| ທ່ານປະທານປະເທດ ຫວຽດນາມ ຫງວຽນຊວັນຟຸກ: ທົ່ວສັງຄົມສະຫງວນສິ່ງທີ່ດີທີ່ສຸດໃຫ້ແກ່ເດັກເພື່ອອະນາຄົດຂອງປະເທດຊາດ | |
| ທ່ານ ປອ ຄົນຫວຽດນາມ ຍາດໄດ້ລາງວັນສາກົນ ດ້ານເຕັກໂນໂລຊີການພິມ 3D |
 |
| ປະທານປະເທດ, ທ່ານປະທານປະເທດ ຫວຽດນາມ ຫງວຽນຊວນຟຸກ ໄດ້ຕ້ອນຮັບ ທ່ານນາງ ປອ Kusumi Mari, ປະທານບໍລິສັດ ການສຶກສາທາງການແພດ ຈຳກັດ ຍີ່ປຸ່ນ. ພາບ: TTXVN |
ທ່ານປະທານປະເທດ ຫວຽດນາມ ຫງວຽນຊວນຟຸກ ໄດ້ສະແດງຄວາມຊົມເຊີຍ ທ່ານນາງ Kusumi Mari, ປະທານບໍລິສັດ ການສຶກສາທາງການແພດ ທີ່ໄດ້ລົງທຶນຢູ່ ຫວຽດນາມ ດ້ວຍໂຄງການກ່ຽວກັບໂຮງຮຽນ ແລະ ໂຮງໝໍ; ຕີລາຄາສູງຄວາມຕັດສິນໃຈຂອງ ທ່ານ ປອ Kasumi Mari ໃນການກໍ່ສ້າງໂຮງໝໍ.
ທ່ານປະທານປະເທດ ຫວຽດນາມ ຫງວຽນຊວນຟຸກ ໃຫ້ຮູ້ວ່າ ຫວຽດນາມ ແມ່ນປະເທດມີພົນລະເມືອງເກືອບ 100 ລ້ານຄົນ, ສະນັ້ນຄວາມຕ້ອງການກໍ່ສ້າງໂຮງໝໍຕື່ມອີກແມ່ນມີຄວາມຈຳເປັນທີ່ສຸດເພື່ອຮັບໃຊ້ວຽກງານກວດ, ປິ່ນປົວພະຍາດໃຫ້ແກ່ປະຊາຊົນ, ທ່ານປະທານປະເທດ ຫວຽດນາມ ປາດຖະໜາວ່າ ໂຮງໝໍຫຼັງດັ່ງກ່າວຈະໄດ້ນຳເຂົ້າໃຊ້ການໂດຍໄວ ແລະ ໄດ້ຮັບການຖ່າຍທອດເຕັກໂນໂລຢີການແພດທີ່ກ້າວໜ້າຈາກ ຍີ່ປຸ່ນ.
ທ່ານປະທານປະເທດ ຫວຽດນາມ ຫງວຽນຊວນຟຸກ ກໍ່ໃຫ້ຮູ້ວ່າ ປະຈຸບັນ ຫວຽດນາມ ພວມສົ່ງນັກຝຶກອົບຮົມ ແລະ ພະຍາບານ ໄປເຮັດວຽກຢູ່ ຍີ່ປຸ່ນ ເປັນຈຳນວນຫຼວງຫຼາຍ. ນີ້ແມ່ນຂົງເຂດການຮ່ວມມືທີ່ມີຄວາມສາມາດບົ່ມຊ້ອນອັນໃຫຍ່ຫຼວງລະຫວ່າງ 2 ຝ່າຍ. ຢືນຢັນວ່າ ການຮ່ວມມືດ້ານການສຶກສາ, ບຳລຸງສ້າງ ແລະ ຖ່າຍທອດເຕັກໂນໂລຊີ ແມ່ນຄວາມສົນໃຈອັນດັບໜຶ່ງຂອງຫວຽດນາມ, ທ່ານປະທານປະເທດ ຫວຽດນາມ ຫງວຽນຊວນຟຸກ ປາດຖະໜາວ່າ ທ່ານ ປອ. Kusumi Mari ຈະມານະພະຍາຍາມກວ່າອີກ ເພື່ອຊຸກຍູ້ໂຄງການໃຫ້ສຳເລັດໂດຍໄວ.
ທ່ານ ປອ. Kusumi Mari ຢືນຢັນຄວາມຕັດສິນໃຈມານະພະຍາຍາມກໍ່ສ້າງໂຮງໝໍ ຫວຽດນາມ ໂດຍໄວ ແລະ ນຳໃຊ້ບັນດາເຕັກໂນໂລຢີການແພດທີ່ທັນສະໄໝ ກໍ່ຄືເຕັກນິກປິ່ນປົວທີ່ກ້າວໜ້າຂອງຍີ່ປຸ່ນ.
ໄຊພອນ
