 |
| ທ່ານຫງວຽນດຶກເລີຍຮອງປະທານສະມາຄົມນັກຂ່າວຫວຽດນາມ (ພາບ: nld.com.vn) |
ເຫດການໂດຍສະມາຄົມນັກຂ່າວຫວຽດນາມ ແລະ ຄະນະກຳມະການປະຊາຊົນນະຄອນຮ່າໂນ້ຍເປັນເຈົ້າພາບ, ສົມທົບກັບຄະນະໂຄສະນາສຶກສາສູນກາງ, ກະຊວງຖະແຫຼງຂ່າວ ແລະ ສື່ສານ, ວັດທະນະທຳ, ກິລາ ແລະ ການທ່ອງທ່ຽວຈັດຕັ້ງ.
ງານບຸນສືື່ມວນຊົນທົ່ວປະເທດ 2022 ໄດ້ຈັດຂຶ້ນໃນປີທຳອິດຂອງການປະຕິບັດມະຕິກອງປະຊຸມໃຫຍ່ຄັ້ງທີ XI ສະມາຄົມນັກຂ່າວຫວຽດນາມ ອາຍຸການ 2020 – 2025.
ນີ້ແມ່ນການເຄື່ອນໄຫວທີ່ມີຄວາມໝາຍ ຂອງວົງການນັກຂ່າວ, ກົງກັບວັນສະເຫຼີມສະຫຼອງ 72 ປີແຫ່ງວັນສ້າງຕັ້ງສະມາຄົມນັກຂ່າວ ຫວຽດນາມ (21 ເມສາ 1950 – 21 ເມສາ 2022), ມຸ່ງໄປເຖິງການສະເຫຼີມສະຫຼອງ 97 ປີແຫ່ງວັນສື່ມວນຊົນປະຕິວັດຫວຽດນາມ (ວັນທີ 21 ມິຖຸນາ ປີ 1925 – 21 ມິຖຸນາ ປີ 2022) ແລະ ບັນດາວັນບຸນໃຫຍ່, ເຫດການປະຫວັດສາດ, ການເມືອງທີ່ສຳຄັນຂອງປະເທດຊາດ, ຂອງນະຄອນຫຼວງທີ່ໄດ້ດຳເນີນໃນປີ 2022.
ພິທີໄຂງານບຸນສືື່ມວນຊົນທົ່ວປະເທດປີ 2022 ຈະດຳເນີນເວລາ 9 ໂມງຂອງວັນທີ 13 ເມສາ, ເຊິ່ງຈະໄດ້ຖ່າຍທອດສົດ ແລະ ກະຈາຍສຽງສົດຜ່ານຊ່ອງໂທລະພາບ VTV ແລະ VOV. ພິທີອັດ ຈະດຳເນີນໃນເວລາ 15 ໂມງຂອງວັນທີ 15 ເມສາ ໄດ້ຖ່າຍທອດສົດ ແລະ ກະຈາຍສຽງສົດຜ່ານຊ່ອງວິທະຍຸກະຈາຍສຽງ - ໂທລະພາບຮ່າໂນ້ຍ.
ບຸນຄົງ
