ສະນັ້ນ, ໃນ 10 ປີຜ່ານມາ, ອັດຕາຄວາມທຸກຍາກຢູ່ຫວຽດນາມ ໄດ້ຫຼຸດລົງຢ່າງໜ້າປະທັບໃຈ. ນີ້ແມ່ນຂໍ້ມູນຂອງທະນາຄານໂລກປະຈຳຫວຽດນາມ ຍົກອອກໃນ ການປະກາດບົດລາຍງານການຕີລາຄາສະພາບຄວາມທຸກຍາກ ແລະ ຄວາມສະເໝີພາບລະຫວ່າງຍິງ-ຊາຍຢູ່ຫວຽດນາມ ໃນປີ 2022 – ຈາກໄລຍະສຸດທ້າຍເຖິງໄລຍະຕໍ່ໄປ, ໄດ້ດຳເນີນໃນຕອນເຊົ້າວັນທີ 28 ເມສາ, ຢູ່ຮ່າໂນ້ຍ.
 |
| ພາບປະກອບ: TTXVN |
ໃນບົດລາຍງານ, ທະນາຄານໂລກໄດ້ຕີລາຄາຫວຽດນາມ ເປັນປະເທດທີ່ຂະຫຍັນຂັນເຄື່ອນໃນວິວັດການຫັນປ່ຽນ. ບັນດາຕົວເລກສະແດງໃຫ້ເຫັນວ່າ, ຫວຽດນາມ ພວມໄປຖືກທິດ, ມີການປ່ຽນແປງຢ່າງຕັ້ງໜ້າໃນດ້ານເສດຖະກິດ ແລະ ສັງຄົມ. ຕາມທະນາຄານໂລກ ແລ້ວ, ຫວຽດນາມ ໄດ້ມີຄວາມຄືບໜ້າດ້ານເສດຖະກິດ - ສັງຄົມທີ່ບໍ່ເຄີຍມີມາກ່ອນໃນບໍ່ຮອດເຄິ່ງສະຕະວັດນັບແຕ່ສົງຄາມສິ້ນສຸດລົງ”, ທະນາຄານໂລກຢືນຢັນ.
ການເຕີບໂຕດ້ານເສດຖະກິດຢູ່ລະດັບສູງແຕ່ມີລັກສະສະກວມລວມ ແລະ ຊີວິດການເປັນຢູ່ຂອງຫວຽດນາມໄດ້ຮັບການປັບປຸງຢ່າງຫຼວງຫຼາຍ. ເປັນທີ່ໜ້າສົນໃຈ, ອັດຕາຄວາມທຸກຍາກໃນບາງກຸ່ມຄົນທຸກຍາກຍາວນານ ໄດ້ຫຼຸດລົງເກືອບເຄິ່ງໜຶ່ງໃນລະຫວ່າງປີ 2010 ຫາ 2020, ລວມທັງກຸ່ມຊົນເຜົ່າສ່ວນໜ້ອຍ ແລະ ຄອບຄົວຢູ່ພາກເໜືອກາງ ແລະ ພູດອຍພາກເໜືອ. ຕາມທະນາຄານໂລກແລ້ວ, ການເຕີບໂຕຂອງຫວຽດນາມ ໃນທົດສະວັດຜ່ານມາຢູ່ຫວຽດນາມ ມີລັກສະນະກວມລວມຍ້ອນການປັບປຸງສະຫວັດດີການ.
ບູນມີ
