ວັນທີ 27 ເມສາ, ທີ່ນະຄອນລ່າວກາຍ, ຄະນະພັກແຂວງ ລ່າວກາຍ (ຫວຽດນາມ) ໄດ້ສົມທົບກັບຄະນະພັກແຂວງ ຢຸນນານ (ຈີນ) ພ້ອມກັບບັນດາທ້ອງຖິ່ນ, ອົງການກ່ຽວຂ້ອງຂອງສອງຝ່າຍ ຈັດຕັ້ງກອງປະ ຊຸມທາງອອນລາຍລະຫວ່າງ ເລຂາພັກແຂວງບັນດາແຂວງ ລ່າວກາຍ, ດ້ຽນບຽນ, ຮ່າຢາງ, ລາຍເຈົາ ແລະ ແຂວງຢຸນນານ ປີ 2022 .
 |
| ທ່ານ ດັ້ງຊວນຟອງ ເລຂາພັກແຂວງລ່່າວກາຍ ກ່າວຄໍາເຫັນທີ່ກອງປະຊຸມ. ພາບ: TTXVN |
ນີ້ແມ່ນປີທີ ສອງ ທີ່ 4 ແຂວງເຂດຕາເວັນຕົກສ່ຽງເໜືອ ຂອງຫວຽດນາມ ແລະ ແຂວງ ຢຸນນານ ຂອງຈີນ ຈັດຕັ້ງກອງປະຊຸມລະຫວ່າງ ບັນດາເລຂາພັກແຂວງ ເພື່ອແນໃສ່ຕີລາຄາໝາກຜົນແຫ່ງການຮ່ວມມື ລະຫວ່າງບັນດາທ້ອງຖິ່ນ ນັບແຕ່ ກອງປະຊຸມ ຄັ້ງທີ 1 ປີ 2021 ມາຮອດປັດຈຸບັນ; ພ້ອມກັນແລກປ່ຽນ ບັນດາບັນຫາທີ່ຍັງຄົງຄ້າງ ໃນວິວັດການຮ່ວມມື; ເຫັນດີເປັນເອກະພາບບາງເນື້ອໃນຮ່ວມມື ໃນໄລຍະຈະມາເຖິງ, ປະກອບສ່ວນເພີ່ມທະວີຄວາມເຂົ້າໃຈ ແລະ ຄວາມ ໄວ້ເນື້ອເຊື່ອໃຈເຊິ່ງກັນ ແລະ ກັນ; ຊຸກຍູ້ການຮ່ວມມືຢ່າງແທດຈິງ ໃນທຸກຂົງເຂດ. ຝ່າຍຕ່າງໆເຫັນດີເປັນເອກະພາບໂດຍຖືວ່າ ພາຍໃຕ້ການຊີ້ ນໍາຂອງຄະນະກໍາມະການປະສົມຊາຍແດນໃນເຂດດິນຕໍ່ແຜ່ນຫວຽດນາມ-ຈີນ, ບັນດາແຂວງ ຄວນຕັ້ງໜ້າຜັນຂະຫຍາຍການເຄື່ອນໄຫວຮ່ວມມືພັດທະນາ ໃນເຂດຊາຍແດນຂອງສອງປະເທດໃຫ້ເໝາະສົມກັບເອກະສານນິຕິກໍາວ່າດ້ວຍຊາຍແດນໃນເຂດດິນຕໍ່ແຜ່ນ 3 ສະບັບ ແລະ ບັນດາຂໍ້ຕົກລົງທີ່ກ່ຽວຂ້ອງ; ພ້ອມກັນກໍ່ສ້າງເສັ້ນຊາຍແດນແຫ່ງສັນຕິພາບ, ສະຖຽນລະພາບ, ມິດຕະພາບ, ປະກອບສ່ວນໃຫ້ສາຍພົວພັນຄູ່ຮ່ວມມືຍຸດທະສາດຮອບດ້ານ ຫວຽນາມ-ຈີນ ພັດທະນາສະຖຽນລະພາບ, ປອດໃສ ແລະ ຍືນຍົງ.
ບູນມີ
