| ເປີດກວ້າງການໜູນຊ່ວຍຜູ້ອອກແຮງງານທີ່ປະສົບກັບຄວາມຫຍຸ້ງຍາກຍ້ອນພະຍາດໂຄວິດ-19 | |
| ຫວຽດນາມ-ລາວ ແລກປ່ຽນບົດຮຽນກ່ຽວກັບວິຊາການປະກັນສັງຄົມ |
ລັດຖະບານໄດ້ປະກາດໃຊ້ດຳລັດເລກທີ 12/2022/ດລ-ລບ ວ່າດ້ວຍການແກ້ໄຂການລະເມີດທາງບໍລິຫານໃນຂົງເຂດແຮງງານ ແລະ ປະກັນສັງຄົມ ປ່ຽນແທນດຳລັດເລກທີ 28/2020/ດລ-ລບ. ລະດັບການປັບໄໝວິສາຫະກິດທີ່ຄວນເອົາໃຈໃສ່ ມີດັ່ງນີ້:
-ການລ່ວງລະເມີດທາງເພດໃນສະຖານທີ່ເຮັດວຽກ ແຕ່ຍັງບໍ່ຮອດລະດັບຄວາມຮັບຜິດຊອບທາງອາຍາ. ລະດັບການປັບໄໝແຕ່ 15 – 30 ລ້ານດົ້ງ (ວັກ 3 ມາດຕາ 11). ກ່ອນໜ້ານີ້ບໍ່ໄດ້ກຳນົດລະດັບການປັບໄໝ.
-ການບັງຄັບຜູ້ອອກແຮງງານປະຕິບັດສັນຍາແຮງງານເພື່ອໃຊ້ແທນໜີ້ສິນແກ່ຜູ້ນຳໃຊ້ແຮງງານ ລະດັບການປັບໄໝແຕ່ 50 – 75 ລ້ານດົ້ງ (ຂໍ້ b ວັກ 4 ມາດຕາ 11). ກ່ອນໜ້ານີ້, ດຳລັດ 28/2020 ບໍ່ກຳນົດລະດັບການປັບໄໝ.
 |
| ພາບປະກອບ: TTXVN |
-ການບໍ່ແຈ້ງການເປັນລາຍລັກອັກສອນໃຫ້ແກ່ຜູ້ອອກແຮງງານກ່ຽວກັບການສິ້ນສຸດສັນຍາແຮງງານ ເມື່ອສັນຍາແຮງງານສິ້ນສຸດຕາມກຳນົດຂອງປະມວນກົດໝາຍແຮງງານ, ຍົກເວັ້ນກໍລະນີທີ່ກຳນົດໄວ້ໃນບັນດາວັກ 4, 5, 6, 7 ແລະ 8 ມາດຕາ 34 ຂອງປະມວນກົດໝາຍແຮງງານ. ລະດັບການປັບໄໝແຕ່ 1 ລ້ານ – 3 ລ້ານດົ້ງ (ວັກ 1 ມາດຕາ 12). ກ່ອນໜ້ານີ້, ດຳລັດ 28/2020 ບໍ່ກຳນົດລະດັບການປັບໄໝ.
-ການສວຍໃຊ້ຊື່ສຽງການສອນວິຊາຊີບ, ຝຶກວິຊາຊີບ ເພື່ອຫາຜົນປະໂຫຍດ ຫຼື ຂູດຮີດແຮງງານ ຫຼື ຊັກຈູງ ຫຼື ບັງຄັບຜູ້ຮຽນວິຊາຊີບ, ຜູ້ຝຶກວິຊາຊີບເຂົ້າຮ່ວມການເຄື່ອນໄຫວທີ່ຂັດກັບກົດໝາຍ. ລະດັບການປັບໄໝແຕ່ 50 – 75 ລ້ານດົ້ງ (ຂໍ້ a ວັກ 2 ມາດຕາ 14). ກ່ອນໜ້ານີ້, ຖືກປັບໄໝແຕ່ 20 – 25 ລ້ານດົ້ງ.
-ການຮັບສະໝັກຜູ້ເຂົ້າຝຶກວິຊາຊີບເພື່ອເຮັດວຽກໃຫ້ແກ່ຕົນສຳລັບກຳນົດເວລາຝຶກງານເກີນ 3 ເດືອນ. ລະດັບການປັບໄໝແຕ່ 50 – 75 ລ້ານດົ້ງ (ຂໍ້ a ວັກ 1 ມາດຕາ 12). ກ່ອນໜ້ານີ້, ດຳລັດ 28/2020 ບໍ່ກຳນົດລະດັບການປັບໄໝ.
-ການບໍ່ແຈ້ງຢ່າງເປີດເຜີຍໃນສະຖານທີ່ເຮັດວຽກກ່ອນເວລາປະຕິບັດຂັ້ນເງິນເດືອນ, ຕາງຕະລາງເງິນເດືອນ; ລະດັບແຮງງານ; ລະບຽບການໄດ້ໂບນັດ. ລະດັບການປັບໄໝແຕ່ 5 – 10 ລ້ານດົ້ງ (ຂໍ້ a ວັກ 1 ມາດຕາ 17). ກ່ອນນີ້ລະດັບການປັບໄໝພຽງແຕ່ 2 – 5 ລ້ານດົ້ງ (ຂໍ້ a ວັກ 1 ມາດຕາ 16).
-ການບໍ່ແຈ້ງລະບຽບການອອກແຮງງານເຖິງຜູ້ອອກແຮງງານທັງໝົດ ຫຼື ບໍ່ຕິດປະກາດເນື້ອໃນຫຼັກຕ່າງໆຂອງລະບຽບການອອກແຮງງານ ຢູ່ໃນບ່ອນທີ່ຈຳເປັນປະຈຳສະຖານທີ່ເຮັດວຽກ ປັບໄໝແຕ່ 1 – 3 ລ້ານດົ້ງ ຕາມວັກ 1 ມາດຕາ 19. ກ່ອນນີ້ລະດັບການປັບໄໝນີ້ແມ່ນ 5 ແສນ – 1 ລ້ານດົ້ງ.
-ການນຳໃຊ້ຮູບແບບການປັບໄໝເງິນ ຫຼື ຫັກເງິນເດືອນແທນການແກ້ໄຂທາງວິໄນແຮງງານ ຖືກປັບໄໝແຕ່ 20 – 40 ລ້ານດົ້ງ (ຂໍ້ b ວັກ 3 ມາດຕາ 19). ກ່ອນນີ້ລະດັບການປັບໄໝແມ່ນ 10 – 15 ລ້ານດົ້ງ.
-ການປະຕິບັດວິໄນແຮງງານຕໍ່ກັບຜູ້ອອກແຮງງານທີ່ກຳລັງຢູ່ໃນໄລຍະເວລາດັ່ງນີ້: ພັກເຈັບເປັນ; ພັກປິ່ນປົວ; ພັກວຽກໂດຍໄດ້ຮັບການເຫັນດີຂອງຜູ້ໃຊ້ແຮງງານ; ກຳລັງຖືກກັກຕົວ; ກຳລັງຖືກກັກຂັງ; ກຳລັງລໍຖ້າຜົນຂອງອົງການທີ່ມີສິດອຳນາດໃນການສືບສວນ, ຢັ້ງຢືນ ແລະ ສະຫຼຸບຕໍ່ກັບການລະເມີດທີ່ຖືກກຳນົດໃນວັກ 1 ແລະ ວັກ 2 ມາດຕາ 125 ຂອງປະມວນກົດໝາຍແຮງງານ. ລະດັບການປັບໄໝແຕ່ 20 – 40 ລ້ານດົ້ງ (ຂໍ້ đ ວັກ 3 ມາດຕາ 19). ກ່ອນນີ້ຕາມດຳລັດ 28/2020 ບໍ່ກຳນົດການປັບໄໝ.
-ການບໍ່ຮັບປະກັນປະຕິບັດຄວາມເທົ່າທຽມທາງເພດ ແລະ ມາດຕະການຊຸກຍູ້ຄວາມເທົ່າທຽມທາງເພດຕາມໜຶ່ງໃນບັນດາກໍລະນີດັ່ງນີ້: ການຮັບສະໝັກ; ການສັບຊ້ອນ; ການຈັດແບ່ງວຽກ; ການຝຶກອົບຮົມ; ໄລຍະເວລາການເຮັດວຽກ; ໄລຍະເວລາການພັກຜ່ອນ; ລະບອບຕ່າງໆ. ລະດັບການປັບໄໝແຕ່ 5 – 10 ລ້ານດົ້ງ (ຂໍ້ a ວັກ 1 ມາດຕາ 28). ກ່ອນນີ້ຕາມດຳລັດ 28/2020 ບໍ່ກຳນົດການປັບໄໝ.
-ການຂົ່ມເຫັງ, ລ່ວງລະເມີດທາງເພດ, ບັງຄັບໃຊ້ແຮງງານ, ຫຼື ນຳໃຊ້ກຳລັງຂົ່ມຂູ່ຕໍ່ກັບຜູ້ອອກແຮງງານທີ່ເປັນຜູ້ຊ່ວຍວຽກຄອບຄົວ ແຕ່ບໍ່ຮອດລະດັບຄວາມຮັບຜິດຊອບທາງອາຍາ. ລະດັບການປັບໄໝແຕ່ 50 – 75 ລ້ານດົ້ງ (ວັກ 4 ມາດຕາ 30). ກ່ອນນີ້ຕາມດຳລັດ 28/2020 ບໍ່ກຳນົດການປັບໄໝ.
-ການບໍ່ປະຕິບັດຂັ້ນຕອນຢັ້ງຢືນກ່ຽວກັບການຊື້ປະກັນໄພວ່າງວຽກໃຫ້ຜູ້ອອກແຮງງານ ເພື່ອໃຫ້ຜູ້ອອກແຮງງານປະກອບສຳນວນການໄດ້ຮັບປະກັນວ່າງງານໃຫ້ຄົບຖ້ວນຕາມລະບຽບການ. ລະດັບການປັບໄໝແຕ່ 1 – 3 ລ້ານດົ້ງ (ວັກ 3 ມາດຕາ 39). ກ່ອນນີ້ລະດັບການປັບໄໝແຕ່ 5 ແສນ - 1 ລ້ານດົ້ງ.
-ການເຮັດປອມ, ເຮັດຜິດລະບຽບເນື້ອໃນສຳນວນການໄດ້ຮັບປະກັນສັງຄົມ, ປະກັນໄພວ່າງງານ ເພື່ອຫາຜົນປະໂຫຍດຈາກລະບອບປະກັນສັງຄົມ, ປະກັນໄພວ່າງງານ ແຕ່ບໍ່ເຖິງລະດັບຄວາມຮັບຜິດຊອບທາງອາຍາ ສຳລັບແຕ່ລະສຳນວນການໄດ້ຮັບປະກັນສັງຄົມ, ປະກັນໄພວ່າງງານທີ່ເຮັດປອມ, ເຮັດຜິດລະບຽບເນື້ອໃນ. ລະດັບການປັບໄໝແຕ່ 10 – 20 ລ້ານດົ້ງ/ສຳນວນທີ່ລະເມີດ ແຕ່ສູງສຸດແມ່ນ 75 ລ້ານດົ້ງ (ວັກ 2 ມາດຕາ 40). ກ່ອນນີ້ລະດັບການປັບໄໝແຕ່ 5 - 10 ລ້ານດົ້ງ.
ວິລະຊົນ
