| ປີ 2022, ຫວຽດນາມ ແມ່ນຕະຫຼາດສຳຄັນຂອງບັນດາກຸ່ມວິສາຫະກິດຂາຍຍ່ອຍຍີ່ປຸ່ນ | |
| ຮ່າໂນ້ຍກຳນົດມາດຕະການປ້ອງກັນ, ຕ້ານໂລກລະບາດໂຄວິດ - 19 ສຳລັບຜູ້ເຂົ້າເມືອງ |
 |
| ພາບປະກອບ |
ຮ່າໂນ້ຍຈະຈັດຕັ້ງບາງການເຄື່ອນໄຫວແບບທາງໄກ ເພື່ອຕ້ອນຮັບປີໃໝ່, ຖ່າຍທຳກ່ອນບັນດາລາຍການສະແດງສິລະປະ “ສີສັນລະດູບານໃໝ່” ທີ່ໄດ້ອອກອາກາດໃນຊ່ອງສະຖານີໂທລະພາບທ້ອງຖິ່ນໃນຕອນຄ່ຳວັນທີ 31 ທັນວາ.
ຮ່າໂນ້ຍໄດ້ຂົນຂວາຍບັນດາອົງການຈັດຕັ້ງ, ສ່ວນບຸກຄົນປະດັບປະດາ, ສ່ອງແສງໄຟໃນເຂດຕົວເມືອງ, ດ້ານໜ້າຂອງສຳນັກງານ, ອາຄານ, ໂຮງແຮງ, ສູນການຄ້າ.
ການນຳເມືອງ ຮ່ວານກຽມ ໄດ້ແຈ້ງຂ່າວຕື່ມອີກວ່າ ບັນດາການເຄື່ອນໄຫວຕ້ອນຮັບປີໃໝ່ 2022 ໃນບໍລິເວນ ເມືອງ ຮ່ວານກຽມ ລ້ວນແຕ່ຖືກຢຸດຕິຍ້ອນການຜັນແປຢ່າງສັບສົນຂອງໂລກລະບາດໂຄວິດ - 19. ບັນດາການເຄື່ອນໄຫວ ແລະ ເຫດການເຕົ້າໂຮມຫຼາຍຄົນກໍ່ຖືກຈຳກັດ. ທະນາຄານ, ການບໍລິການກິນດື່ມ ພຽງແຕ່ຂາຍໂດຍໃຫ້ເອົາກັບເມືອກິນຢູ່ບ້ານ ແລະ ປິດຮ້ານກ່ອນ ເວລາ 21 ໂມງຂອງທຸກວັນ.
ເພື່ອຮັບປະກັນວຽກງານປ້ອງກັນ, ຕ້ານໂລກລະບາດໂຄວິດ - 19 ໃນໂອກາດບຸນປີໃໝ່ສາກົນ, ເມືອງຮ່ວານກຽມ ຈະສ້າງປ້ອມປັບໄໝບັນດາກໍລະນີທີີ່ລະເມີດໃນບໍລິເວນ, ຢຸດຕິການອະນຸຍາດໃຫ້ບັນດາສະຖານທີ່ຝາກລົດ ແລະ ພາຫະນະໃນໂອກາດນີ້. ໃນກໍລະນີຈຳນວນຜູູ້ຄົນ ແລະ ພາຫະນະມາຫຼາຍເກີນໄປ ກຳລັງປະຕິບັດໜ້າທີ່ຈະຫ້າມທາງເຂົ້າເຂດສູນກາງ, ສ້າງບັນດາປ້ອມຢູ່ອ້ອມ ໂຮ່ເກືອມ ແລະ ບັນດາເຂດສາທາລະນະ ເພື່ອປັບໄໝຕໍ່ບັນດາກໍລະນີລະເມີດການປ້ອງກັນ, ຕ້ານໂລກລະບາດຢ່າງເຄັ່ງຂັດ.
ບຸນຄົງ
