ໂດຍກ່ຽວຂ້ອງເຖິງສະພາບການປົກປ້ອງພົນລະເມືອງຢູ່ຢູແກຣນ, ໜ່ວຍປະຕິບັດງານປົກປ້ອງພົນລະເມືອງ ລວມມີບັນດາຫົວໜ່ວຍທີ່ກ່ຽວຂ້ອງຂອງກະຊວງການຕ່າງປະເທດຫວຽດນາມ ໄດ້ສົມທົບກັບອົງການຜູ້ຕາງໜ້າ ຫວຽດນາມ ຢູ່ຢູແກຣນ ແລະບັນດາປະເທດໃກ້ຄຽງ ສືບຕໍ່ຜັນຂະຫຍາຍການ ເຄື່ອນໄຫວໜູນຊ່ວຍຊາວຫວຽດນາມ ຍ້າຍໄປຍັງເຂດປອດໄພ, ອອກຈາກເຂດມີການປະທະກັນ.
 |
| ພະນັກງານສະຖານທູດຫວຽດນາມ ໜູນຊ່ວຍພໍ່ແມ່ປະຊາຊົນໄປລີ້ໄພຢູ່ Lviv, ຢູແກຣນ. ພາບ: ກະຊວງການຕ່າງປະເທດຫວຽດນາມ ສະໜອງ. |
ຕາມບັນດາອົງການຜູ້ຕາງໜ້າຫວຽດນາມແລ້ວ, ໄລ່ຮອດຕອນບ່າຍວັນທີ 2 ມີນາ (ຕາມເວລາຫວຽດນາມ), ປະຊາຊົນສ່ວນຫຼາຍຢູ່ Kiev ແລະ Odessa, ປະຊາຊົນຢູ່ Kharkov ຫຼາຍຮ້ອຍຄົນ ໄດ້ຍົກຍ້າຍອອກຈາກເຂດ, ໄດ້ ແລະ ພວມໄດ້ຮັບການຈັດສົ່ງໄປບັນດາປະເທດໃກ້ຄຽງ. 140 ຄົນໄດ້ອອກຈາກ ຢູແກຣນ ໄປປະເທດໂປໂລຍ ແລະປະຈຸບັນຢູ່ Warsaw, 70 ຄົນໄດ້ໄປຍັງ ຣູມານີ, ປະມານ 220 ຄົນໄດ້ໄປ ໂມນດາວີ ແລະຫຼັງຈາກນັ້ນຈະຈັດສົ່ງໄປຍັງ ຣູມານີ, ປະມານ 30 ຄົນໄດ້ໄປເຖິງ ຮຸງກາຣີ. ກະຊວງການຕ່າງປະເທດ ແລະບັນດາກະຊວງ, ຂະແໜງການທີ່ກ່ຽວຂ້ອງໄດ້ລາຍງານແຜນການນໍາພົນລະເມືອງ ຫວຽດນາມ ໄປລີ້ໄພຕໍ່ນາຍົກລັດຖະມົນຕີ ແລະຈະສົມທົບກັບສາຍການບິນຈັດຕັ້ງຖ້ຽວບິນກັບຄືນເມືອປະເທດ ຕາມຂັ້ນຕອນທີ່ເໝາະສົມກັບສະພາບຕົວຈິງໂດຍໄວ.
ບູນມີ
