| ຄອບຄົວ ຫວຽດນາມ ມີ 4 ລຸ້ນຢູ່ນຳກັນ ເຮັດເຂົ້າໜົມແປ້ງຂາວ ຕ້ອນຮັບບຸນເຕັດປະຈຳຊາດ | |
| ລາຍການ “ບຸນເຕັດຢູ່ເຂດຊາຍແດນ - ອຸ່ນໃຈປະຊາຊົນ” ຢູ່ແຂວງກວ໋າງນາມ |
 |
| ພາບປະກອບ |
ເລີ່ມເດີນທາງຊຸມວັນໃກ້ຈະຮອດບຸນເຕັດ
ທ່ານຮ້ອຍເອກ ວິງດ້າຍ, ກັບຕັນກຳປັ່ນຕຳຫຼວດ 8003 (ກຸ່ມກ່ຳປັ່ນຕຳຫຼວດເລກທີ 111, ຄະນະກ່ຳປັ່ນຕຳຫຼວດເລກ 11 ຕຳຫຼວດທະເລ ເຂດ 1) ໄດ້ເລົ່າສູ່ຟັງວ່າ ບຸນເຕັດປີສະຫຼູ 2021, ຕາມແຜນການແລ້ວ, ກ່ຳປັ່ນຂອງລາວ ຈະປະຕິບັດການລາດຕະເວນໃນທະເລ. ກ່ອນວັນເດີນທາງໄປປະຕິບັດໜ້າທີ່, ບັນດາອ້າຍນ້ອງທີ່ເຂົ້າຮ່ວມການປະຕິບັດງານນີ້ ເກືອບທັງໝົດ ລ້ວນແຕ່ໄດ້ຮັບອະນຸຍາດໃຫ້ພັກປະຈຳປີ ເພື່ອກັບເມືອຫາຄອບຄົວ.
ເພື່ອກະກຽມໃຫ້ແກ່ການເດີນທາງ, ກ່ຳປັ່ນຕ້ອງກະກຽມສະບຽງອາຫານສຳລັບ 45 ວັນຢ່າງຄົບຖ້ວນ. ນອກຈາກສະບຽງອາຫານ, ເຄື່ອງຂອງທີ່ຈຳເປັນແລ້ວ, ໃນຄັ້ງນີ້ ອ້າຍນ້ອງກໍ່ຕ້ອງກະກຽມໃບຕອງ, ຖົ່ວຂຽວ, ເຂົ້າໜຽວ ແລະ ໝູ 2 – 3 ໂຕ ເພື່ອຮອດວັນໃກ້ຈະຮອດບຸນເຕັດ ຈະຫໍ່ເຂົ້າຕົ້ມ, ເຮັດຢໍ່…
ກ່ອນວັນເລີ່ມເດີນທາງ, ການນຳຜູ້ບັນຊາການເຂດ ຈະລົງມອບໜ້າທີ່ ແລະ ພົບປະລະດົມກຳລັງໃຈໃຫ້ແກ່ພະນັກງານ, ນັກຮົບ.
ວັນທີ 20 ເດືອນ 12, ກຳເປັ່ນຈະເດີນທາງອອກຈາກທ່າ ໄປກັບພະນັກງານນັກຮົບ 30 ຄົນ.
ຢູ່ໃນກ່ຳປັ່ນ ພະນັກງານ, ນັກຮົບໄດ້ປະຕິບັດໜ້າທີ່ລາດຕະເວນຢ່າງເຂັ້ມງວດ ແຕ່ແນ່ນ່ອນວ່າ ຜູ້ໃດກໍ່ນັບມື້ນັບວັນ ເມື່ອບຸນເຕັດໃກ້ຈະມາຮອດ. ໃນຊຸມວັນໃກ້ຈະຮອດບຸນເຕັດ, ກຸ່ມພະລາທິການໄດ້ຂ້າໝູເອົາຊີ້ນ ເພື່ອເຮັດໄສ້ຂອງເຂົ້າຕົ້ມ, ຊາວເຂົ້າ, ລ້າງໃບຕອງ, ແຊ່ຖົ່ວຂຽວ, ແລະ ເມື່ອເຂົ້າຕົ້ມໄດ້ຈັດໃສ່ໝໍ້ ແມ່ນບັນຍາກາດບຸນເຕັດກໍໄດ້ແຜ່ຂະຫຍາຍໄປທົ່ວທຸກຊອກທຸກແຈຂອງກ່ຳປັ່ນ.
ນັກຮົບສອງຄົນທີ່ມີຄວາມຄ່ອງແຄ້ວ ໄດ້ກະກຽມງ່າໄມ້ 2 – 3 ອັນ, ແລ້ວເອົາເຈ້ຍຕິດເປັນດອດຄາຍ ແລະ ດອກເໝີຍ. ໃນກ່ຳປັ່ນ ຍ້ອນມີແຕ່ນ້ຳທະເລ, ບໍ່ມີໃຜກ້າຊື້ຕົ້ນດອກໄມ້ແທ້ ດັ່ງນັ້ນ ຕ້ອງເຮັດຕົ້ນໄມ້ດ້ວຍເຈ້ຍ.
ເມື່ອເຂົ້າຕົ້ມສຸກ ແລະ ໄດ້ເອົາອອກຈາກໝໍ້ ພ້ອມກັບຢໍ່ໝູ, ຫ້ອງມູນເຊື້ອກໍ່ໄດ້ຮັບການປະດັບປະດາຢ່າງຮຽບຮ້ອຍ. ມີຄຳຂວັນອັນໜຶ່ງທີ່ມີແຖວຕົວໜັງສື “ອວຍພອນພັກ, ອວຍພອນລະດູບານໃໝ່, ອວຍພອນປະເທດຊາດປ່ຽນແປງໃໝ່” ໄດ້ແຂວນຢູ່ກາງຫ້ອງ.
ຕ້ອນຮັບບຸນເຕັດຢູ່ກາງມະຫາສະໝຸດ
ໂດຍໃກ້ຈະຮອດຈຸດເວລາສົ່ງທ້າຍປີເກົ່າ, ຕ້ອນຮັບປີໃໝ່, ພະນັກງານນັກຮົບ ລວມມີ 10 ຄົນຍັງສືບຕໍ່ປະຕິບັດໜ້າທີ່, 20 ຄົນທີ່ຍັງເຫຼືອໄດ້ເຕົ້າໂຮມກັນຢູ່ຫ້ອງມູນເຊື້ອ. ບັນດາພະນັກງານນັກຮົບຮັບຟັງທ່ານຜູ້ບັນຊາການຕຳຫຼວດທະເລອວຍພອນບຸນເຕັດ. ພາຍຫຼັງຮັບຟັງທ່ານປະທານປະເທດອວຍພອນບຸນເຕັດໃນຊ່ອງໂທລະພາບແລ້ວ ກໍ່ຮອດລາຍການຕ້ອນຮັບບຸນປີໃໝ່ທີ່ໄດ້ຈັດຕັ້ງໃນກ່ຳປັ່ນ. ບັນດາພະນັກງານ, ນັກຮົບ ໄດ້ອວຍພອນກັນປີໜຶ່ງຈົ່ງມີສຸຂະພາບທີ່ເຂັ້ມແຂງ, ປະຕິບັດສຳເລັດໜ້າທີ່ທີ່ໄດ້ຮັບມອບໝາຍ.
ພາຍຫຼັງລາຍການສະແດງສິລະປະ, ບັນດາພະນັກງານນັກຮົບຈະໂທຫາຄອບຄົວ ແລະ ຍາດຕິພີ່ນ້ອງ ເພື່ອອວຍພອນບຸນເຕັດ. ທ່ານພັນຕີ ດ້າຍ ໂດຍແມ່ນລູກຊາຍໃນຄອບຄົວທີ່ມີ ອ້າຍນ້ອງ 4 ຄົນ ແຕ່ທຸກຄົນກໍ່ລ້ວນແຕ່ຢູ່ໄກກັບຄອບຄົວ. ເຮືອນຢູ່ ຮ່າຕິງ ມີແຕ່ພໍ່ແມ່ 2 ຄົນ. ໃນອ້າຍນ້ອງ 4 ຄົນ, ດ້າຍແມ່ນຜູ້ທີ່ຢູ່ໄກກັບພໍ່ແມ່ທີ່ສຸດ ເມື່ອລາວຢູ່ທ່າມກາງທະເລ. ເຖິງວ່າ ມີອາຍຸກ່ວາ 30 ປີແລ້ວກໍ່ຕາມ, ແຕ່ລາວຍັງບໍ່ທັນສ້າງຄອບຄົວ. ລາວແບ່ງປັນວ່າ, ພໍ່ແມ່ກໍ່ປາດຖະໜາວ່າ ຂ້າພະເຈົ້າຈະມີຄົນຮັກ ແລ້ວສ້າງຄອບຄົວ ແຕ່ພໍ່ແມ່ບໍ່ເວົ້າ. ໃນຈຸດເວລາສົ່ງທ້າຍປີເກົ່າ, ຕ້ອນຮັບປີໃໝ່ ພໍ່ແມ່ພຽງແຕ່ເວົ້າວ່າ: ລູກພະຍາຍາມຮັກສາສຸຂະພາບ ແລະ ປະຕິບັດໜ້າທີ່ໃຫ້ເປັນຢ່າງດີເດີ້.
ດ້າຍແບ່ງປັນວ່າ ນີ້ແມ່ນປີທີ່ 3 ຂ້າພະເຈົ້າໄດ້ຕ້ອນຮັບບຸນປີໃໝ່ຢູ່ທະເລ ດັ່ງນັ້ນ ກໍ່ຮູ້ສຶກລຶ້ງແລ້ວ, ແຕ່ໜ້າທີ່ສຳຄັນອື່ນຂອງກັບຕັນກຳປັ່ນ ແມ່ນຮັບຟັງ, ກຳແໜ້ນຈິດໃຈຂອງອ້າຍນ້ອງ, ເປັນຕົ້ນແມ່ນນັກຮົບທີ່ ເປັນຄັ້ງທຳອິດຢູ່ໄກຄອບຄົວ. ບັນດານັກຮົບໜຸ່ມທີ່ແຂງກະດ້າງ, ແຕ່ຮອດເວລາສົ່ງທ້າຍປີເກົ່າຕ້ອນຮັບປີໃໝ່ ກໍ່ມີບາງຄົນຢາກລົມຄວາມໃນໃຈກັນ.
ປີກ່ອນ, ພາຍຫຼັງຕ້ອນຮັບປີໃໝ່, ສົ່ງທ້າຍປີເກົ່າ ກັບຕັນ ດ້າຍ ໄດ້ໄປພົບປະກັນນັກຮົບໃໝ່ແຕ່ລະຄົນໃນຫ້ອງ. ລາວໄດ້ຈັບມື, ອວຍພອນບຸນເຕັດແລ້ວລົມກັນກັບເຂົາເຈົ້າ. ມີນັກຮົບໃໝ່ຄົນໜຶ່ງໄດ້ເລົ່າວ່າ ໃນຈຸດເວລາຢູ່ທ່າມກາງທະເລ, ລາວໄດ້ຄິດຮອດແຟນຢູ່ບ້ານ. ຊຸມປີກ່ອນ, ສອງຄົນມັກພາກັນໄປທ່ຽວຕ້ອນຮັບປີໃໝ່. ປີນີ້, ຖະໜົນຫົນທາງຍັງຄຶກຄຶ້ນໜາແໜ້ນ ແຕ່ທັງສອງຄົນບໍ່ໄດ້ຢູ່ຄຽງຂ້າງກັນ. ພາຍຫຼັງຟັງແລ້ວ, ດ້າຍ ກໍ່ເວົ້ານຳນັກຮົບໜຸ່ມຄົນນັ້ນວ່າ: “ແຟນກັນຜູ້ໃດກໍ່ຢາກຢູ່ນຳກັນໃນຈຸດເວລານີ້, ແຕ່ນັກຮົບຄືພວກເຮົາແມ່ນຄືແນວນັ້ນ. ຍາມໃດກໍ່ມີຄວາມຫຍຸ້ງຍາກລຳບາກ, ບັນດາສິ່ງທ້າທາຍທີ່ຕ້ອງຜ່ານຜ່າ. ຈົ່ງລົມນຳແຟນຂອງນ້ອງວ່າ ຄວນຮູ້ສຶກເອກອ້າງທະນົງໃຈຍ້ອນເພິ່ນມີແຟນແມ່ນຕຳຫຼວດທະເລ. ພາຍຫຼັງການໄປປະຕິບັດງານນີ້, ເມື່ອກ່ຳປັ່ນເຂົ້າທຽບທ່າ ຂ້ອຍຈະສະເໜີກັບຂັ້ນເທິງເພື່ອອະນຸຍາດໃຫ້ນ້ອງພັກປະຈຳປີທັນທີ. ເວລານັ້ນ, ລະດູບານໃໝ່ທີ່ແທ້ຈິງຈະມາເຖິງພວກນ້ອງ…”
ແຕ່ຮຸ່ງເຊົ້າວັນທີ 1 ບຸນເຕັດ, ກ່ຳປັ່ນສືບຕໍ່ປະຕິບັດໜ້າທີ່ລາດຕະເວນ. ນອກຈາກການປະຕິບັດໜ້າທີ່, ບັນດານັກຮົບຍັງຢຶ້ຢາມຖາວຂ່າວອວຍພອນບຸນເຕັດກ່ຳປ່ັນຂອງພໍ່ແມ່ປະຊາຊົນຊາວປະມົງ ທີ່ໄປຫາປາຍາມຕົ້ນປີ. ແຕ່ລະກ່ຳປັ່ນກໍ່ໄດ້ຮັບເຂົ້າຕົ້ມ, ເຂົ້າໜົມເລັກໆນ້ອຍໆພ້ອມກັບຄຳອວຍພອນປີໃໝ່ ແຕ່ກໍ່ຊ່ວຍໃຫ້ນັກຮົບຕຳຫຼວດທະເລ ແລະ ຊາວປະມົງຮູ້ສຶກອົບອຸ່ນໃຈສ່ວນໃດສ່ວນໜຶ່ງຍາມຕົ້ນປີໃໝ່.
ບຸນຄົງ
