ສົມທົບກັນຢ່າງແໜ້ນແຟ້ນເພື່ອຮັບປະກັນຄວາມສະຫງົບປອດໄພໃຫ້ແກ່ການພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ-ລາວ

07:07 | 06/12/2021

ຫວ່າງແລ້ວນີ້, ຢູ່ທີ່ດ່ານສາກົນລາວບ້າວ, ເມືອງເຮື໊ອງຮວ໊າ, ແຂວງກວ້າງຈິງ, ຄະນະຜູ້ແທນກອງບັນຊາການທະຫານ ຊາຍແດນ, ກອງບັນຊາການທະຫານ, ກອງບັນຊາການຕໍາຫຼວດແຂວງກວ້າງຈິ ນໍາໂດຍທ່ານພັນເອກພິເສດ ເລວັນເຟືອງ ຫົວໜ້າການທະຫານ ກອງບັນຊາການທະຫານຊາຍແດນແຂວງກວ້າງຈິ ແລະຄະນະຜູ້ແທນກອງບັນຊາການທະຫານ, ກອງບັນຊາການປ້ອງກັນຄວາມສະຫງົບແຂວງສະຫວັນນະເຂດ ນໍາໂດຍທ່ານພັນເອກ ຄໍາເພັດ ສຸລິຍະວົງ ຫົວໜ້າການທະຫານກອງບັນຊາການທະຫານແຂວງສະຫວັນນະເຂດ ໄດ້ມີການພົບປະ, ແລກປ່ຽນ, ເຫັນດີເປັນເອກະພາບຕໍ່ການຜັນຂະຫຍາຍວິທີຮັບປະກັນຄວາມສະຫງົບ, ຄວາມປອດໄພ ເພື່ອຮັບໃຊ້ການພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ-ລາວ ຄັ້ງທີ 1 ປີ 2021.

ເພີ່ມທະວີນ້ຳໃຈມິດຕະພາບ, ຄວາມສາມັກຄີແບບພິເສດ ແລະການຮ່ວມມືຮອບດ້ານຫວຽດນາມ - ລາວ ເພີ່ມທະວີນ້ຳໃຈມິດຕະພາບ, ຄວາມສາມັກຄີແບບພິເສດ ແລະການຮ່ວມມືຮອບດ້ານຫວຽດນາມ - ລາວ
ເຊື່ອມຕໍ່ນັກຊ່ຽວຊານຊາວຫວຽດນາມ ອາໄສຢູ່ຕ່າງປະເທດກັບລະບົບນິເວດປ່ຽນແປງໃໝ່ປະດິດສ້າງແຫ່ງຊາດ ເຊື່ອມຕໍ່ນັກຊ່ຽວຊານຊາວຫວຽດນາມ ອາໄສຢູ່ຕ່າງປະເທດກັບລະບົບນິເວດປ່ຽນແປງໃໝ່ປະດິດສ້າງແຫ່ງຊາດ
ທ່ານພັນເອກພິເສດ ເລວັນເຟືອງ ມອບຂອງຂວັນໃຫ້ຜູ້ແທນກອງບັນຊາການທະຫານ, ກອງບັນຊາການປ້ອງກັນຄວາມສະຫງົບແຂວງສະຫວັນນະເຂດ. ພາບ: ຫວ໊ຽດຮ່າ.
ທ່ານພັນເອກພິເສດ ເລວັນເຟືອງ ມອບຂອງຂວັນໃຫ້ຜູ້ແທນກອງບັນຊາການທະຫານ, ກອງບັນຊາການປ້ອງກັນຄວາມສະຫງົບແຂວງສະຫວັນນະເຂດ. ພາບ: ຫວ໊ຽດຮ່າ.

ທີ່ການພົບປະ, ສອງຝ່າຍໄດ້ເຫັນດີເປັນເອກະພາບເພີ່ມທະວີກໍາລັງຄຸ້ມຄອງ, ປ້ອງກັນຊາຍແດນ, ດ່ານຊາຍແດນ; ປົກປັກຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມ, ຕໍ່ສູ້ຕ້ານອາດຊະຍາກໍາປະເພດຕ່າງໆ; ສະກັດກັ້ນການເຄື່ອນໄຫວເຂົ້າ-ອອກເມືອງຜິດກົດໝາຍ; ການຄ້າຂາຍເຖື່ອນ, ສໍ້ໂກງການຄ້າ ແລະການປະພຶດທີ່ລະເມີດອະທິປະໄຕຊາຍແດນສອງຝ່າຍ, ສົມທົບກັນຢ່າງແໜ້ນແຟ້ນກວ່າອີກໃນວຽກງານກໍາແໜ້ນ, ແລກປ່ຽນຂໍ້ມູນກ່ຽວກັບສະພາບການຢູ່ເຂດຊາຍແດນ ແລະສະພາບການພະຍາດໂຄວິດ-19.

ພ້ອມທັງສຶກສາອົບຮົມ, ຊາບຊຶມໃຫ້ພະນັກງານ, ນັກຮົບ ແລະໂຄສະນາໃຫ້ແກ່ປະຊາຊົນຢູ່ສອງຟາກຊາຍແດນ ຮັບຮູ້ຢ່າງເລິກເຊິ່ງກ່ຽວກັບຄວາມໝາຍ, ຄວາມສໍາຄັນ ແລະໜ້າທີ່ປ້ອງກັນຄວາມສະຫງົບ, ຮັກສາຄວາມປອດໄພໃຫ້ແກ່ການພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ-ລາວ ຄັ້ງທີ 1; ເສີມຂະຫຍາຍກໍາລັງແຮງສັງລວມຂອງທົ່ວລະບົບການເມືອງ, ທົ່ວປວງຊົນໃນການປົກປັກຮັກສາອະທິປະໄຕຜືນແຜ່ນດິນໄວ້ໃຫ້ໝັ້ນແກ່ນ, ຮັກສາຄວາມໝັ້ນຄົງດ້ານການເມືອງ ແລະຄວາມເປັນລະບຽບຮຽບຮ້ອຍທາງສັງຄົມຢູ່ເຂດຊາຍແດນ, ສະກັດກັ້ນການເຂົ້າ-ອອກເມືອງຜິດກົດໝາຍ ສົມທົບກັບການປ້ອງກັນ, ຕ້ານພະຍາດໂຄວິດ-19 ຢ່າງມີປະສິດທິຜົນ; ບໍ່ປະໃຫ້ພະຍາດໂຄວິດ-19 ແຜ່ລາມເຂົ້າກົມກອງ ແລະຊຸມຊົນ... ປະກອບສ່ວນຮັບປະກັນຄວາມປອດໄພຢ່າງເດັດຂາດໃຫ້ແກ່ການພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ-ລາວ ຄັ້ງທີ 1.

la.qdnd.vn

ເຫດການ
ຫວຽດ​ນາມ ມີ 10 ແຂ​ວງ​ນະ​ຄອນ​ຕິດ​ກັບ​ລາວ, 10 ຄູ່​ດ່ານ​ຊາຍ​ແດນ​ສາ​ກົນ, ແຕ່​ການ​ທ່ອງ​ທ່ຽວ​ລະ​ຫວ່າງ​ບັນ​ດາ​ແຂວງ​ເຂດ​ຊາຍ​ແດນ​ຍັງ​ບໍ່​ທັນ​ພັດ​ທະ​ນາ​ຢ່າງ​ເໝາະ​ສົມ​ກັບ​ຄວາມ​ສາ​ມາດ​ບົ່ມ​ຊ້ອນ
ຫວຽດ​ນາມ ມີ 10 ແຂ​ວງ​ນະ​ຄອນ​ຕິດ​ກັບ​ລາວ, 10 ຄູ່​ດ່ານ​ຊາຍ​ແດນ​ສາ​ກົນ, ແຕ່​ການ​ທ່ອງ​ທ່ຽວ​ລະ​ຫວ່າງ​ບັນ​ດາ​ແຂວງ​ເຂດ​ຊາຍ​ແດນ​ຍັງ​ບໍ່​ທັນ​ພັດ​ທະ​ນາ​ຢ່າງ​ເໝາະ​ສົມ​ກັບ​ຄວາມ​ສາ​ມາດ​ບົ່ມ​ຊ້ອນ