| ທ່ານປະທານປະເທດ ຫງວຽນຊວັນຟຸກ ອວຍພອນບຸນເຕັດຢູ່ນະຄອນ ດ່ານັ້ງ | |
| ທ່ານປະທານປະເທດ ຫວຽດນາມ ຫງວຽນຊວັນຟຸກ: ທົ່ວສັງຄົມສະຫງວນສິ່ງທີ່ດີທີ່ສຸດໃຫ້ແກ່ເດັກເພື່ອອະນາຄົດຂອງປະເທດຊາດ |
 |
| ທ່ານປະທານປະເທດຫວຽດນາມ ຫງວຽນຊວັນຟຸກ ກ່າວຄຳເຫັນທີ່ກອງປະຊຸມ (ພາບ: TTXVN) |
ກ່າວຄຳເຫັນທີ່ວາລະປະຊຸມ, ທ່ານປະທານປະເທດຫວຽດນາມ ຫງວຽນຊວັນຟຸກ ຢືນຢັນຄວາມມານະພະຍາຍາມຢ່າງໃຫຍ່ຫຼວງຂອງທົ່ວພັກ, ທົ່ວກອງທັບ ແລະ ທົ່ວປວງຊົນ ທີ່ໄດ້ປະກອບສ່ວນເຂົ້າໃນການສ້າງຜົນງານໃນຮອບເວລາ 10 ປີ ແຫ່ງການປະຕິບັດມະຕິທີ່ສຳຄັນນີ້. ຕາມນັ້ນແລ້ວ, ໄດ້ສຸມໃສ່ສ້າງບັນດາລະບອບລະບຽບການພັດທະນາ, ປັບປຸງ, ເສີມຂະຫຍາຍກຳລັງແຮງຂອງກຸ່ມກ້ອນມະຫາສາມັກຄີທົ່ວປວງຊົນທັງຊາດ. ເປັນເຈົ້າການໄປກ່ອນ, ຮັບເອົາ, ກຳແໜ້ນສະພາບການ, ບໍ່ປະໃຫ້ຕົກຢູ່ໃນທ່າຮັບ ແລະ ເໜືອການຄາດໝາຍ; ເດັດດ່ຽວ, ຢຶດໝັ້ນຕໍ່ການປົກປັກຮັກສາເອກະລາດ, ອະທິປະໄຕ, ເອກະພາບ ແລະ ຜືນແຜ່ນດິນອັນຄົບຖ້ວນຂອງຊາດ; ປົກປ້ອງພັກ, ລັດ, ປະຊາຊົນ ແລະ ລະບອບສັງຄົມນິຍົມ, ຮັບປະກັນຄວາມສະຫງົບປອດໄພ ແລະ ຄວາມເປັນລະບຽບຮຽບຮ້ອຍໃນທົ່ວສັງຄົມ; ຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບ ແລະ ພັດທະນາ.
ພ້ອມດຽວກັນນັ້ນ, ການພົວພັນຕ່າງປະເທດກໍໄດ້ຮັບການເພີ່ມທະວີ; ກໍ່ສ້າງກຳລັງຕຳຫຼວດປະຊາຊົນປະຕິວັດ, ເປັນກຳລັງຫຼວງ, ຍອດຢ້ຽມ, ທັນສະໄໝເທື່ອລະກ້າວ; ບັນດາເຫຼົ່າທັບ, ເຫຼົ່າຮົບ ນັບມື້ນັບຕອບສະໜອງຕາມຄວາມຮຽກຮ້ອງຕ້ອງການຂອງສະພາບການໃໝ່ໄດ້ເປັນຢ່າງດີກວ່າ… ພິເສດ, ກຳລັງປະກອບອາວຸດ, ໂດຍກົງແມ່ນກອງທັບ ແລະ ຕຳຫຼວດ ໄດ້ເຕີບໃຫຍ່ເຂັ້ມແຂງ ນັບທັງດ້ານຄຸນນະພາບ ແລະ ປະລິມານ, ແມ່ນກຳລັງຫຼັກແຫຼ່ງແກ່ນສານໃນການປົກປັກຮັກສາປະເທດຊາດ.
ທ່ານປະທານປະເທດສະເໜີຄວນເພີ່ມເຕີມ, ປະຕິບັດສຳເລັດຂໍ້ກຳນົດການເຮັດວຽກ, ບັນດາຮ່າງເອກະສານ ເພື່ອຮັບເອົາຄຳເຫັນຂອງບັນດາສະມາຊິກຄະນະຊີ້ນຳ, ເປັນຕົ້ນແມ່ນບັນດາຄຳເຫັນ, ທັດສະນະໃໝ່, ບັນດາບັນຫາໃໝ່, ກຳນົດແຜນຮ່າງສະຫຼຸບມະຕິຂອງກອງປະຊຸມໃຫຍ່ຄັ້ງທີ 8 ຄະນະບໍລິຫານງານພັກກອມມູນິດ ຫວຽດນາມ ຊຸດທີ XI ແມ່ນສຳຄັນທີ່ສຸດ, ດັ່ງນັ້ນ ຕ້ອງມີເນື້ອໃນຢ່າງແທດຈິງ.
ບຸນຄົງ
