມ່ນຂໍ້ມູນທີ່ Navigos Search ໄດ້ຍົກອອກໃນວັນທີ 27 ເມສານີ້ ພາຍຫຼັງການເກັບກຳຂໍ້ມູນໂດຍຜ່ານຄວາມຕ້ອງການຮັບສະໝັກບຸກຄະລາກອນບໍລິຫານຂັ້ນກາງ ແລະ ຂັ້ນສູງຢູ່ຫວຽດນາມ ໃນໄຕມາດ 1/2022.
ຕາມນັ້ນແລ້ວ, ໃນໄຕມາດ 1 ຮັບຮູ້ວ່າ ບັນດາວິສາຫະກິດກໍາລັງເຄື່ອນໄຫວຢູ່ຫວຽດນາມ ໄດ້ຈ່າຍເງິນເດືອນສູງໃຫ້ຄົນງານຕ່າງປະເທດ. ລະດັບເງິນເດືອນທີ່ຄົນຕ່າງປະເທດສະໝັກເປັນບຸກຄະລາກອນບໍລິຫານ ປະມານແຕ່ 8.500-34.000 USD/ເດືອນ, ເທົ່າກັບປະມານ 200 ລ້ານດົ່ງຫາເກືອບ 800 ລ້ານດົ່ງ/ເດືອນ.
ຄຽງຂ້າງກັບການຈ່າຍເງິນເດືອນສູງ, ໃນໄຕມາດ 1 ກໍໄດ້ຮັບຮູ້ການເພີ່ມຂຶ້ນຂອງຄວາມຕ້ອງການຮັບສະໝັກຄົນຕ່າງປະເທດສໍາລັບຕຳແໜ່ງການນຳຂັ້ນສູງ ຂອງວິສາຫະກິດໃນຂະແໜງການທ່ອງທ່ຽວ ແລະ ໂຮງແຮມ. ການຮັບສະໝັກບຸກຄະລາກອນບໍລິຫານໃນບາງວິຊາອາຊີບ ແລະ ຂະແໜງການກໍພົບກັບຄວາມຫຍຸ້ງຍາກຫຼາຍໃນໄຕມາດ 1 ເຊັ່ນ ການຕັດຫຍິບ, ລົດໃຫຍ່ໄຟຟ້າ, ທະນາຄານ ແລະ ອື່ນໆ.
ລະອຽດ, ຕາມການຮັບຮູ້ຂອງ Navigos Search, ບັນດາວິສາຫະກິດໃນຂະແຫນງການທ່ອງທ່ຽວ ແລະ ໂຮງແຮມໄດ້ກັບຄືນການຮັບສະໝັກສໍາລັບຕໍາແໜ່ງບໍລິຫານຂັ້ນສູງ ຜູ້ອໍານວຍການໃຫຍ່, ຫົວໜ້າບໍລິຫານ, ຫົວຫນ້າພາກສ່ວນໃນໂຮງແຮມ ແລະ ຣີສອດແມ່ນຜູ້ສະຫມັກທີ່ເປັນຄົນຕ່າງປະເທດ. ບັນດາ ໂຄງການໂຮງແຮມ ແລະ ຣີສອດ ມີການຟື້ນຟູ.
ສະນັ້ນ ຄວາມຕ້ອງການຕໍ່ບຸກຄະລາກອນຂັ້ນສູງໃນຂະແໜງການກໍ່ສ້າງ ແລະ ດຳເນີນງານກໍຈະຂະຫຍາຍຕົວຫຼາຍ. ຕາມຄວາມຕ້ອງການຮັບສະໝັກຄົນຕ່າງປະເທດສໍາລັບຕຳແໜ່ງບໍລິຫານ ຄາດຄະເນວ່າຈະເກີດຂຶ້ນຫຼາຍຂຶ້ນໃນຂະແໜງນີ້.
ໃນຂະແໜງການຕັດຫຍິບ, ບັນດາຜູ້ສະໝັກຈາກປະເທດອາຊີ ເຊັ່ນ ສີລັງກາ, ອິນເດຍ, ປາກີສະຖານ... ກໍມີຄວາມສົນໃຈຕໍ່ກັບໂອກາດເຮັດວຽກຢູ່ ຫວຽດນາມ. ບັນດາຕໍາແຫນ່ງດ້ານວິຊາການເຊັ່ນ ການພັດທະນາຮູບແບບ, ເຕັກນິກການຫຍິບ, ການດັດແປງໃໝ່, ການກວດກາຄຸນນະພາບ... ຍັງເປັນຕໍາແໜ່ງຊອກຫາຜູ້ສະໝັກຍາກທີ່ສຸດໃນປັດຈຸບັນ. ບັນດາບໍລິສັດກໍພະຍາຍາມເພື່ອຮັກສາຄົນງານ ໂດຍສະເພາະຄົນງານໃນຕໍາແຫນ່ງເຫຼົ່ານີ້ ດ້ວຍນະໂຍບາຍເງິນເດືອນ ແລະ ເງິນໂບນັດທີ່ມີການແກ້ງແຍ້ງ ແລະ ອໍານວຍຄວາມສະດວກໃຫ້ເຂົາເຈົ້າໃນການເຮັດວຽກ. ໃນກໍລະນີທີ່ບໍ່ສາມາດຊອກຫາຜູ້ສະຫມັກເປັນຄົນຫວຽດໄດ້, ບາງບໍລິສັດ ກໍຂະຫຍາຍການຊອກຫາຜູ້ສະຫມັກເປັນຄົນຕ່າງປະເທດສໍາລັບຕໍາແຫນ່ງເຫຼົ່ານີ້.
ຂະແໜງການລົດໃຫຍ່ຂອງຫວຽດນາມ ກໍພວມມີບາງໂຄງການລົງທຶນໃໝ່ໆທີ່ເລີ່ມຈາກການຫັນປ່ຽນຕ່ອງໂສ້ ຫຼື ການເຄື່ອນຍ້າຍໂຮງງານຈາກຈີນມາຫວຽດນາມ ແລະ ພົບກັບຄວາມຫຍຸ້ງຍາກຫຼາຍໃນການຮັບສະໝັກ. ຕາມການສັງເກດໂດຍ Navigos Search ສະແດງໃຫ້ເຫັນວ່າ ມີການຂາດແຄນບຸກຄະລາກອນຂັ້ນສູງ ຫຼື ຜູ້ຊ່ຽວຊານໃນຂະແໜງການແບັດເຕີຣີລົດໃຫຍ່ໄຟຟ້າ ເພາະວ່ານີ້ແມ່ນຂະແໜງການທີ່ບັນດາວິສາຫະກິດກໍາລັງລົງທຶນ ແລະ ຂະຫຍາຍໂຮງງານໃນທົ່ວໂລກ.
ເນື່ອງຈາກວ່າບັນດາທະນາຄານສຸມໃສ່ໃນການຫັນເປັນດິຈິຕອນ, ອັດຕະໂນມັດ... ສະນັ້ນ ຈຶ່ງພາໃຫ້ຄວາມຕ້ອງການຂອງການຮັບສະໝັກສໍາລັບຕໍາແຫນ່ງທີ່ກ່ຽວຂ້ອງກັບໄອທີ, ຂໍ້ມູນ, ສະຖາປະນິກການແກ້ໄຂ... ມີການເພີ່ມຂຶ້ນ. ອີງຕາມ Navigos Search, ຕໍາແຫນ່ງເຫຼົ່ານີ້ ແມ່ນສຸມໃສ່ຊັບພະຍາກອນມະນຸດທີ່ມີຄຸນນະພາບສູງເປັນພິເສດ ແຕ່ມີການຊອກຫາຍາກ ແລະ ຕ້ອງການລົງທຶນຄ່າໃຊ້ຈ່າຍຫຼາຍ ຍ້ອນມີການແກ້ງແຍ້ງກັນຫຼາຍໃນທົ່ວຕະຫຼາດ.
ສໍາລັບຕໍາແໜ່ງການຂາຍ (sales), ໃນໄລຍະນີ້ ບັນດາທະນາຄານມີຄວາມຕ້ອງການໃນການຮັບສະໝັກຫຼາຍສົມຄວນສຳລັບລູກຄ້າຊັ້ນສູງ, ລູກຄ້າບູຣິມະສິດ, ສຸມໃສ່ຜະລິດຕະພັນ ແລະ ການບໍລິການຊັ້ນສູງ ແລະ ຊັບຊ້ອນຄື ລົງທຶນ, ປະກັນໄພ ແລະ ຄຸ້ມຄອງຊັບສົມບັດ. ດັ່ງນັ້ນ, ສໍາລັບຕໍາແຫນ່ງເຫຼົ່ານີ້, ທະນາຄານມັກຈະຮັບສະໝັກຜູ້ສະຫມັກທີ່ມີປະສົບການ ແລະ ທັກສະທີ່ດີ.
ບັນດາວິສາຫະກິດໃນຂະແໜງການສິນຄ້າບໍລິໂພກ ກໍພວມມີຄວາມຕ້ອງການສູງໃນການຮັບສະໝັກຜູ້ທີ່ມີປະສົບການທາງອີຄອມເມີຊ ແລະ ດິຈິຕອນ.
ຫອມມາລາ
