ທີ່ກອງປະຊຸມ, ທ່ານ ຫງວຽນວັນເກິ້ນ, ປະທານສະມາຄົມມິດຕະພາບ ຫວຽດນາມ-ກໍາປູເຈຍ ນະຄອນເກິ່ນເທີ ໃຫ້ຮູ້ວ່າ ປີ 2021, ໃນສະພາບ ພະຍາດໂຄວິດ-19 ລະບາດ, ສະຫະພັນເກິ່ນເທີ ແລະສະມາຄົມ ໄດ້ປະຕິບັດ ບັນດາການເຄື່ອນໄຫວໜູນຊ່ວຍ, ຊ່ວຍເຫຼືອໃຫ້ປະຊາຊົນກໍາປູເຈຍ. ປີ 2022, ສະມາຄົມ ຈະສຸມໃສ່ສົມທົບກັນຈັດຕັ້ງປະຕິບັດບັນດາການເຄື່ອນໄຫວ ມຸ່ງໄປເຖິງການສະເຫຼີມສະຫຼອງ 55 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ກຳປູເຈຍ (24 ມິຖຸນາ 1967 - 24 ມິຖຸນາ 2022) ແນໃສ່ຮັດແໜ້ນ ສາຍພົວພັນມິດຕະພາບປະຊາຊົນສອງປະເທດ.
 |
| ແຂວງເກິ່ນເທີ ຊຸກຍູ້ນໍ້າໃຈສາມັກຄີ, ມິດຕະພາບຫວຽດນາມ - ກຳປູເຈຍ. ພາບ: thoidai.com.vn |
ກ່າວຄໍາເຫັນທີ່ກອງປະຊຸມ, ທ່ານນາງ ເລທິແທັງຢາງ ປະທານສະຫະພັນ ເກິ່ນເທີ ຮັບຮູ້ ແລະຕີລາຄາສູງການປະກອບສ່ວນຂອງສະມາຄົມ ໃນໄລຍະຜ່ານມາ, ພ້ອມທັງໃສ່ໃຈໃນປີ 2022, ສະມາຄົມ ຈະມີຫຼາຍເຫດການສຳຄັນ, ເປັນຂີດໝາຍສາຍພົວພັນລະຫວ່າງຫວຽດນາມ ແລະປະຊາຊົນບັນດາປະເທດ, ໃນນັ້ນມີປະຊາຊົນກຳປູເຈຍ; ພ້ອມທັງປາດຖະໜາວ່າ ບັນດາສະມາຄົມສະມາຊິກ, ສະມາຊິກ, ພິເສດແມ່ນສະມາຄົມມິດຕະພາບຫວຽດນາມ-ກໍາປູເຈຍ ຈະສືບຕໍ່ປັບປຸງ, ເສີມຂະຫຍາຍບົດບາດ, ຄວາມຮັບຜິດຊອບຂອງຕົນໃຫ້ດີກວ່າອີກ ເພື່ອປະຕິບັດສຳເລັດໜ້າທີ່ໄດ້ມອບໝາຍໃຫ້.
ບູນມີ
