 |
ກອງບັນຊາການທະຫານແຂວງ ສະຫຼຸບ ວຽກງານຮອບດ້ານປະຈຳ 6 ເດືອນຕົ້ນປີ 2019.
ສະຫາຍ ພັນໂທ ວັນທອງ ບຸດສະດາ ຄະນະພັກຫົວໜ້າ ຫ້ອງການກອງບັນຊາການທະ ຫານແຂວງສະຫວັນນະເຂດ ໄດ້ຂຶ້ນສະຫຼຸບຕີລາຄາການຈັດ ຕັ້ງປະຕິບັດວຽກງານໃນ 6 ເດືອນຕົ້ນປີຜ່ານມາ ເຊິ່ງເຫັນ ໄດ້ຄື: ດ້ານວຽກງານຮາກຖານ ການເມືອງນຳພາແນວຄິດ ໂດຍໄດ້ປະຕິບັດ 4 ເນື້ອໃນ 4 ຄາດໝາຍຂອງສູນກາງພັກ ວາງອອກ, ປະຈຸບັນໄດ້ສ້າງ ບ້ານປ້ອງກັນຊາດເຂັ້ມແຂງໄດ້ 72 ບ້ານ ແລະຄອບຄົວປ້ອງກັນ ຊາດເຂັ້ມແຂງໄດ້ 14.730 ຄອບຄົວ, ດ້ານວຽກງານປ້ອງ ກັນຊາດ-ປ້ອງກັນຄວາມສະ ຫງົບ, ສ້າງຕັ້ງກຳລັງສຳຮອງ ໄດ້ 3 ກອງຮ້ອຍ 3 ເມືອງ ແລະໄດ້ປະຕິບັດຄຳສັ່ງເລກທີ 15/ນຍ, ສາມາດຢຶດໄມ້ໄດ້ 5,774 ແມັດກ້ອນ, ໄມ້ທ່ອນໄດ້ 207 ທ່ອນ,ໄມ້ສຳເລັດຮູບ 98 ແຜ່ນ, ຢຶດລົດກະບະນິສັນນາວາລາຜິດກົດໝາຍໄດ້ 1 ຄັນ, ລົດຮຸນໄດ 2 ຄັນ, ລົດໄຖນາ 2 ຄັນ, ເຮືອຈັກ 1 ຄັນ,ຈັກສະຕິນ 6 ເຄື່ອງ, ໝາກໄມ້ລວມ 80 ລັງແລະໝາກຟ້າວຫອມ 40 ຖົງ,ຈັບຜູ້ກະທຳຜິດໄດ້ 7 ຄົນ, ມອບໃຫ້ພາກສ່ວນກ່ຽວຂ້ອງພິຈາລະນາຕາມລະບຽບກົດ ໝາຍ, ດ້ານວຽກງານພະລາທິການແມ່ນໄດ້ປະຕິບັດ 4 ປູກ 4 ລ້ຽງຂອງກົມໃຫຍ່ພະລາທິ ການວາງອອກເປັນຕົ້ນແມ່ນຖື ເອົາການປູກຝັງ ແລະລ້ຽງ ສັດຊະນິດຕ່າງໆສາມາດເຮັດ ໃຫ້ຊີວິດການເປັນຢູ່ຂອງພະ ນັກງານ-ນັກຮົບພາຍກົມກອງ ດີຂຶ້ນເປັນກ້າວໆ.
ໃນພິທີ, ສະ ຫາຍ ສັນຕິພາບ ພົມວິຫານ ກຳມະການສູນກາງພັກ ເລຂາ ພັກແຂວງ ເຈົ້າແຂວງສະຫວັນນະເຂດໄດ້ໃຫ້ກຽດຂຶ້ນໂອ້ລົມຕໍ່ກອງປະຊຸມ ກ່ອນອື່ນໝົດສະ ຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ກອງບັນ ຊາການທະຫານແຂວງຍາດ ມາໄດ້ໃນໄລຍະ 6 ເດືອນຕົ້ນປີ 2019 ຜ່ານມາ. ສະຫາຍຍັງ ໄດ້ເນັ້ນໜັກໃຫ້ເອົາໃຈໃສ່ແຕ່ງ ຕັ້ງພະນັກງານລົງກໍ່ສ້າງຮາກ ຖານການເມືອງແນວຄິດກັບ ປະຊາຊົນບັນດາເຜົ່າ ເພື່ອ ເຮັດໃຫ້ປະຊາຊົນມີແນວຄິດ ຫຼັກໝັ້ນຕໍ່ການນຳພາຂອງ ພັກ-ລັດ. ພ້ອມທັງເປັນເຈົ້າ ການຕ້ານກັນປະກົດການຫຍໍ້ ທໍ້ໃຫ້ດີຂຶ້ນເປັນກ້າວໆ.
（ແຫຼ່ງຂໍ້ມູນ： Savanhphuttana News）
