 |
| ພາບປະກອບ:petrotimes.vn |
ໂດຍແມ່ນສ່ວນໜຶ່ງໃນການວາງແຜນກຳນົດລະອຽດກ່ຽວກັບການພັດທະນາລະບົບທ່າກ່ຳປັ່ນ Inland Container Depot (ICD) ແລະ ສູນ Logistics ຫວຽດນາມ ໄລຍະ 2020, ກຳນົດທິດຮອດປີ 2030, ສູນ Logistics ICD ວິງຟຸກ ແມ່ນ “ທ່າກ່ຳປັ່ນໃຫຍ່ທີ່ສຸດ” ແຫ່ງທຳອິດຂອງເຄືອຂ່າຍ logistics ອັດສະລິຍະຢູ່ພາກພື້ນ ອາຊຽນ, ມີບົດບາດໜ້າທີ່ປະມວນຂອງ ສູນແຈກຢາຍ (Distribution Center - DC) ແລະ ເຂດ ICD ເພື່ອຮັບໃຊ້ໃຫ້ແກ່ການເຄື່ອນໄຫວສະໜອງບັນດາການບໍລິການ Logistics ແລະ ໄດ້ຮັບການນຳໃຊ້ເຕັກໂນໂລຢີ IoT ທີ່ທັນສະໄໝແຖວໜ້າໂລກ.
ສູນມີຂອບຂະໜາດກ່ວາ 83 ha, ດ້ວຍສະມັດຕະພາບອອກແບບສິນຄ້າຜ່ານແດນປະມານ 530.000 TEU/ປີ, ນອນຢູ່ເທດສະບານ ເຮືອງແກງ ແລະ ຕາແສງເຊີຍໂລຍ, ເມືອງ ບິ່ງຊວຽນ, ແຂວງວິງຟຸກ
ສ່ວນຢູ່ສະຖານທີ່ເຊື່ອມຕໍ່ ສິງກະໂປ, ທ່ານ Tan See Leng ລັດຖະມົນຕີກະຊວງແຮງງານ, ທັງເປັນລັດຖະມົນຕີຜູ້ທີ 2 ກະຊວງການຄ້າ ແລະ ອຸດສາຫະກຳສິງກະໂປ ໄດ້ຕີລາຄາວ່າ ຕະຫຼາດຫວຽດນາມ ແມ່ນຕະຫຼາດທີ່ເປັນໜ້າສົນໃຈສຳລັບຄູ່ຮ່ວມມືສິງກະໂປ. ເຫດການເລີ່ມລົງມືກໍ່ສ້າງ ທ່າກ່ຳປັ່ນດັ່ງກ່າວເປັນຂີດໝາຍແຫ່ງການຮ່ວມມື ລະຫວ່າງສອງກຸ່ມບໍລິສັດໃຫຍ່ ຂອງສອງປະເທດ ແລະ ແມ່ນໂຄງການທີ່ມີເງິນລົງທຶນຫຼາຍທີ່ສຸດຂອງ ສິງກະໂປ ທີ່ລົງທຶນຢູ່ຫວຽດນາມ. ໂຄງການສາມາດໝູນໃຊ້ທ່າໄດ້ປຽບຂອງ ຫວຽດນາມ ທີ່ພວມຟື້ນຟູພາຍຫຼັງຖືກຜົນກະທົບຫຍໍ້ທໍ້ຈາກໂລກລະບາດໂຄວິດ - 19, ຊ່ວຍໃຫ້ພັດທະນາອຸດສາຫະກຳ 4.0 ແລະ ບຳລຸງສ້າງພື້ນຖານຊັບພະຍາກອນມະນຸດຂອງ ຫວຽດນາມ.
ຕາມແຜນການແລ້ວ, ໂຄງການຈະນຳເຂົ້າການເຄື່ອນໄຫວຂຸດຄົ້ນໄລຍະ 1 ແຕ່ໄຕມາດທີ III ປີ 2022 ແລະ ນຳເຂົ້າເຄື່ອນໄຫວໄລຍະ 2 ໃນໄຕມາດທີ IV ປີ2024.
ບຸນຄົງ
