| ຫວຽດນາມ ສືບຕໍ່ຊຸກຍູ້ການພົວພັນລະຫວ່າງ ຫວຽດນາມ - ຟີລິບປິນ ແລະ ສາຍພົວພັນລະຫວ່າງ ຫວຽດນາມ - ສິງກະໂປ | |
| ຫວຽດນາມ ເພີ່ມທະວີການພົວພັນດ້ານປ້ອງກັນຊາດກັບ ສິງກະໂປ |
ສາດສະດາຈານ Singh ປະກອບຄຳເຫັນວ່າ ບັນດາການນຳຫວຽດນາມ ແລະ ສິງກະໂປ ໄດ້ມີການພັດທະນາສາຍພົວພັນການທູດສອງຝ່າຍທີ່ໄດ້ສ້າງຕັ້ງປີ 1973 ຂຶ້ນເປັນຄູ່ຮ່ວມມືຍຸດທະສາດໃນປີ 2013. ສອງປະເທດກຳລັງກ້າວສູ່ສາຍພົວພັນອັນໜຶ່ງທີ່ພິເສດຮ່ວມກັຍສາຍພົວພັນສ່ວນຕົວອັນດີງາມລະຫວ່າງປະທານປະເທດ ຫງວຽນຊວນຟຸກ ແລະ ນາຍົກລັດຖະມົນຕີສິງກະໂປ ຫຼີຊຽນຫຼົງ. ໃນທ່າມກາງສະພາບການແຜ່ລະບາດພະຍາດໂຄວິດ-19 ແລະ ບາງປັດໃຈອື່ນໆ, ການຢ້ຽມຢາມຄັ້ງນີ້ມີຄວາມໝາຍສຳຄັນຫຼາຍ ເປັນການຮັບປະກັນຄືນຍຸດທະສາດລະຫວ່າງສອງປະເທດ.
 |
| ທ່ານປະທານປະເທດຫວຽດນາມ ຫງວຽນຊວນຟຸກ (ພາບ: TTXVN) |
ສາດສະດາຈານ Singh ເນັ້ນໜັກສາຍພົວພັນຄູ່ຮ່ວມມືຍຸດທະສາດ ເປັນສາຍພົວພັນກວມລວມ, ແໜ້ນແຟ້ນຫຼາຍ ແລະ ສຳຄັນກວ່ານັ້ນຄືຕ້ອງເຊື່ອໝັ້ນເຊິ່ງກັນແລະກັນ. ນັບແຕ່ປີ 2013 ຮອດປັດຈຸບັນ ສອງຝ່າຍໄດ້ມີການພົວພັນອັນແໜ້ນແຟ້ນທາງດ້ານການເມືອງ, ເສດຖະກິດ ແລະ ທາງດ້ານຍຸດທະສາດ. ຫວຽດນາມ ແລະ ສິງກະໂປ ເປັນເພື່ອນທີ່ດີທີ່ສຸດໃນສະຫະພັນບັນດາປະຊາຊາດອາຊຽນ. ສອງຊາດເປັນຄູ່ຮ່ວມມືທີ່ດີທີ່ສຸດ ແລະ ສຳຄັນທີ່ສຸດຂອງກັນແລະກັນ ໃນຂົງເຂດການລົງທຶນໂດຍກົງຂອງຕ່າງປະເທດ ແລະ ການຄ້າສອງຝ່າຍ. ຫວຽດນາມ ແລະ ສິງກະໂປລ້ວນແຕ່ເຂົ້າຮ່ວມສົນທິສັນຍາການຮ່ວມມືປ້ອງກັນປະເທດ ແລະ ຢູ່ໃນລະດັບຫຼາຍຝ່າຍທີ່ກວ້າງຂວາງກວ່າທາງດ້ານການຕ້ານການກໍກະບົດ ຫຼື ກອງປະຊຸມວົງແຄບລັດຖະມົນຕີກະຊວງປ້ອງກັນຊາດໃນບັນດາປະເທດອາຊຽນ (ADMM). ກອງປະຊຸມກະຊວງປ້ອງກັນຊາດເປີດກວ້າງຂອງອາຊຽນ (ADMM+)..
ສິງກະໂປ ແລະ ຫວຽດນາມ ມີຄວາມເປັນເອກະພາບກ່ຽວກັບບັນຫາທະເລຕາເວັນອອກ, ມີຄວາມເປັນໜຶ່ງດຽວທາງທັດສະນະ, ຄວາມຮັບຮູ້, ຄວາມເຊື່ອໃຈໃນຄວາມເປັນລະບຽບຮຽບຮ້ອຍ ໂດຍອີງຕາມກົດໝາຍລະບຽບການ, ໃນນັ້ນ ສົນທິສັນຍາສະຫະປະຊາຊາດກ່ຽວກັບກົດໝາຍທາງທະເລ (UNCLOS) ປີ 1982. ສາດສະດາຈານຍັງລະບຸຢ່າງຊັດເຈນບັນຫາທະເລຕາເວັນອອກແມ່ນຄ້າງຄາມາແຕ່ດົນນານ ແລະ ໜຶ່ງໃນບັນດາບຸລິມະສິດໃນປັດຈຸບັນແມ່ນເຮັດແນວໃດເພື່ອຫຼີກຫຼ່ຽງຄວາມຂັດແຍ່ງຢູ່ພາກພື້ນສຳຄັນນີ້ຂອງໂລກ.
ຫວຽດນາມ ແລະ ສິງກະໂປ ສາມາດຮັກສາການພົວພັນໄດ້ດີກວ່າກັບອາເມລິກາ, ຍີ່ປຸ່ນ, ອິນເດຍ, ລັດເຊຍ ແລະ ຈີນ. ສາດສະດາຈານ Singh ເຊື່ອໝັ້ນວ່າສອງປະເທດຈະບັນລຸໄດ້ຜົນປະໂຫຍດທີ່ສູງສຸດ ຖ້າການຮ່ວມມືນຳກັນດ້ວຍການໃຫ້ບຸລິມະສິດສູງສຸດທາງດ້ານຄວາມສະຫງົບຂອງຊາດ, ການພັດທະນາເສດຖະກິດ, ຄວາມໝັ້ນຄົງ ແລະ ຄວາມເປັນລະບຽບຮຽບຮ້ອຍອັນກວ້າງຂວາງກວ່າຂອງພາກພື້ນອາຊຽນ.
ການຢ້ຽມຢາມຂອງປະທານປະເທດ ຫງວຽນຊວນຟຸກ ແມ່ນແນໃສ່ຮັບປະກັນຄືນ ແລະ ຢັ້ງຢືນຄືນການພັວພັນຮ່ວມມືອັນສະໜິດແໜ້ນທາງດ້ານການເມືອງ, ເສດຖະກິດ ແລະ ຍຸດທະສາດ. ການຢ້ຽມຢາມຄັ້ງນີ້ເປັນຂໍ້ຄວາມທີ່ສົ່ງເຖິງໂລກເວົ້າລວມ ແລະ ເວົ້າສະເພາະແມ່ນອາຊຽນ ຮູ້ວ່າເຖິງໃນສະພາບການແຜ່ລະບາດພະຍາດໂຄວິດ-19, ໃນຍຸກຂອງຄວາມບໍ່ແນ່ນອນທາງການເມືອງ ພິເສດແມ່ນທາງດ້ານເສດຖະກິດ ແລະ ສາທາລະນະສຸກນັ້ນ, ສອງປະເທດຍັງຄົງພ້ອມກັນກ້າວໄປຂ້າງໜ້າ, ເພີ່ມທະວີການພົວພັນສອງຝ່າຍບົນຄວາມເຊື່ອໝັ້ນເຊິ່ງກັນແລະກັນ.
ສາດສະດາຈານ Singh ໃຫ້ຊາບວ່າ ທັງສອງປະເທດລ້ວນແຕ່ມີວິທີທາງນຳເອົາຜົນປະໂຫຍດມາໃຫ້ກັນ, ສິ່ງນີ້ໄດ້ສະແດງອອກຜ່ານຈຳນວນຕົວເລກເຂດອຸດສາຫະກຳສິງກະໂປຢູ່ຫວຽດນາມ, ທັງຫວຽດນາມ ແລະ ສິງກະໂປກຳລັງມຸ້ງຫວັງການພົວພັນສອງຝ່າຍເພື່ອຮ່ວມກັນກາຍເປັນໜຶ່ງໃນບ່ອນອີງຂອງອາຊຽນທາງດ້ານການພົວພັນການເມືອງ, ເສດຖະກິດ ແລະ ຍຸດທະສາດ. ສາດສະດາຈານ Singh ຫວັງວ່າ ບັນດາການນຳຂອງສິງກະໂປ ຈະມີການຢ້ຽມຢາມຫວຽດນາມໃນມໍ່ນີ້ ພ້ອມກັນເນັ້ນໜັກເຖິງແມ່ນວ່າມີຄວາມຫຍຸ້ງຍາກ ແລະ ແຕກຕ່າງ ແຕ່ສາຍພົວພັນລະຫວ່າງຫວຽດນາມ ແລະ ສິງກະໂປ ຍັງຖືກຊຸກຍູ້ດ້ວຍຄວາມເຊື່ອໝັ້ນເຊິ່ງກັນແລະກັນ.
ວິລະຊົນ
