| ແຂວງ ກວາງນາມ ຈະຕ້ອນຮັບແຂກທ່ອງທ່ຽວ ອາເມລິກາ 2 ຄະນະ | |
| ແຂວງ ເຊີນລາ ຖືວຽກງານໂຄສະນາການເລືອກຕັ້ງ ດ້ວຍພາສາຊົນເຜົ່າສ່ວນໜ້ອຍ |
ໃນທ້າຍປີ, ເມື່ອມາບ້ານນາຢູ່ຂອງຊາວເຜົ່າບານາ ຢູ່ໄຕງວຽນ ທີ່ເຕັມໄປດ້ວຍແສງແດດ ແລະສາຍລົມ ຈະໄດ້ເຫັນປະຊາຊົນເຕົ້າໂຮມອ້ອມໄຫເຫຼົ້າຢູ່ເຮືອນຣົ່ງ. ນັ້ນແມ່ນພິທີສົມມະນາຄຸນເທບພະເຈົ້າຂອງຊາວເຜົ່າບານາຢູ່ທີ່ນີ້.
 |
| ພາບປະກອບ:dangcongsanvn.com |
ຕາມຮີດຄອງປະເພນີແລ້ວ, ພິທີສົມມະນາຄຸນເທບພະເຈົ້າຂອງຊາວເຜົ່າບານາແມ່ນຈັດຂຶ້ນເປັນ 2 ຮູບແບບ ຫຼືມີລັກສະນະຊຸມຊົນດ້ວຍການເຂົ້າຮ່ວມຂອງທັງ ໝູ່ບ້ານ ຫຼືໃນຂອບເຂດແຄບ.
ພິທີກຳນີ້ແມ່ນຂ້ອນຂ້າງງ່າຍດາຍ, ພຽງແຕ່ບູຊາເສັ່ນໄຫວ້ສົມມະນາຄຸນດ້ວຍ ເຄື່ອງບູຊາແມ່ນຖວາຍເຫຼົ້າ ແລະໝາກໄມ້ຈຳນວນໜຶ່ງ, ຖ້າມີໄກ່ ຫຼື ຊີ້ນໝູກໍ່ເປັນການດີດີ, ແຕ່ກໍບໍ່ບັງຄັບ.
ໃນຂອບເຂດຊຸມຊົນ, ພິທີສົມມະນາຄຸນເທບພະເຈົ້າຂອງຊາວເຜົ່າບານາ ມີຂອບ ຂະໜາດໃຫຍ່ກວ່າ ດ້ວຍການຮ່ວມແຮງຮ່ວມໃຈຂອງທຸກຄອບຄົວ, ທຸກຄົນ. ເພື່ອກະກຽມໃຫ້ແກ່ວັນບຸນ, ກ່ອນໜ້ານັ້ນປະມານ 1 ເດືອນ, ທຸກຄົນໃນບ້ານໄດ້ປະຊຸມເພື່ອປຶກສາຫາລືກັນ ແລະມອບໜ້າທີ່.
ກ່ຽວກັບວັນຈັດພິທີ, ເຈົ້າກົກເຈົ້າເຫຼົ່າຂອງບ້ານຈະປຶກສາຫາລືກັບບັນດາຄອບຄົວແລະຜູ້ມີອິດທິພົນຊື່ສຽງເພື່ອເຫັນດີວັນເວລາຈັດຕັ້ງພິທີ.
ໃນວິວັດການປະຊຸມປຶກສາຫາລື, ເຄື່ອງບູຊາເທບພະເຈົ້າໄດ້ຮັບຄວາມເອົາໃຈໃສ່ເປັນພິເສດຈາກພໍ່ແມ່ປະຊາຊົນ. ຕາມຮີດຄອງປະເພນີທຸກໆປີຈະແມ່ນໄກ່, ໝູ ຫຼື ແບ້. ພ້ອມກັນນັ້ນ, ບັນດາເຄື່ອງບູຊາກໍ່ຈະໄດ້ຮັບການປະກອບຕາມເງື່ອນໄຂຂອງແຕ່ລະຄອບຄົວ.
ເມື່ອສະພາເຈົ້າກົກເຈົ້າເຫຼົ່າຂອງໝູ່ບ້ານ ແລະບັນດາຄອບຄົວໄດ້ຕົກລົງເຫັນດີວັນບຸນ, ທຸກຄົນກໍ່ແບ່ງໜ້າວຽກ, ກະກຽມເຫຼົ້າ, ຊີ້ນ... ເພື່ອຮອດວັນເວລາທີ່ໄດ້ ຕົກລົງ ມາເຕົ້າໂຮມກັນເຮັດບຸນຢູ່ເຮືອນຣົງເພື່ອຈັດຕັ້ງພິທີ.
ພິທີສົມມະນາຄຸນຂອງຊາວເຜົ່າບານາຈັດຂຶ້ນໃນເດືອນທັນວາຂອງທຸກໆປີ, ເມື່ອທຸກຢ່າງຢູ່ໄຮ່ນາໄດ້ສຳເລັດແລ້ວ, ເຂົ້າ ແລະສາລີໄດ້ເກັບຮັກສາໄວ້ໃນສາງຢ່າງລະມັດລະວັງ.
ພິທີສົມມະນາຄຸນຂອງຊາວເຜົ່າບານາດຳເນີນໃນຕອນເຊົ້າ, ພິທີດຳເນີນໄປປະມານ 1 ຊົ່ວໂມງ ດ້ວຍພິທີບູຊາເທບພະເຈົ້າ, ພາວະນາຂໍໃຫ້ໝູ່ບ້ານມີຄວາມສະຫງົບງຽບ, ຄວາມຜາສຸກ ແລະອີ່ມໜຳສຳລານ.
ບູນມີ
