| ພິທີສະເຫຼີມສະຫຼອງ 60 ປີແຫ່ງວັນສ້າງຕັ້ງ ແລະ ຮັບຫຼຽນໄຊແຮງງານຊັ້ນໜຶ່ງຂອງກະຊວງວິທະຍາສາດ ແລະ ເຕັກໂນໂລຊີ | |
| ງານວາງສະແດງ ເຕັກໂນໂລຊີ ລາວ-ຫວຽດນາມ ຄັ້ງທຳອິດ |
ໃນງານສັບປະດາເຕັກໂນໂລຊີຂໍ້ມູນຂ່າວສານຍີ່ປຸ່ນ ປີ 2021 (IT Week Japan 2021), ວິທີການວິເຄາະ ແລະ ຄຸ້ມຄອງຮູບພາບອັນສະຫຼາດ CIVAMS ທີ່ມາຈາກຫວຽດນາມ ເປັນໜຶ່ງໃນເຕັກໂນໂລຊີທີ່ດຶງດູດຄວາມສົນໃຈຫຼາຍທີ່ສຸດຂອງຜູ້ເຂົ້າຊົມ.
 |
| ພາບປະກອບ: TTXVN |
ຫຼາຍຄົນສະແດງອອກເຖິງຄວາມສົນໃຈຫຼາຍກັບເຕັກໂນໂລຊີນີ້. ບາງກຸ່ມບໍລິສັດໃຫຍ່ຂອງຍີ່ປຸ່ນໄດ້ຕັ້ງບັນຫາການຮ່ວມມືກັບກຸ່ມບໍລິສັດ CMC - ໜ່ວຍງານລິຂະສິດ CIVAMS - ເພື່ອນຳໃຊ້ເຕັກໂນໂລຊີນີ້ໃນຍີ່ປຸ່ນ.
ທ່ານ ນາງ ຫວງຽນທິທູຮັ່ງ, ປະທານຜູ້ອຳນວຍການໃຫຍ່ CMC ຍີ່ປຸ່ນ - ບໍລິສັດລູກຂອງກຸ່ມບໍລິສັດ CMC ທີ່ຮັບໃຊ້ສະເພາະໃຫ້ທ້ອງຕະຫຼາດຂອງຍີ່ປຸ່ນ ໃຫ້ຊາບວ່າ ການແນະນຳຕົວ CIVAMS ແລະ ປະຕິບັດການເຕັກໂນໂລຊີອື່ນໆຂອງ CMC ໃນ IT Week Japan ແມ່ນບາດກ້າວໃໝ່ອັນໜຶ່ງຂອງ CMC ທີ່ແນໃສ່ໂຄສະນາບັນດາຜະລິດຕະພັນເຕັກໂນໂລຊີ “Make in Vietnam” ໃນຍີ່ປຸ່ນ.
CIVAMS ມີຄວາມສາມາດໃນການວິເຄາະພາບເຄື່ອນໄຫວ, ຮັບຮູ້ໃບໜ້າ, ຮັບຮູ້ຕົວຕົນ, ວັດແທກອຸນຫະພູມຮ່າງກາຍ, ຊ່ວຍຄວບຄຸມການເຂົ້າອອກໃນເຂດທີ່ຕ້ອງການປ້ອງກັນຄວາມລັບສູງ ຫຼື ບ່ອນທີ່ມີປະລິມານຄົນເຂົ້າອອກຫຼາຍ. ຜົນລັບການທົດລອງຕົວຈິງ, ລະດັບຄວາມຊັດເຈນຂອງ CIVAMS ສູງເຖິງ 99,2% ກັບເງື່ອນໄຂສະພາບແສງທຳມະຊາດ, ໃບໜ້າບໍ່ຖືກປົກປິດ ແລະ 98,95% ກັບໃບໜ້າທີ່ສວມຜ້າປິດປາກ, ໃບໜ້າທີ່ສາມາດຮັບຮູ້ໄດ້ຈາກຫຼາຍມູມ. CIVAMS ສາມາດຮັບຮູ້ໃບໜ້າໃນຖານຂໍ້ມູນໃຫຍ່ເຖິງ 6 ລ້ານ ID ຜູ້ທີ່ນຳໃຊ້ ພ້ອມກັບລະດັບການຮັບຮູ້ສູງເຖິງ 200m/s.
CMC ຍີ່ປຸ່ນ ກໍ່ຕັ້ງຂຶ້ນໃນເດືອນ 8/2017, ສຳນັກງານໃຫຍ່ຢູ່ທີ່ເມືອງໂຢໂກຮ່າມາ. ຮອດປັດຈຸບັນ CMC ຍີ່ປຸ່ນ ທິສາຍພົວພັນຮ່ວມມືກັບລູກຄ້າຫຼາຍກວ່າ 50 ບໍລິສັດທີ່ມີຊື່ສຽງເຊັ່ນ: Softbank Technology, Si&C, SRA, Intage và OST... ແລະ ບໍ່ຢຸດທີ່ຈະກ້າວຂຶ້ນສູ່ຂົງເຂດການຜະລິດຊ໊ອບແວໃນທ້ອງຕະຫຼາດນີ້. CMC ຍີ່ປຸ່ນ ຈະເພີ່ມທະວີການລົງທຶນ ແລະ ເປີດກວ້າງກິດຈະການໃນທ້ອງຕະຫຼາດຍີ່ປຸ່ນ ແນໃສ່ຮັບເອົາໂອກາດໃນໄລຍະຫຼັງການລະບາດຂອງໂຄວິດ-19. ນອກຈາກສຳນັກງານໃຫຍ່ຢູ່ໂຢໂກຮ່າມ່າ ແລະ ຫ້ອງການທີ່ຫາກໍເປີດຢູ່ໂອຊາກາ, CMC ຍີ່ປຸ່ນ ຄາດວ່າຈະເປີດຕື່ມອີກ 4 ຫ້ອງການອື່ນໃນຍີ່ປຸ່ນ. CMC ຈະຍົກຈຳນວນຕົວເລກພະນັກງານທັງໝົດຢູ່ຍີ່ປຸ່ນໃນປີ 2025 ຂຶ້ນ 200 ຄົນ, ຮ່ວມກັບຖັນແຖວຄົນຫວຽດນາມ 2.000 ຄົນທີ່ຮັບໃຊ້ໃຫ້ແກ່ທ້ອງຕະຫຼາດດັ່ງກ່າວ.
hero
