ສະຫວັນນະເຂດ ກຳນົດແຜນພັດທະນາເສດຖະກິດ ແລະ ຕ້ານປະກົດການຫຍໍ້ທໍ້

ທ່ານ ປອ.ໂພໄຊ ໄຊຍະສອນ ຮອງເຈົ້າແຂວງໆສະຫວັນນະເຂດ.

ຈາກການຕີລາຄາໃນ 6 ເດືອນ ຕົ້ນປີ 2019 ກອງປະຊຸມຮັບຮອງ ວ່າ: ແຂວງສະຫວັນນະເຂດ ຍັງມີສະຖຽນລະພາບທາງດ້ານກການ ເມືອງ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍ, ມະຕິກອງປະຊຸມໃຫຍ່ຂອງພັກໄດ້ ຮັບການຈັດຕັ້ງຜັນຂະຫຍາຍ ເຂົ້າໃນແຕ່ລະຂົງເຂດ, ກົງຈັກການ ຈັດຕັ້ງຂອງພັກ ໂດຍສະເພາະຢູ່ ຂັ້ນຮາກຖານໄດ້ຮັບການປັບປຸງ ເປັນແກນນໍາໃນລະບົບການເມືອງ ຢູ່ຮາກຖານ, ຄະນະພັກ, ສະມາຊິກ ພັກ, ພະນັກງານໄດ້ຮັບການປັບ ປຸງກໍ່ສ້າງເພີ່ມຂຶ້ນທາງດ້ານປະ ລິມານ ແລະຄຸນະພາບ, ແຜນ ການພັດທະນາເສດຖະກິດ-ສັງ ຄົມປະຈໍາປີ 2019 ໄດ້ຮັບການຈັດ ຕັ້ງປະຕິບັດຢ່າງຕໍ່ເນື່ອງ, ການຜະ ລິດເປັນສິນຄ້າຂອງປະຊາຊົນ, ຫົວ ໜ່ວຍເສດຖະກິດຂະໜາດນ້ອຍ, ຂະໜາດກາງໄດ້ຮັບການຜະລິດ ແລະຂະຫຍາຍຕົວໄປຕາມຄວາມ ຕ້ອງການຂອງຕະຫລາດແລະ ສັງຄົມເຮັດໃຫ້ເສດຖະກິດ-ສັງ ຄົມຂະຫຍາຍຕົວໃນລະດັບ 1,42% ລວມຍອດຜະລິດຕະພັນພາຍ ໃນບັນລຸໄດ້ 8,207 ຕື້ກີບ ເທົ່າກັບ 43,23% ຂອງແຜນການປີ, ສະ ເລ່ຍໃສ່ຫົວຄົນ 926 ໂດລາສະ ຫະລັດເທົ່າກັບ 42,23%, ພື້ນຖານ ໂຄງລ່າງເສດຖະກິດ-ສັງຄົມໄດ້ ຮັບການກໍ່ສ້າງແລະສ້ອມແປງໄປ ຕາມແຜນການລົງທຶນຂອງລັດໃນ 5 ເດືອນຕົ້ນປີມີທັງໝົດ 3.309,77 ຕື້ກີບ, ເທົ່າກັບ 46,45% ແຜນ ການປີ 7.125,35 ຕື້ກີບ, ສາມາດ ປ ະຕິບັດໄດ້ທັງໝົດ 157 ໂຄງການ, ມູນຄ່າ 65,49 ຕື້ກີບ ເທົ່າກັບ 30,64%;ພື້ນຖານວັດທະນະທໍາ ຮີດຄອງປະເພນີອັນດີງາມຂອງ ປະຊາຊົນບັນດາເຜົ່າໄດ້ຮັບການ ປົກປັກຮັກສາເສີມຂະຫຍາຍ, ການສຶກສາ, ການພັດທະນາຊັບ ພະຍາກອນມະນຸດໄດ້ຮັບການ ສົ່ງເສີມ ແລະພັດທະນາ, ການປະ ຕິບັດນະໂຍບາຍ ຕໍ່ພະນັກງານໄດ້ ຮັບການຈັດຕັ້ງປະຕິບັດຕາມນະໂຍ ບາຍຂອງພັກ-ລັດ, ປະກົດການ ຫຍໍ້ທໍ້ໃນສັງຄົມໄດ້ຮັບການແກ້ໄຂ ຫລຸດລົງເປັນຂັ້ນໆ, ການຄຸ້ມຄອງ ລັດ-ຄຸ້ມຄອງສັງຄົມດ້ວຍກົດ ໝາຍ ໄດ້ຮັບການຈັດຕັ້ງປະຕິບັດ, ການແກ້ໄຂຄະດີ, ຂໍ້ຂັດແຍ່ງຕ່າງໆ ໄດ້ຫັນສູ່ຂະບວນຍຸຕິທໍາ, ການຕັດ ສິນຄະດີແມ່ນຖືກຕາມກົດໝາຍ ອັນໄດ້ເຮັດໃຫ້ສັງຄົມມີຄວາມ ສະຫງົບ.ການພັດທະນາຊົນນະບົດ ແລະແກ້ໄຂຄວາມທຸກຍາກໄດ້ ຮັບການຈັດຕັ້ງປະຕິບັດມີບ້ານ ທຸກຍາກຍັງເຫລືອ 96 ບ້ານ, ຄອບ ຄົວທຸກຍາກ 7.048 ຄອບຄົວ.

ທ່ານ ປອ.ໂພໄຊ ໄຊຍະສອນ ກ່າວຕື່ມວ່າ: ຜ່ານມາກໍ່ຍັງມີຂໍ້ຄົງ ຄ້າງຫລາຍດ້ານເປັນຕົ້ນກໍ່ແມ່ນ ການສຶກສາອົບຮົມແນວທາງນະ ໂຍບານຕ່າງໆຂອງບັນດາຂະ ແໜງການຍັງບໍ່ທັນເລິກເຊິ່ງ, ຄວາມຮັບຮູ້ຂອງຄົນໃນສັງຄົມຍັງ ກໍາບໍ່ໄດ້ແໜ້ນ, ການໂຄສະນາແນວ ທາງປ້ອງກັນຊາດ-ປ້ອງກັນ ຄວາມສະຫງົບຍັງບໍ່ທັນໄດ້ເຮັດ ທົ່ວເຖິງ, ການພັດທະນາພື້ນຖານ ໂຄງລ່າງໃຫ້ແກ່ການພັດທະນາ ເສດຖະກິດ-ສັງຄົມຍັງບໍ່ທົ່ວເຖິງ ຄຸນະພາບກໍ່ຕໍ່າ ທຶນນໍາໃຊ້ຈໍາກັດ ການຜະລິດຂອງປະຊາຊົນກໍ່ຍັງບໍ່ທັນຂະຫຍາຍຕົວເທົ່າທີ່ຄວນ ຍັງມີຈໍານວນຫລາຍແມ່ນຍັງບໍ່ເຂົ້າເຖິງ ຕະຫລາດ, ການເກັບລາຍຮັບເຂົ້າ ງົບປະມານຊັກຊ້າ ມີຫລາຍຂັ້ນ ຕອນເຮັດໃຫ້ບໍ່ບັນລຸຕາມແຜນ. ແລະການຂະຫຍາຍຕາໜ່າງການ ສຶກສາ, ສາທາລະນະສຸກ ເຖິງວ່າ ເຮັດໄດ້ດີແຕ່ຄຸນະພາບຕໍ່າລະບົບ ໂທລະຄົມມະນາຄົມ ແລະການສື່ ສານຢູ່ຊົນນະບົດຫ່າງໄກຫລາຍ ບ່ອນບໍ່ທັນທົ່ວເຖິງ, ການສ້າງບ້ານ ວັດທະນະທໍາແລະການພັດທະ ນາບໍລິການດ້ານທ່ອງທ່ຽວຍັງບໍ່ ທັນເຮັດໄດ້ເທົ່າທີ່ຄວນແຕ່ໃນທິດ ທາງແຜນການໃນ 6 ເດືອນກໍ່ຕ້ອງ ໃຫ້ບັນລຸຕາມແຜນທີ່ວາງໄວ້.

ກອງປະຊຸມປຶກສາຫາລື ແລກປ່ຽນບົດຮຽນ ແລະ ຖອດຖອນບົດຮຽນຂອງກະຊວງ ອຄ ແລະ ພະແນກ ອຄສຂ.

ຫຼັງຈາກນັ້ນໜຶ່ງວັນທີ່ພະແນກ ອຸດສາຫະກຳ ແລະ ກາານຄ້າແຂວງສະຫວັນນະເຂດ, ກະຊວງ ອຸດສາຫະກໍາ ແລະການຄ້າ (ອຄ) ຮ່ວມກັບພະແນກອຸດສາ ຫະກໍາ ແລະຄ້າແຂວງສະຫວັນ ນະເຂດ ໄດ້ຈັດກອງປະຊຸມພົບ ປະແລກປ່ຽນບົດຮຽນໃນ​ການ​ຈັດ​ຕັ້ງ​ປະ​ຕິ​ບັດ​ວຽກ​ງານ​ຜ່ານ​ມາ ທີ່ໄດ້ຈັດຂຶ້ນຢູ່ທີ່ຫ້ອງ ປະຊຸມຂອງພະແນກ ອຄ ແຂວງ, ໃຫ້ກຽດເປັນປະທານໃນພິທີ ໂດຍທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງ ອຸດສາຫະກໍາ ແລະການຄ້າ, ທ່ານ ທ່ອນແກ້ວ ພຸດທະໄກຍະລາດ ຮອງເຈົ້າແຂວງ ສະຫວັນນະເຂດ, ທ່ານ ສີທົນ ນັນທະລາດ ຫົວໜ້າພະແນກ ອຸດສາຫະກໍາ ແລະການຄ້າ ແຂວງ, ມີບັນດາຕົວແທນຈາກ ຫ້ອງການ ອຄ ຈາກ 14 ເມືອງ, 1 ນະຄອນ ແລະພະນັກງານ ພາຍໃນພະແນກດັ່ງກ່າວເຂົ້າ ຮ່ວມຢ່າງພ້ອມພຽງ.

ໃນໂອກາດນີ້, ທ່ານ ສີທົນ ນັນທະລາດ ກໍ່ໄດ້ຂຶ້ນຜ່ານບົດ ລາຍງານການຈັດຕັ້ງປະຕິບັດ ວຽກງານໃນໄລຍະ 6 ເດືອນ ຕົ້ນປີ ເຊິ່ງໃຫ້ຮູ້ວ່າ: ໃນ​ໄລ​ຍະ​ຜ່ານ​ມານີ້, ພວກ​ເຮົາໄດ້ເອົາ ໃຈໃສ່ໃນການຊຸກຍູ້ ແລະສົ່ງ ເສີມວຽກງານການນໍາເຂົ້າ-ສົ່ງອອກສິນຄ້າ ເຊິ່ງໃນ 6 ເດືອນຕົ້ນປີ 2019 ນີ້, ທົ່ວ ແຂວງມີມູນຄ່າການຄ້າທັງ ໝົດ 6.973,77 ຕື້ກີບ, ໃນນີ້ມູນ ຄ່າການນໍາເຂົ້າສິນຄ້າທັງໝົດ 4.104,02 ຕື້ກີບ ແລະມູນຄ່າ ການສົ່ງອອກສິນຄ້າບັນລຸໄດ້ ທັງໝົດ 6.411,48 ຕື້ກີບ ສາມາດຕີລາຄາໄດ້ວ່າແຂວງສະຫວັນນະເຂດມີມູນຄ່າທາງດ້ານການຄ້າເກີນດຸນປະມານ 2.562,46 ຕື້ກີບ. ສາເຫດຕົ້ນ ຕໍທີ່ເຮັດໃຫ້ວຽກງານການຄ້າມີການຂະຫຍາຍຕົວເພີ່ມຂຶ້ນ ຍ້ອນວ່າໝວດສິນຄ້າອຸດສາຫະ ກໍາສາມາດສົ່ງອອກໄດ້ຢ່າງ ເປັນປົກກະຕິ ໂດຍສະເພາະຜະ ລິດຕະພັນທີ່ນອນໃນຂົງເຂດ ເສດຖະກິດພິເສດເປັນຕົ້ນ ແມ່ນ: ເຄື່ອງເອເລັກໂຕຣນິກ, ເລນແວ່ນຕາ, ທອງແດງ ແລະ ອື່ນໆ. ນອກຈາກນີ້, ທາງດ້ານວຽກງານອື່ນໆກໍ່ສາມາດປະຕິບັດໄດ້ຕາມທິດທາງແຜນການທີ່ວາງໄວ້ເປັນສ່ວນໃຫຍ່.

ຈາກນັ້ນ, ທ່ານ ນາງ ເຂັມ ມະນີ ພົນເສນາ ກໍ່ໄດ້ໃຫ້ຄໍາໂອ ວາດຕໍ່ຜູ້ທີ່ເຂົ້າຮ່ວມກອງປະ ຊຸມ ໂດຍທ່ານໄດ້ຮຽກຮ້ອງໃຫ້ ທຸກພາກສ່ວນທີ່ກ່ຽວຂ້ອງ ບໍ່ວ່າຈະເປັນການນໍາຂອງ ແຂວງກໍ່ຄື ພະນັກງານພາຍ ໃນຂົງເຂດອຸດສາຫະກໍາ ແລະ ການຄ້າແຂວງຈົ່ງເອົາໃຈໃສ່ ຈັດຕັ້ງປະຕິບັດທຸກມະຕິຄໍາ ສັ່ງທີ່ຂັ້ນສູນກາງໄດ້ວາງ ອອກ, ສືບຕໍ່ປະຕິບັດວຽກງານ ທີ່ຍັງຄົງຄ້າງເປັນຕົ້ນແມ່ນ: ເລື່ອງໄມ້ທີ່ຍັງຄ້າງໃນໂຮງ ງານ, ການຂຶ້ນທະບຽນທຸລະ ກິດຕ່າງໆ, ພ້ອມນີ້, ກໍ່ຕ້ອງ ໄດ້ມີການກວດກາ​ຄືນໂຕເລກ ລາຍຮັບ-ລາຍຈ່າຍລະຫວ່າງ ພະແນກ ອຄ ແຂວງກັບອາ ກອນ ເພື່ອໃຫ້ມີຄວາມຖືກຕ້ອງ ແລະເປັນເອກະພາບກັນ. ນອກຈາກນັ້ນ, ຕ້ອງໄດ້ເອົາ ໃຈໃສ່ປັບປຸງບັນດາຂອດ ຂັ້ນຂອງການດໍາເນີນທຸລະ ກິດ ຫຼືການແລ່ນເອກະສານ ຕ່າງໆໃຫ້ມີຄວາມສະດວກ ວ່ອງໄວ ເພື່ອເປັນການຫຼຸດຄ່າ ໃຊ້ຈ່າຍຂອງ ຜູ້ທີ່ດໍາເນີນທຸລະ ກິດ ແລະທັງເປັນການສົ່ງເສີມ ຜູ້ປະກອບການໜ້າໃໝ່ບໍ່ວ່າ ພາຍໃນ ແລະຕ່າງປະເທດຫັນ ມາລົງທຶນພາຍໃນແຂວງກໍ່ຄື ປະເທດເຮົາໃຫ້ຫຼາຍຂຶ້ນ, ສໍາ ລັບວຽກງານງານການຄຸ້ມ ຄອງລາຄາສິນຄ້າແມ່ນຕ້ອງ ໃຫ້ມີຄວາມຍຸຕິທໍາລະຫວ່າງ ຜູ້ຊື້ ແລະຜູ້ຂາຍເພື່ອຄວາມເທົ່າທຽມກັນຂອງຄົນໃນສັງຄົມ.

（ຫັດ​ທະ​ບູນ）