ການຮ່ວມມືດ້ານປ້ອງກັນຊາດ, ປ້ອງກັນຄວາມສະຫງົບ ແລະຊາຍແດນ ລະຫວ່າງ ຫວຽດນາມ ແລະ ລາວ
	ປະທານຄະນະ ກຳມະການປະຊາຊົນແຂວງນາມດິ້ງ ຕ້ອນຮັບຄະນະຜູ້ແທນ ພະແນກ ປ້ອງກັນຄວາມສະຫງົບ ແຂວງອຸດົມໄຊ ສປປ ລາວ

ປະທານປະເທດ ຫງວຽນຊວນຟຸກ ຖ່າຍຮູບທີ່ລະນຶກກັບບັນດາຜູ້ແທນ. ພາບ: TTXVN

ເຂົ້າຮ່ວມກອງປະຊຸມມີທ່ານ ຟ້າມມິງຈິ໊ງ, ກຳມະການກົມການເມືອງ, ນາຍົກລັດຖະມົນຕີ, ຮອງປະທານສະພາປ້ອງກັນຊາດ ແລະປ້ອງກັນຄວາມສະຫງົບ, ພ້ອມກັບບັນດາສະຫາຍກຳມະການສະພາປ້ອງກັນຊາດ ແລະປ້ອງກັນຄວາມສະຫງົບ: ທ່ານ ເວືອງດິ່ງເຫ້ວ, ກຳມະການກົມການເມືອງ, ປະທານສະພາແຫ່ງຊາດ; ທ່ານພົນເອກ ຟານວັນຢາງ, ກຳມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດ; ທ່ານພົນເອກ ໂຕເລິມ, ກຳມະການກົມການເມືອງ, ລັດຖະມົນຕີກະຊວງຕຳຫຼວດ; ທ່ານ ບຸ່ຍແທັງເຊີນ, ກຳມະການສູນກາງພັກ, ລັດຖະມົນຕີກະຊວງການຕ່າງປະເທດ. ເຂົ້າຮ່ວມກອງປະຊຸມຍັງມີທ່ານ ຟານດິ່ງຈາກ, ກຳມະການກົມການເມືອງ, ເລຂາທິການສູນກາງພັກ, ຫົວໜ້າຄະນະການເມືອງພາຍໃນສູນກາງ.

ຕາງໜ້າສະພາປ້ອງກັນຊາດ ແລະປ້ອງກັນຄວາມສະຫງົບ, ທ່ານ ຫງວຽນຊວນຟຸກ ຍ້ອງຍໍຊົມເຊີຍກຳລັງກອງທັບ, ຕຳຫຼວດ, ການຕ່າງປະເທດ ທີ່ມີການປະກອບສ່ວນສຳຄັນເຂົ້າໃນວຽກງານປ້ອງກັນ, ຕ້ານພະຍາດໂຄວິດ-19 ໃນໄລຍະຜ່ານມາ. ກໍາລັງກອງທັບ, ຕໍາຫຼວດໄດ້ສົມທົບກັນຢ່າງແໜ້ນແຟ້ນກັບບັນດາກະຊວງ, ຄະນະ, ຂະແໜງການ, ທ້ອງຖິ່ນພ້ອມກັບກຳລັງກ່ຽວຂ້ອງຊາບຊຶມ, ຜັນຂະຫຍາຍແຜນນະໂຍບາຍ, ການຊີ້ນຳຂອງພັກ, ລັດ, ລະດົມທຸກແຫຼ່ງກຳລັງ, ທັງປ້ອງກັນ, ຕ້ານພະຍາດໂຄວິດ-19 ຢ່າງຂ້ຽວຂາດ, ທັງຮັບປະກັນການປະຕິບັດໜ້າທີ່ທາງການທະການ, ການປ້ອງກັນຊາດ, ຮັກສາຄວາມໝັ້ນຄົງແຫ່ງຊາດ, ຄວາມເປັນລະບຽບຮຽບຮ້ອຍ, ຄວາມປອດໄພທາງສັງຄົມໃຫ້ເປັນຢ່າງດີ...

ໃນໄລຍະຈະມາເຖິງ, ໃນສະພາບການພະຍາດໂຄວິດ-19 ມີການຜັນແປສັບສົນ, ປະທານປະເທດ ສະເໜີໃຫ້ກຳລັງກອງທັບ, ຕຳຫຼວດ ແລະກຳລັງກ່ຽວຂ້ອງຄວນສືບຕໍ່ສົມທົບກັນ, ປະສານງານກັນຢ່າງແໜ້ນແຟ້ນເພື່ອຜັນຂະຫຍາຍປະຕິບັດບັນດາແຜນນະໂຍບາຍ, ຄຳຊີ້ນຳຂອງສູນກາງພັກ, ສະພາແຫ່ງຊາດ, ລັດຖະບານ, ຄະນະຊີ້ນຳແຫ່ງຊາດກ່ຽວກັບການປ້ອງກັນ, ຕ້ານພະຍາດໂຄວິດ-19 ຢ່າງມີປະສິດທິຜົນ, ຮັບປະກັນທິດນຳໃນການຮັບມືຢ່າງປອດໄພ, ມີໄຫວພິບ, ຄວບຄຸມໂລກລະບາດຢ່າງມີປະສິດທິຜົນ; ສືບຕໍ່ເພີ່ມທະວີວຽກງານກຳແໜ້ນສະພາບການກ່ຽວຂ້ອງເຖິງຄວາມໝັ້ນຄົງດ້ານເສດຖະກິດ, ໂດຍສະເພາະແມ່ນການຕີລາຄາຜົນກະທົບ, ຜົນສະທ້ອນຂອງພະຍາດໂຄວິດ-19 ທີ່ມີຕໍ່ການເຄື່ອນໄຫວເສດຖະກິດ-ສັງຄົມຂອງຫວຽດນາມ ແລະໂລກ.

ສຳລັບໜ້າທີ່ເຂົ້າຮ່ວມການເຄື່ອນໄຫວຮັກສາສັນຕິພາບສະຫະປະຊາຊາດ, ທ່ານ ຫງວຽນຊວນຟຸກ ເນັ້ນໜັກວ່າ ກຳລັງກອງທັບຕ້ອງສືບຕໍ່ຄົ້ນຄວ້າຂະຫຍາຍກຳລັງ ແລະບໍລິເວນເຂົ້າຮ່ວມ; ໃນສະເພາະໜ້າກຳລັງຕຳຫຼວດຄວນສຸມໃສ່ຍູ້ແຮງວຽກງານບຳລຸງສ້າງ, ຝຶກແອບເພື່ອກະກຽມຈັດສົ່ງພະນັກງານເຂົ້າຮ່ວມການເຄື່ອນໄຫວຮັກສາສັນຕິພາບສະຫະປະຊາຊາດ. ກ່ຽວກັບແຜນການດຳເນີນງານປີ 2022, ປະທານປະເທດ ເນັ້ນໜັກເຖິງຄວາມຮຽກຮ້ອງກຳແໜ້ນສະພາບການ, ເປັນເຈົ້າການກໍ່ສ້າງຍຸດທະສາດ, ແຜນການຮັບມືກັບການຜັນແປສະພາບການຂອງພາກພື້ນ ແລະໂລກ, ປະທານປະເທດ ສະເໜີໃຫ້ບັນດາສະມາຊິກ, ອົງການຂອງສະພາປ້ອງກັນຊາດ ແລະປ້ອງກັນຄວາມສະຫງົບເສີມຂະຫຍາຍບົດບາດໃນວຽກງານຮັບປະກັນການປ້ອງກັນຊາດ, ປ້ອງກັນຄວາມສະຫງົບຂອງປະເທດ.