| ອັດງານມະຫາກຳກິລາການທະຫານສາກົນ Army Games 2021 ຢູ່ຫວຽດນາມ: ຫວຽດນາມຄ້ວາໄດ້ 1 ຫຼຽນຄຳ ແລະ 1 ຫຼຽນ ເງິນ | |
| ນັກຮຽນຫວຽດນາມ ຍາດໄດ້ 4 ຫຼຽນຄຳທີ່ການແຂ່ງຂັນຄະນິດສາດໜຸ່ມສາກົນ |
ນັກຮຽນທີ່ໄດ້ຮັບລາງວັນ ແມ່ນມາຈາກຊັ້ນຮຽນ ມ 7 ຟີຊິກ 1, ໂຮງຮຽນມັດທະຍົມປາຍ ຮ່າໂນ້ຍ - Amsterdam. ຫງວຽນແຂັງເຕິມ ແລະ ເຈິ່ນດິງຢູງ ຍາດໄດ້ຫລຽນຄຳ; ຫງວຽນແມ້ງດຶກ ຍາດໄດ້ຫຼຽນເງິນ; ເລດຶກອ່ານ ແລະ ດີງເຈິ່ນຫາຍຈຽນ ຍາດໄດ້ຫຼຽນທອງ.
ບັ້ນການສອບເສັງໂອລິມປິກສາກົນ ກ່ຽວກັບຟິຊິກສາດດາລາສາດ (IOAA) ແມ່ນບັ້ນການສອບເສັງ ໂອລິມປິກ ວິທະຍາສາດສາກົນ ສໍາລັບນັກຮຽນມັດທະຍົມ ທີ່ຈັດຂຶ້ນເພື່ອຮັບຮູ້ບົດບາດອັນໃຫຍ່ຫຼວງໃນຂົງເຂດດາລາສາດ ແລະ ຟີຊິກສາດດາລາສາດ ໃນຊີວິດປະຈໍາວັນ, ໃນການສຶກສາຂອງໄວຫນຸ່ມ ແລະ ໃນການເພີ່ມທະວີການແລກປ່ຽນສາກົນ. ການສອບເສັງ IOAA ແມ່ນບໍລິຫານໂດຍ ຄະນະກໍາມະການສາກົນ ດ້ວຍສະມາຊິກທີ່ໄດ້ຖືກເລືອກຕັ້ງຈາກອົງການຈັດຕັ້ງຕ່າງໆໃນທົ່ວໂລກ.
 |
| ຫວຽດນາມຍາດໄດ້ 2 ຫຼຽນຄຳໂອລິມປິກສາກົນ ດ້ານຟິຊິກສາດດາລາສາດ ປີ 2021. (ພາບ: hanoimoi) |
IOAA ຄັ້ງທໍາອິດໄດ້ຈັດຂຶ້ນຢູ່ນະຄອນຊຽງໃຫມ່, ປະເທດໄທ ໃນເດືອນພະຈິກປີ 2007. ທຸກໆປີ, ບັ້ນການສອບເສັງໂອລິມປິກສາກົນ ກ່ຽວກັບຟິຊິກສາດດາລາສາດທີ່ຈັດຂຶ້ນຢູ່ປະເທດຕ່າງໆ ໄດ້ຕ້ອນຮັບການເຂົ້າຮ່ວມ ຂອງນັກຮຽນມັດທະຍົມປາຍຫຼາຍຮ້ອຍຄົນ ທີ່ມັກວິຊາຟີຊິກສາດ ແລະ ດາລາສາດ.
ທີ່ງານແຂ່ງຂັນ IOAA ຄັ້ງທີ 10 ປີ 2016 ຢູ່ປະເທດ ອິນເດຍ, ເປັນປີທຳອິດທີ່ເຂົ້າຮ່ວມ, ທິມ ຮ່າໂນ້ຍ ຕາງໜ້າໃຫ້ທິມຫວຽດນາມ ຄວ້າໄດ້ຫຼຽນເງິນ 1 ຫຼຽນ ແລະ ລາງວັນຊົມເຊີຍ 4 ລາງວັນ.
ໃນບັນດາບັ້ນການສອບເສັງ IOAA ປີ 2017 ທີ່ປະເທດໄທ, ຄັ້ງທີ 12 ປີ 2018 ຢູ່ ຈີນ ແລະ ຄັ້ງທີ 13 ໃນປີ 2019 ທີ່ປະເທດຮຸງກາຣີ, ທິມນັກຮຽນນະຄອນຫຼວງຮ່າໂນ້ຍ ຕາງໜ້າໃຫ້ ຫວຽດນາມ ລ້ວນແຕ່ຍາດໄດ້ຫຼຽນຄຳ, ຫຼຽນເງິນ, ຫຼຽນທອງ.
ບັ້ນການສອບເສັງ IOAA ຄັ້ງທີ 14 ປີ 2021 ໄດ້ຈັດຂຶ້ນຢູ່ ໂຄໂລມເບຍ ໃນຮູບແບບອອນໄລນ໌ລະຫວ່າງວັນທີ 14 ຫາ 21 ພະຈິກ 2021 ດ້ວຍການເຂົ້າຮ່ວມຂອງ 50 ປະເທດ ແລະ ເຂດແຄ້ວນ ປະກອບມີ 60 ທີມ ເຊິ່ງເປັນການແຂ່ງຂັນໃຫຍ່ທີ່ສຸດທີ່ເຄີຍມີມາ.
ຄຳຮຸ່ງ
