| ມອບປຶ້ມຝາກເງິນປະຢັດກຳມະບານຫວຽດນາມ ໃຫ້ເດັກກໍາພ້າທີ່ມີພໍ່ແມ່ທີ່ເສຍຊີວິດ ຍ້ອນພະຍາດໂຄວິດ -19 | |
| ຫວຽດນາມ ມີ “ໂຮງຮຽນ Microsoft ທີ່ພົ້ນເດັ່ນ ” ສາມແຫ່ງ |
ຕາມຂໍ້ມູນທີ່ປະກາດໂດຍ FPT Corporation, ໂຮງຮຽນປະຖົມ, ໂຮງຮຽນມັດທະຍົມຕອນຕົ້ນ, ແລະ ໂຮງຮຽນມັດທະຍົມຕອນປາຍ ຮີ່ວ້ອງ (ໂຮງຮຽນ ຮີ່ວ້ອງ) ໄດ້ຕ້ອນຮັບນັກຮຽນ ເຂົ້າໂຮງຮຽນແຕ່ວັນທີ 7 ກຸມພາ 2022.
ໂຮງຮຽນດັ່ງກ່າວ ໄດ້ຮັບການກໍ່ສ້າງຢູ່ເຂດຕົວເມືອງ FPT City ດານັງ (ນະຄອນດ່ານັງ) ເພື່ອບຳລຸງສ້າງ ແລະ ລ້ຽງດູນັກຮຽນທີ່ສູນເສຍພໍ່ແມ່ ຍ້ອນໂລກລະບາດໂຄວິດ-19 ດ້ວຍຄວາມປາດຖະໜາຢາກແບ່ງປັນ, ຮັກແພງ, ຍົກສູງບາດກ້າວທີ່ເຕີບໃຫຍ່ໃຫ້ແກ່ເດັກນ້ອຍ.
 |
| ໂຮງຮຽນ ຮີ່ວ້ອງ ເລີ່ມຕ້ອນຮັບນ້ອງນັກຮຽນກຳພ້າ ຍ້ອນພະຍາດໂຄວິດ-19. (ພາບ: vietnamplus) |
ດ້ວຍການສົມທົບຂອງບັນດາຫົວໜ່ວຍ, ອົງການຈັດຕັ້ງ, ໃນໄລຍະທີ່ຜ່ານມາ, ໂຮງຮຽນ ຮີ່ວ້ອງ ໄດ້ສຶກສາບັນດາກໍລະນີທີ່ຕ້ອງການໜູນຊ່ວຍ ແລະ ໄດ້ປະຕິບັດສຳເລັດຂັ້ນຕອນໃນການຮັບເອົານັກຮຽນປະຖົມ ຄັ້ງທຳອິດ ເພື່ອເບິ່ງແຍງດູແລຢູ່ສາຂາ ດ່ານັ້ງ.
ຄາດວ່າໃນສົກຮຽນທຳອິດນີ້ ຈະຮັບນັກຮຽນ 300 ຄົນ ແລະ ຍັງຈະສືບຕໍ່ຮັບເອົາຕາມແຜນການທີ່ຈະລ້ຽງດູເດັກນ້ອຍ 1.000 ຄົນ. ການກະກຽມສິ່ງອໍານວຍຄວາມສະດວກ, ບຸກຄະລາກອນ ແລະຫຼັກສູດການສອນ, ການດູແລອຸປະຖໍາ ແມ່ນກຽມພ້ອມເພື່ອຕອບສະຫນອງຄວາມຕ້ອງການທັງຫມົດ ໃນການດໍາລົງຊີວິດ ແລະ ການຮ່ຳຮຽນຂອງເດັກນ້ອຍ.
ທ່ານປະທານ FPT ເຈື່ອງຢາບິງ ໄດ້ສົ່ງສານເຖິງລູກຫຼານໃນວັນເຂົ້າໂຮງຮຽນ ວ່າ: “ໂຮງຮຽນ ຮີ່ວ້ອງ ແມ່ນໂຮງຮຽນແຫ່ງຄວາມຮັກແພງ. ນີ້ແມ່ນຄວາມຮັກແພງຂອງຄູອາຈານ, ຄວາມຮັກແພງຂອງອ້າຍນ້ອງ, ນັກຮຽນໃນໂຮງຮຽນ ມີທີ່ສະຖານະການດຽວກັນ; ແມ່ນຄວາມຮັກແພງຂອງປະຊາຊົນ ໃນກອງທຶນແຫ່ງຄວາມຫວັງ, ສະມາຊິກຂອງຄອບຄົວ FPT ແລະ ນ້ຳໃຈຄວາມເມດຕາໃນຊຸມຊົນ".
ຄຳຮຸ່ງ
