| ຮູບພາບວັດເຮືອງ ກຽມພ້ອມຕ້ອນຮັບແຂກທ່ອງທ່ຽວຢ່າງເປັນທາງການ | |
| ທ່າອ່ຽງຫັນເປັນດີຈີຕອນ ຊຸກຍູ້ເສດຖະກິດ ຫວຽດນາມ ເຕີບໂຕ |
 |
| ພາບປະກອບ |
ບໍ່ພຽງແຕ່ເພີ່ມຂຶ້ນດ້ານປະລິມານເທົ່ານັ້ນ, ປີ 2021 ເປັນຂີດໝາຍແຫ່ງການຫັນປ່ຽນຂອງກະແສທຶນ FDI ເມື່ອຄຸນນະພາບການລົງທຶນນັບມື້ນັບເພີ່ມຂຶ້ນ. ໂຄງການໃນຂົງເຂດເຕັກໂນໂລຊີ, ການປຸງແຕ່ງ, ການຜະລິດ, ພະລັງງານ ເພີ່ມຂຶ້ນກາຍເປັນອັນດັບໜຶ່ງ.
ທຶນ FDI ເຂົ້າຫວຽດນາມ ຍັງປະກົດມີບັນດາໂຄງການທີ່ມີຄຸນນະພາບສູງ, ທ່າອ່ຽງສີຂຽວ, ນຳໃຊ້ພະລັງງານທົດແທນ. ພົ້ນເດັ່ນແມ່ນ ເດືອນທັນວາ 2021, ກຸ່ມບໍລິສັດ LEGO (ເດນມາກ) ໄດ້ລົງນາມໃນບົດບັນທຶກຄວາມເຂົ້າໃຈການຮ່ວມມືກັບບໍລິສັດຮ່ວມທຸລະກິດ ເຂດອຸດສາຫະກຳຫວຽດນາມ - ສິງກະໂປ (VSIP) ຈໍາກັດ ເພື່ອກໍ່ສ້າງໂຮງງານໃໝ່ຢູ່ຫວຽດນາມ. ນີ້ແມ່ນໂຮງງານທີ່ເປັນກາງກາກບອນແຫ່ງທຳອິດຂອງ LEGO ແລະ ມີການລົງທຶນໃນການຜະລິດພະລັງງານແສງຕາເວັນ, ຮັບປະກັນບໍ່ໃຫ້ມີມົນລະພິດຕໍ່ສິ່ງແວດລ້ອມ, ຝຸ່ນຄວັນ ແລະ ສິ່ງເສດເຫຼືອ.
ມີກຸ່ມບໍລິສັດໃຫຍ່ຫຼາຍແຫ່ງໄດ້ ແລະ ພວມ ເປີດກວ້າງໂຄງການຢູ່ຫວຽດນາມ ພາຍຫຼັງປະສົບຜົນສຳເລັດກ່ຽວກັບທຸລະກິດ. ໃນນັ້ນ, ມາຮອດປະຈຸບັນ, ບໍລິສັດ LG Display Vietnam ຈໍາກັດ ໄດ້ເພີ່ມທຶນລົງທຶນ 4 ເທົ່າ ເພື່ອເພີ່ມທະວີປະລິມານການຜະລິດໜ້າຈໍ OLED ແບບພາດສະຕິກໃຫ້ບັນດາຜະລິດຕະພັນມືຖືເປັນຈຳນວນ 13-14 ລ້ານຜະລິດຕະພັນຕໍ່ເດືອນ ແລະ ສ້າງວຽກເຮັດງານທຳຕື່ມອີກ 10.000 ວຽກງານ…
ໄຊພອນ
