| ອົງການ UNDP ສະແດງຄວາມຊົມເຊີຍ ຫວຽດນາມ ໃນການເຜີຍແຜ່ສະຖິຕິກ່ຽວກັບຄວາມທຸກຍາກຈາກຫຼາຍດ້ານ | |
| UNDP ປະກາດບົດລາຍງານພິເສດຊາວໜຸ່ມຫວຽດນາມ ກະທຳເພື່ອດິນຟ້າອາກາດ |
 |
| ພິທີມອບເຮືອນໃຫ້ຄອບຄົວທຸກຍາກ (ພາບ: baomoi.com) |
ເຫດພາຍຸຕ່າງໆຄັ້ງປະຫວັດສາດໃນທ້າຍປີ 2020 ໄດ້ກໍ່ຜົນເສຍຫາຍຢ່າງໃຫຍ່ຫຼວງ ໃຫ້ພໍ່ແມ່ປະຊາຊົນເຂດພາກກາງ ຫວຽດນາມ, ໃນນັ້ນມີ ແຂວງ ກ໋ວາງຫງາຍ. ເມືອງເກາະລີເຊີນ ມີເຮືອນນັບພັນຫຼັງຖືກທຳລາຍ, ກໍ່ຜົນສະທ້ອນໂດຍກົງຕໍ່ຊີວິດການເປັນຢູ່ຂອງປະຊາຊົນ, ພິເສດແມ່ນຄອບຄົວທຸກຍາກ, ຄອບຄົວທີ່ມີແຕ່ແມ່ຍິງ ໄລ່ສະເພາະ ພາຍຸເລກ 9 (ໃນເດືອນພະຈິກ ປີ 2020), ເມືອງເກາະແຫ່ງນີ້ ມີເຮືອນ 1800 ຫຼັງຖືກທຳລາຍ.
ເພື່ອແກ້ໄຂຜົນທີ່ຕາມມາຢ່າງທັນການ, ຊ່ວຍປະຊາຊົນທຸກຍາກກັບຄືນສູ່ຊີວິດການເປັນຢູ່ທີ່ເປັນປົກກະຕິໂດຍໄວ, UNDP ໄດ້ຜ່ານສະພາກາແດງແຂວງ ກ໋ວາງຫງາຍ ໜູນຊ່ວຍກໍ່ສ້າງເຮືອນ 10 ຫຼັງເພື່ອຕ້ານພາຍຸ ທີ່ຕິດຕັ້ງລະບົບໄຟຟ້າແສງຕາເວັນ ໃຫ້ແກ່ 10 ຄອບຄົວທຸກຍາກ, ຄອບຄົວປະສົມກັບຄວາມຫຍຸ້ງຍາກຢູ່ເມືອງເກາະລີເຊີນ ໂດຍແມ່ນສະຖານທີ່ຈຸດສຸມທີ່ຖືກຜົນກະທົບຈາກໄພທຳມະຊາດ.
ຕາມການຄົ້ນຄ້ວາຫວ່າງມໍ່ໆມານີ້ ກ່ຽວກັບຄວາມຕ້ອງການເຮືອນຢູ່ ທີ່ມີຄວາມສາມາດຕ້ານພາຍຸ ເຊິ່ງ UNDP ປະຕິບັດກັບກະຊວງກໍ່ສ້າງ, ມີກ່ວາ 110.000 ຄອບຄົວ ຍັງດຳລົງຊີວິດໃນສະພາບການບໍ່ມີເຮືອນຢູ່ທີ່ປອດໄພໃນ 28 ແຂວງຢູ່ແຄມທະເລ, ໃນນັ້ນມີກ່ວາ 25.000 ແຫ່ງຢູ່ເມືອງແຄມທະເລ. ໃນຈຳນວນນີ້, ມີກ່ວາ 1.500 ແຫ່ງນອນໃນ 5 ເມືອງ ຢູ່ແຄມທະເລຂອງ ກ໋ວາງຫງາຍ.
ນອກຈາກການກໍ່ສ້າງບັນດາເຮືອນຕ້ານພາຍຸ ທີ່ນຳໃຊ້ລະບົບໄຟຟ້າແສງຕາເວັນ, ດ້ວຍການໜູນຊ່ວຍຂອງກອງທຶນດິນຟ້າອາກາດຂຽວແລ້ວ, UNDP ແລະ ລັດຖະບານ ຫວຽດນາມ ກໍໄດ້ສ້າງເຮືອນປອດໄພຕ້ານພາຍຸ ແລະ ນ້ຳຖ້ວມ 680 ຫຼັງຢູ່ແຂວງ ກ໋ວາງງາຍ.
ບຸນຄົງ
