| ລາຄາຢາງພາລາສົ່ງອອກຂອງຫວຽດນາມເພີ່ມຂຶ້ນ 30% | |
| ສາມຊາດອາຊຽນຫຼຸດການສົ່ງອອກຢາງພາລາ |
 |
| ພາບປະກອບ: haiquanonline |
ຕາມຕົວເລກສະຖິຕິຂອງກົມໃຫຍ່ພາສີ, ໃນ 11 ເດືອນຂອງປີ 2021 ປະເພດຢາງພາລາຊະນິດຕ່າງໆທີ່ສົ່ງອອກສ່ວນຫຼາຍລ້ວນແຕ່ເພີ່ມຂຶ້ນທຽບກັບໄລຍະດຽວກັນໃນປີ 2020. ໃນນັ້ນ ການສົ່ງອອກໄປປະເທດຈີນກວມ 99,4% ປະລິມານສ່ວນປະສົມຢາງພາລາທຳມະຊາດທັງໝົດ ແລະ ຢາງພາລາສັງເຄາະສົ່ງອອກຂອງທົ່ວປະເທດ, ບັນລຸ 1,05 ລ້ານໂຕ່ນ, ມູນຄ່າ 1,74 ຕື້ ໂດລາ USD, ເພີ່ມຂຶ້ນ 6,7% ທາງດ້ານປະລິມານ ແລະ ເພີ່ມຂຶ້ນ 31,9% ທາງດ້ານມູນຄ່າທຽບກັບໄລຍະດຽວກັນໃນປີ 2020.
ທີ່ໜ້າສົນໃນແມ່ນລາຄາການສົ່ງອອກສະເລັ່ຍປະເພດຢາງພາລາຕ່າງໆລ້ວນແຕ່ເພີ່ມຂຶ້ນທຽບກັບໄລຍະດຽວກັນໃນປີ 2020, ຍົກເວັ້ນຢາງພາລາສັງເຄາະທີ່ມີລາຄາສົ່ງອອກສະເລັ່ຍຫຼຸດລົງ.
ປະເທດຈີນປັດຈຸບັນເປັນຕະຫຼາດທີ່ຮັບຊື້ຢາງພາລາໃຫຍ່ສຸດຂອງຫວຽດນາມ. ຕາມຕົວເລກສະຖິຕິຂອງອົງການພາສີປະເທດຈີນ, ໃນ 11 ເດືອນ ຂອງປີ 2021 ນັ້ນ ມູນຄ່າການນຳເຂົ້າຢາງພາລາຂອງປະເທດຈີນບັນລຸ 11,35 ຕື້ໂດລາ USD, ເພີ່ມຂຶ້ນ 16,2% ທຽບກັບໄລຍະດຽວກັນໃນປີ 2020.
ຫວຽດນາມເປັນຕະຫຼາດທີ່ສະໜອງຢາງພາລາໃຫຍ່ອັນດັບ 2 ໃຫ້ແກ່ປະເທດຈີນດ້ວຍມູນຄ່າການຊື້ຂາຍບັນລຸ 2 ຕື້ USD, ເພີ່ມຂຶ້ນ 32,2% ທຽບກັບໄລຍະດຽວກັນໃນປີ 2020.
ສ່ວນແບ່ງຕະຫຼາດຢາງພາລາຫວຽດນາມໃນມູນຄ່າການນຳເຂົ້າທັງໝົດຂອງປະເທດຈີນໃນ 11 ເດືອນ ຂອງປີ 2021 ກວມ 17,7%, ເພີ່ມຂຶ້ນທຽບກັບລະດັບ 15,5% ຂອງ 11 ເດືອນໃນປີ 2020.
ວິລະຊົນ
