| Operation Smile Vietnam ລະດົມກອງທຶນໄດ້ກວ່າ 2 ຕື້ດົ່ງເພື່ອຊື້ອຸປະກອນການແພດໜູນຊ່ວຍ ຫວຽດນາມຕ້ານການລະບາດຂອງພະຍາດໂຄວິດ -19 | |
| ການນຳພັກ, ລັດຫວຽດນາມສົ່ງສານອວຍພອນເນື່ອງໃນໂອກາດວັນຊາດຈີນ |
 |
| ພາບປະກອບ |
ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ໄດ້ ຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງຈົ່ງອົດກັ້ນຢ່າງສຸດຂີດ, ວາງອອກມາດຕະການປົກປ້ອງສາມັນຊົນ, ພິເສດແມ່ນແມ່ຍິງ ແລະ ເດັກຍິງ, ສ້າງເງື່ອນໄຂສະດວກແກ່ການສົນທະນາ ແລະ ເຈລະຈາ.
ທ່ານເອກອັກຄະລັດຖະທູດ ດັ້ງດິ່ງກຸ໊ຍ ກໍສະແດງຄວາມວິຕົກກັງວົນຕໍ່ບັນດາການເຄື່ອນໄຫວຕັ້ງຖິ່ນຖານຂອງ ອິດສະຣາແອັນ ຢູ່ ຝັ່ງຕາເວັນຕົກແມ່ນ້ຳຈໍແດນ, ລະເມີດກົດໝາຍສາກົນ ແລະ ມະຕິສະບັບອື່ນໆທີ່ກ່ຽວຂ້ອງຂອງ ສປຊ, ເຮັດໃຫ້ແງ່ຫວັງວິທີການແກ້ໄຂຂອງສອງ ລັດ ຖືກອ່ອນແອລົງ.
ຫວຽດນາມກໍ່ໄດ້ຊົມເຊີຍການເພີ່ມທະວີການແລກປ່ຽນ ແລະ ການຮ່ວມມືລະຫວ່າງລັດຖະບານອິດສະຣາແອນ ແລະ ອຳນາດການປົກຄອງປາແລັດສະຕິນ, ຜ່ານນັ້ນ ກໍ່ປະກອບສ່ວນສ້າງບັນຍາກາດແຫ່ງຄວາມໄວ້ເນື້ອເຊື່ອໃຈລະຫວ່າງບັນດາຝ່າຍ ແລະ ຕອບສະໜອງບັນດາສິ່ງທ້າທາຍລວມໃນຫຼາຍຂົງເຂດ.
ຫວຽດນາມກໍ່ມີຄວາມວິຕົກກັງວົນຕໍ່ສະພາບການເສດຖະກິດສັງຄົມ ແລະ ມະນຸດສະທຳທີ່ນັບມື້ນັບຮ້າຍແຮງຢູ່ເຂດ ກາຊາ, ຮຽກຮ້ອງໃຫ້ອິດສະຣາແອັນຍົກເລີກການປິດລ້ອມໂດຍໄວ, ອຳນວຍຄວາມສະດວກໃຫ້ແກ່ການເຂົ້າເຖິງດ້ານມະນຸດສະທຳ ແລະ ປັບປຸງຊີວິດການເປັນຢູ່ຂອງຊາວປາແລັດສະຕິນ.
ຫວຽດນາມ ປາດຖະໜາຢາກໃຫ້ບັນດານັກອຸປະຖໍາສາກົນເພີ່ມທະວີການຊ່ວຍເຫຼືອດ້ານມະນຸດສະທຳ, ໃນນັ້ນ ມີການຜ່ານອົງການກຸສົນ ແລະ ການກະທຳຂອງສະຫະປະຊາຊາດ (UNRWA), ແລະບັນດາຄວາມມານະພະຍາຍາມທີ່ກ່ຽວຂ້ອງຂອງສະຫະປະຊາຊາດ.
ໄຊພອນ
