| ທ່ານປະທານສະພາແຫ່ງຊາດ ເວື່ອງດິ່ງເຫ້ວ ຕ້ອນຮັບບັນດາວິສາຫະກິດ ສ.ເກົາຫຼີ | |
| ທ່ານປະທານສະພາແຫ່ງຊາດຫວຽດນາມ ເວືອງດິ່ງເຫ້ວ ຢ້ຽມຢາມ ສ.ເກົາຫຼີ ແລະ ອິນເດຍ |
 |
| ທ່ານ ຫງວຽນຄັກເທິ້ນ ຮອງເລຂາຄະນະພັກແຂວງ, ປະທານຄະນະກຳມະການປະຊາຊົນແຂວງ ໄທບິ່ງ ກ່າວຄຳເຫັນທີ່ກອງປະຊຸມ (ພາບ: TTXVN) |
ກອງປະຊຸມດຶງດູດໄດ້ການເຂົ້າຮ່ວມຂອງວິສາຫະກິດ ສ.ເກົາຫຼີ ເປັນຈຳນວນຫຼວງຫຼາຍຕາມຮູບແບບທາງໄກສົມທົບໂດຍກົງ. ທີ່ກອງປະຊຸມ, ບັນດາການນຳແຂວງທ໊າຍບິ່ງ ໄດ້ຕອບຄຳຖາມຂອງບັນດານັກລົງທຶນ ສ.ເກົາຫຼີ ທີ່ກ່ຽວຂ້ອງເຖິງການເຊົ່າທີ່ດິນ, ສະໜອງພະລັງງານ, ແຜນການສ້າງພື້ນຖານໂຄງລ່າງ ຢ່າງຄົບຊຸດຄື ເຂດຕົວເມືອງ, ໂຮງໝໍ, ໂຮງຮຽນ, ເຂດລະຫຼິ້ນບັນເທີງທີ່ມີຄຸນນະພາບສູງ ເພື່ອຮັບໃຊ້ບັນດານັກຊ່ຽວຊານ, ນັກລົງທຶນ, ແຜນການໜູນຊ່ວຍຂອງແຂວງທ໊າຍບິ່ງ ສຳລັບຮູບແບບການຮ່ວມມືລະຫວ່າງບັນດາຮາກຖານບຳລຸງສ້າງຊັບພະຍາກອນມະນຸດ ອຸດສາຫະກຳ ແລະ ວິສາຫະກິດກໍ່ຄືບັນດາຄຳເຫັນທີ່ກ່ຽວຂ້ອງເຖິງຜະລິດຕະພັນ, ການນຳເຂົ້າ, ການຂົນສົ່ງສິນຄ້າ, ຜະລິດຕະພັນເຂົ້າມາທ້ອງຖິ່ນ.
ທີ່ກອງປະຊຸມບັນດາວິສາຫະກິດ ສ.ເກົາຫຼີ ໄດ້ມີກາລະໂອກາດແລກປ່ຽນກັບການນຳພະແນກ, ຂະແໜງການ, ຄະນະແຂວງທ໊າຍບິ່ງ ໂດຍກົງ ໃນບັນດາການເຄື່ອນໄຫວເຊື່ອມຕໍ່ ເພື່ອແນໃສ່ພັດທະນາການດຳເນີນທຸລະກິດຢູ່ ຫວຽດນາມ.
ປັດຈຸບັນ, ທ໊າຍບິ່ງ ມີ 24 ໂຄງການຂອງບັນດານັກລົງທຶນ ສ.ເກົາຫຼີ ທີ່ພວມມີການເຄື່ອນໄຫວດຳເນີນທຸລະກິດ, ດ້ວຍຍອດເງິນລົງທຶນຈົດທະບຽບປະມານ 83 ລ້ານ USD. ເຖິງວ່າ ຈຳນວນທຶນຂອງນັກລົງທຶນ ສ.ເກົາຫຼີ ເຂົ້າມາແຂວງທ໊າຍບິ່ງ ໃນປັດຈຸບັນ ຍັງບໍ່ທັນຫຼາຍກໍ່ຕາມ, ແຕ່ວ່າຫວ່າງມໍ່ໆມານີ້ ມີນັກລົງທຶນ ສ.ເກົາຫຼີ ຈຳນວນໜຶ່ງໄດ້ຊອກຫາກາລະໂອກາດ ແລະ ຕັດສິນມາລົງທຶນຢູ່ແຂວງ. ໃນປີ 2021, ໃນສະພາບການໂລກລະບາດໂຄວິດ - 19 ມີການຜັນແປຢ່າງສັບສົນ, ແຂວງທ໊າຍບິ່ງ ຍັງດຶງດູດໄດ້ 5 ໂຄງການລົງທຶນໂດຍກົງຈາກຕ່າງປະເທດ (FDI) ໃໝ່, ດ້ວຍຍອດເງິນລົງທຶນຈົດທະບຽນບັນລຸໄດ້ 420 ລ້ານ USD, ເພີ່ມຂຶ້ນທົບ 7 ເທົ່າເມື່ອທຽບໃສ່ໄລຍະດຽວກັນຂອງປີ 2020.
ບຸນຄົງ
