 |
ທ່ານ ສອນໄຊ ສີພັນດອນ ແລະ ທ່ານ ລີໂອ ເຟເບີ ເອກອັກຄະລັດຖະທູດ ຂອງສະຫະພາບເອີຣົບປະຈໍາ ສປປ ລາວ. (ພາບ: ຂປລ)
ໃນໂອກາດດັ່ງກ່າວ, ທ່ານ ສອນໄຊ ສີພັນດອນ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງ ຕໍ່ການເຂົ້າມາຢ້ຽມຢາມໃນຄັ້ງນີ້, ເຊິ່ງໄດ້ສະແດງອອກໃນຫລາຍດ້ານ ໂດຍສະເພາະແມ່ນການພົວພັນຮ່ວມມື ລະຫວ່າງ ສປປ ລາວ ກັບສະຫະພາບເອີຣົບ ແລະ ສປປ ລາວ ຕໍ່ອົງການອຸຍນີເຊບ ທີ່ມີມາແລ້ວນັ້ນ ໃຫ້ຂະຫຍາຍຕົວ ແລະ ງອກງາມຍິ່ງໆຂຶ້ນ.
ພ້ອມດຽວກັນນີ້, ທ່ານ ລີໂອ ເຟເບີ ກໍ່ໄດ້ລາຍງານ ຕໍ່ທ່ານຮອງນາຍົກລັດຖະມົນຕີ ຮັບຮູ້ກ່ຽວກັບຄວາມຄືບໜ້າ ຂອງການຈັດຕັ້ງປະຕິບັດວຽກງານໂພຊະນາການ ແລະ ບັນດາກິດຈະກຳຕ່າງໆຂອງ ສປປ ລາວ ທີ່ໄດ້ຮັບການຊ່ວຍເຫລືອຈາກບັນດາຄູ່ຮ່ວມພັດທະນາ ໂດຍສະເພາະທຶນ ຈາກສະຫະພາບເອີຣົບ ແລະ ອົງການອຸຍນີເຊບ ທີ່ຊ່ວຍເຫລືອທາງດ້ານວຽກງານດັ່ງກ່າວ.
（ຄຳຮຸ່ງ）
