ງານວາງສະແດງເອກະສານ ຮວ່າງຊາ, ເຈື່ອງຊາຢູ່ແຂວງບັກຢາງ

	ກະຊວງການຕ່າງປະເທດຫວຽດນາມ ຄັດຄ້ານຕໍ່ບັນດາການກະທຳລ່ວງລ້ຳອາທິປະໄຕ, ສິດອະທິປະໄຕ, ສິດອຳນາດສານຂອງ ຫວຽດນາມ ຢູ່ ໝູ່ເກາະ ເຈື່ອງຊາ ແລະ ຮວ່າງຊາ
	ງານວາງສະແດງແຜນທີ່ ແລະ ສາລະຄະດີ ກ່ຽວກັບ ຮວ່າງຊາ ແລະ ເຈື່ອງຊາ ຂອງຫວຽດນາມ

ເນື່ອງໃນໂອກາດສະເຫຼີມສະຫຼອງ 47 ປີແຫ່ງວັນປົດປ່ອຍ ພາກໃຕ້ທ້ອນໂຮມປະເທດຊາດເປັນເອກະພາບ (30 ເມສາ 1975 – 30 ເມສາ 2022) ແລະ 68 ປີແຫ່ງວັນໄຊຊະນະດ້ຽນບຽນຝູ (7 ພຶດສະພາ 1954 – 7 ພຶດສະພາ 2022), ວັນທີ 20 ເມສາ, ທີ່ຫໍພິພິທະພັນແຂວງບັກຢາງ ໄດ້ ໄຂງານວາງສະແດງດ້ວຍຫົວເລື່ອງ “ຮວ່າງຊາ, ເຈື່ອງຊາ ແມ່ນຂອງຫວຽດນາມ-ບັນດາພະ​ຍານຫຼັກ​ຖານ​ປະຫວັດສາດ ແລະ ນິຕິກໍາ”; ບັນດາຊົນເຜົ່າ ແລະ ສາສະໜາຢູ່ຫວຽດນາມ ໃນພາລະກິດແຫ່ງການສ້າງສາ ແລະ ປົກປັກຮັກ ສາປະເທດຊາດ; ບັນດາວັດຖຸ​ພັນ​​ທີ່​ລະ​ນຶກ.

ງານວາງສະແດງເອກະສານ ຮວ່າງຊາ, ເຈື່ອງຊາຢູ່ແຂວງບັກຢາງ. ພາບ: TTXVN

ການວາງສະແດງລວມມີຮູບພາບ 80 ແຜ່ນ, ວັດຖຸພັນ 42 ຢ່າງ ດ້ວຍບັນດາ ຮູບພາບ, ເອກະສານທີ່ໄດ້ວາງສະແດງ ໄດ້ເປັນການຢັ້ງຢືນອະທິປະໄຕທະເລໝູ່ ເກາະຂອງຫວຽດນາມ ສໍາລັບສອງໝູ່ເກາະ ຮວ່າງຊາ ແລະ ເຈື່ອງຊາ; ສ່ອງແສງມູນເຊື້ອປະຫວັດສາດ, ການປະຕິວັດຂອງປະຊາຊົນ, ສີສັນວັດທະນະທໍາຂອງປະຊາຄົມບັນດາຊົນເຜົ່າຢູ່ຫວຽດນາມເວົ້າລວມ, ແຂວງບັກຢາງເວົ້າສະເພາະ, ການປະກອບສ່ວນທີ່ຕັ້ງໜ້າຂອງບັນດາຊົນເຜົ່າ ແລະ ສາສະໜາໃນພາລະກິດແຫ່ງການສ້າງສາ, ປົກປັກຮັກສາປະເທດຊາດ. ງານວາງສະແດງ ດໍາເນີນຈົນຮອດໝົດເດືອນພຶດສະພາ ປີ 2022 ຈຶ່ງອັດລົງ.