| ເຊີນລາ ສົ່ງອອກໝາກມັງກອນແດງ ຈຳນວນ 10 ໂຕນໄປຍັງລັດເຊຍ | |
| ແຂວງ ເຊີນລາ ອະນຸລັກຮັກສາ ອາຊີບຖັກແສ່ວ ຕັດຫຍິບຊຸດອາພອນປະຈຳເຜົ່າມົ້ງ |
ນັກຮຽນໃນຫ້ອງນີ້ ສ່ວນຫຼາຍແມ່ນແມ່ຍິງຂອງບ້ານ ແລະ ຍັງເປັນຜູ້ຜະລິດຕົ້ນຕໍຂອງຄອບຄົວ. ຍ້ອນສະພາບຄອບຄົວ ແລະ ຮີດຄອງປະເພນີໃນເມື່ອກ່ອນ, ເດັກນ້ອຍເພດຍິງໃນບ້ານບໍ່ໄດ້ເຂົ້າໂຮງຮຽນ. ປະຊາຊົນຢູ່ທີ່ນີ້ໄດ້ຮັບການປຸກລະດົມ, ຂົນຂວາຍ ໂດຍພະນັກງານ, ນັກຮົບກອງບັນຊາການທະຫານຊາຍແດນແຂວງ ຈ່ຽງເຊີນ ແລະ ພະແນກສຶກສາ ແລະ ບຳລຸງສ້າງເມືອງ ເຂົ້າຮ່ວມການຮຽນ-ການສອນເພື່ອລົບລ້າງໄພກືກໜັງສື.
ຮັບຜິດຊອບການສອນໃນຫ້ອງຮຽນ ມີຄູສອນທະຫານຍົດຂຽວ (ທະຫານເຕັກນິກ) 2 ທ່ານ ຈາກປ້ອມປ້ອງກັນຊາຍແດນ ຈ່ຽງເຊີນ ແລະ ຄູສອນຈາກໂຮງຮຽນປະຖົມ ແລະ ມັດທະຍົມຕາແສງ ເຕີນຊວນ 2 ທ່ານ.
 |
| ປະຊາຊົນຢູ່ເຂດພູດອຍ ເຊີນລາ ເຂົ້າຮ່ວມການຮ່ຳຮຽນເພື່ອລົບລ້າງໄພກືກໜັງສື. ພາບ: baodantoc.vn |
ຄູສອນ ລ້ວນແຕ່ຮູ້ສອງພາສາ (ພາສາກາງ ແລະ ພາສາມົ້ງ). ເມື່ອສອນ ຈະນຳໃຊ້ພາສາກາງ, ເມື່ອຜູ້ຮຽນບໍ່ເຂົ້າໃຈກໍ່ອາດອະທິບາຍເປັນພາສາມົ້ງ. ເວລາຮຽນແມ່ນ 18:00-21:00 ທຸກໆມື້. ຕາມແຜນການ, ຫ້ອງຮຽນຈະຈັດຕັ້ງປະຕິບັດຫລັກສູດແຕ່ ຊັ້ນ ປ.1 ຫາ ປ.3.
ປະຈຸບັນ, ໃນໝູ່ບ້ານມີຫຼາຍຄົນທີ່ບໍ່ຮູ້ໜັງສື. ບັນດາຫົວໜ່ວຍ ຈະສືບຕໍ່ສົມທົບ, ສຳຫຼວດ ແລະ ເປີດຫ້ອງຮຽນລົບລ້າງການກືກໜັງສື ເພື່ອປະກອບສ່ວນຍົກສູງຄວາມຮູ້ຄວາມສາມາດ, ຍົກສູງຄຸນນະພາບຊີວິດການເປັນຢູ່ຂອງປະຊາຊົນບັນດາບ້ານເຂດເນີນພູສູງຊາຍແດນຕາແສງ ເຕີນຊວນ.
ໃນໄລຍະ 3 ປີຜ່ານມາ, ຂະແໜງການສຶກສາ ແລະ ບຳລຸງສ້າງແຂວງ ເຊີນລາ ໄດ້ສົມທົບກັບກອງບັນຊາການທະຫານຊາຍແດນແຂວງ ປະຕິບັດ “ໂຄງການກໍ່ສ້າງສັງຄົມຮຽນຮູ້ຢູ່ເຂດຊາຍແດນ”. ດ້ວຍເຫດນັ້ນ, ຈິ່ງໄດ້ປະກອບສ່ວນຫຼຸດຜ່ອນອັດຕາການປະລະການຮຽນ ແລະ ຍົກສູງຄຸນນະພາບຂອງວຽກງານລົບລ້າງການກືກໜັງສື, ໂດຍສະເພາະແມ່ນໃນຊຸມຊົນບັນດາເຜົ່າສ່ວນໜ້ອຍຢູ່ທ້ອງຖິ່ນ.
ໂດຍເປັນໜຶ່ງໃນບັນດາແຂວງພາກຕາເວັນຕົກສຽງເໜືອ ທີ່ມີຊາຍແດນຕິດກັບລາວ, ເຂດຊາຍແດນເຊີນລາ ມີພົນລະເມືອງເກືອບ 27.000 ຄົນ ຂຶ້ນກັບ 286 ບ້ານຂອງ 6 ເມືອງ, ໃນນັ້ນສ່ວນໃຫຍ່ແມ່ນບັນດາເຜົ່າຜູ້ໄທ, ເມື່ອງ, ແລະ ເຮີມົງ, ເຄີມູ: ຊິງມູ, ໄຕ່ ແລະ ລາວ ອາໄສຢູ່ຮ່ວມກັນ. ກໍ່ຍ້ອນສະພາບການຫຍຸ້ງຍາກ, ສະນັ້ນ ເດັກນ້ອຍໃນໝູ່ບ້ານຍັງບໍ່ມີເງື່ອນໄຂໄດ້ຮັບການດູແລ, ເອົາໃຈໃສ່. ໂດຍສະເພາະ, ແມ່ຍິງຈາກບາງຊົນເຜົ່າສ່ວນໜ້ອຍ ຍ້ອນຮີດຄອງປະເພນີເກົ່າແກ່, ບໍ່ສາມາດໄປໂຮງຮຽນໄດ້ແຕ່ອາຍຸຍັງນ້ອຍ, ເຖິງແມ່ນແຕ່ງງານແລ້ວ, ແຕ່ກໍ່ຍັງບໍ່ຮູ້ພາສາກາງ.
ຄຳຮຸ່ງ
